അഴകും കരുത്തും ഒരുമിക്കുന്നൊരു ബൈക്ക്, 2024 കവസാക്കി നിഞ്ച 650 ഇന്ത്യൻ വിപണിയിലെത്തി

മികച്ച സവിശേഷതകളുമായിട്ടാണ് 2024 കവസാക്കി നിഞ്ച 650 രാജ്യത്ത് ലോഞ്ച് ചെയ്തിരിക്കുന്നത്. ഈ ബൈക്കിന് 7.16 ലക്ഷം രൂപ മുതലാണ് എക്‌സ് ഷോറൂം വില ആരംഭിക്കുന്നത്. ഈ ബൈക്കിന്റെ ഇതുവരെ വിൽപ്പനയിലുണ്ടായിരുന്ന 2023 മോഡലിന് 7.12 ലക്ഷം രൂപയായിരുന്നു എക്സ് ഷോറൂം വില. ചെറിയ വില വർധനവാണ് ബൈക്കിന് ഉണ്ടായിരിക്കുന്നത്. 2024 കവസാക്കി നിഞ്ച 650 മുൻതലമുറ മോഡലിന് സമാനമായ സവിശേഷതകളുമായിട്ടാണ് വരുന്നത്.

Read More: കാൽ കോടി രൂപയുടെ ബൈക്ക്; പുതിയ ഡ്യുക്കാട്ടി ഡയവൽ വി4 ഇന്ത്യയിലെത്തി​

2024 കവസാക്കി നിഞ്ച 650യും 2023 മോഡലും തമ്മിലുള്ള പ്രധാന മാറ്റം എമിഷൻ മാനദണ്ഡങ്ങൾ പാലിക്കുന്ന കാര്യത്തിലാണ്. 2024 കവസാക്കി നിഞ്ച 650യുടെ എഞ്ചിൻ പുതിയ എമിഷൻ മാനദണ്ഡങ്ങൾ പാലിക്കുന്നതിനൊപ്പം തന്നെ ഇ20 ഫ്യൂവൽ സപ്പോർട്ടുമായിട്ടാണ് വരുന്നത്. മെക്കാനിക്കലായി 2024 കവസാക്കി നിഞ്ച 650ക്ക് മാറ്റങ്ങളൊന്നും ഇല്ല. ഡിസൈനിന്റെ കാര്യത്തിലും 2023 കവസാക്കി നിഞ്ച 650യിൽ നിന്നും വളരെ ചെറിയ മാറ്റങ്ങൾ മാത്രമാണ് 2024 കവസാക്കി നിഞ്ച 650യിൽ വരുത്തിയിട്ടുള്ളത്.

2024 കവസാക്കി നിഞ്ച 650 മോട്ടോർസൈക്കിളിന് കരുത്ത് നൽകുന്നത്. 649 സിസി, പാരലൽ-ട്വിൻ എഞ്ചിൻ, ലിക്വിഡ്-കൂൾഡ് എഞ്ചിനാണ്. ഈ എഞ്ചിൻ 68.2 എച്ച്പി പവറും 64 എൻഎം പീക്ക് ടോർക്കും ഉത്പാദിപ്പിക്കുന്നു. 6 സ്പീഡ് ഗിയർബോക്സുമായിട്ടാണ് ഈ വാഹനം വരുന്നത്. വേഗതയും പെർഫോമൻസും നൽകുന്നതിനൊപ്പം തന്നെ ഈ വാഹനം റൈഡിങ് കംഫർട്ടിന്റെ കാര്യത്തിലും ശ്രദ്ധിക്കുന്നുണ്ട്. മികച്ച കൺട്രോൾ നൽകുന്ന രീതിയിലാണ് കവസാക്കി നിഞ്ച 650 ഡിസൈൻ ചെയ്തിരിക്കുന്നത്.

Read More: കുറഞ്ഞ വിലയിൽ കിടിലൻ മൈലേജുമായി ഹോണ്ട SP160 വിപണിയിലെത്തി​

മുകളിൽ സൂചിപ്പിച്ചത് പോലെ കവസാക്കി നിഞ്ച 650 മുൻതലമുറ മോഡലിൽ നിന്നുള്ള നിരവധി ഡിസൈൻ ഘടകങ്ങൾ അതേപടി നിലനിർത്തുന്നു. ട്വിൻ-പോഡ് എൽഇഡി ഹെഡ്‌ലൈറ്റുകളാണ് ഈ ബൈക്കിലുള്ളത്. കളർ ടിഎഫ്ടി ഇൻസ്ട്രുമെന്റ് ക്ലസ്റ്ററും ബൈക്കിലുണ്ട്. ഇതിൽ നിരവധി വിവരങ്ങൾ കാണിക്കുന്നു. ഫുൾ ഫെയറിങ്ങുകളാണ് കവസാക്കി നിഞ്ച 650യിലുള്ള മറ്റൊരു സവിശേഷത. മസ്കുലർ ഫ്യൂവൽ ടാങ്ക് ബൈക്കിന്റെ ഭംഗി വർധിപ്പിക്കുന്നതിനൊപ്പം സ്പോർട്ടി ലുക്കും നൽകുന്നുണ്ട്.

സ്റ്റെപ്പ്-അപ്പ് സീറ്റ്, അണ്ടർബെല്ലി എക്‌സ്‌ഹോസ്റ്റ് എന്നിവയാണ് കവസാക്കി നിഞ്ച 650 മോട്ടോർസൈക്കിളിന്റെ മറ്റ് ഡിസൈൻ സവിശേഷതകൾ. കവാസാക്കി റേസിംഗ് ടീം ഗ്രാഫിക്സിനൊപ്പം ലൈം ഗ്രീൻ കളറിൽ ഈ പുതിയ മോട്ടോർസൈക്കിൾ ലഭ്യമാകും. മുന്നിൽ ടെലിസ്‌കോപ്പിക് ഫ്രണ്ട് ഫോർക്കും പിന്നിൽ ഒരു മോണോ-ഷോക്ക് യൂണിറ്റുമാണ് 2024 കവസാക്കി നിഞ്ച 650 മോട്ടോർസൈക്കിളിന്റെ സസ്പെൻഷനായി നൽകിയിട്ടുള്ളത്.

Read More: ഹാർലിയുടെ കുഞ്ഞൻ ആള് കേമൻ; ഹാർലി ഡേവിഡ്സൺ എക്സ്440 ബൈക്ക് ബുക്കിങ് കാൽ ലക്ഷം പിന്നിട്ടു​

2024 കവസാക്കി നിഞ്ച 650യി ബൈക്കിൽ 17 ഇഞ്ച് വീലുകളാണുള്ളത്. രണ്ട് അറ്റത്തും ഡ്യുവൽ ചാനൽ എബിഎസ് ഉള്ള ഡിസ്ക് ബ്രേക്കുകളും ഈ ബൈക്കിന്റെ പ്രത്യേകതയാണ്. ഈ മോട്ടോർസൈക്കിളിന് ട്രാക്ഷൻ കൺട്രോൾ, സ്മാർട്ട്ഫോൺ കണക്റ്റിവിറ്റി, റീ ഡിസൈൻ ചെയ്ത വിൻഡ്ഷീൽഡ് എന്നിവയുണ്ട്. നിലവിലുള്ള മോഡലിന്റെ പവർ നിലനിർത്തിക്കൊണ്ടുതന്നെ മിഡ്-റേഞ്ച് ടോർക്ക് വർധിപ്പിച്ചാണ് പുതിയ മോഡൽ വരുന്നത്. ഹോണ്ട സിബിആർ 650ആർ അടക്കമുള്ള ബൈക്കുകളുമായി 2024 കവസാക്കി നിഞ്ച 650 മത്സരിക്കും.