മാരുതി സുസുക്കി ഫ്രോങ്ക്സ്
മാരുതി സുസുക്കിയുടെ പ്രീമിയം സെഗ്‌മെന്റ് ഡീലർഷിപ്പായ നെക്സ വഴിയാണ് ഫ്രോങ്ക്സ് വിൽപ്പന നടക്കാൻ പോകുന്നത്. ഈ ക്രോസ്ഓവർ എസ്‌യുവി മികച്ച നിരവധി സവിശേഷതകളോടെയാണ് വരുന്നത്. മാരുതി സുസുക്കിയുടെ എസ്‌യുവി സെഗ്‌മെന്റിലെ മൂന്നാമത്തെ മോഡലാണ് ഫ്രോങ്ക്സ്. മുൻനിര മിഡ്-സൈസ് എസ്‌യുവിയായ ഗ്രാൻഡ് വിറ്റാരയ്ക്കും സബ് കോംപാക്റ്റ് എസ്‌യുവിയായ ബ്രെസ്സയ്ക്കും ഇടയിലാണ് ഈ പുതിയ മോഡലിന്റെ സ്ഥാനം. ഡിസൈനിലും ഫീച്ചറുകളിലും പുതുമകളോടെയാണ് ഫ്രോങ്ക്സ് വരുന്നത്.
Read More: പവറാണ് സാറെ ഇവന്റെ മെയിൻ; ലംബോർഗിനി ഉറുസ് എസ് ഇന്ത്യൻ വിപണിയിൽ അവതരിപ്പിച്ചു
വില
മാരുതി സുസുക്കി ഫ്രോങ്ക്സിന് ഇതിനകം തന്നെ വലിയ സ്വീകാര്യതയാണ് രാജ്യത്ത് ലഭിച്ചിരിക്കുന്നത്. ബുക്കിങ് തന്നെ ഇതിന് തെളിവാണ്. വാഹനത്തിന്റെ വില പ്രഖ്യാപിക്കുന്നതോടെ കൂടുതൽ ആളുകളെ ആകർഷിക്കാൻ ഫ്രോങ്ക്സിന് സാധിക്കുമെന്ന് പ്രതീക്ഷിക്കുന്നു. 6.75 ലക്ഷം രൂപ മുതൽ എക്സ് ഷോറൂം വിലയിൽ ആയിരിക്കും ഫ്രോങ്ക്സ് ക്രോസ്ഓവർ എസ്‌യുവി അവതരിപ്പിക്കുക എന്നും ഏറ്റവും വില കൂടിയ വേരിയന്റിന് 11 ലക്ഷം രൂപ എക്സ് ഷോറൂം വില ഉണ്ടായിരിക്കുമെന്നും സൂചനകളുണ്ട്.
ബൂസ്റ്റർജെറ്റ് എഞ്ചിൻ
മാരുതി സുസുക്കി ഫ്രോങ്ക്സിൽ രണ്ട് പെട്രോൾ എഞ്ചിൻ ഓപ്ഷനുകളാണുള്ളത്. ആദ്യത്തെ എഞ്ചിൻ 1.0 ലിറ്റർ ബൂസ്റ്റർജെറ്റ് പെട്രോൾ എഞ്ചിനാണ്. ബലേനോ ആർഎസിൽ നിർത്തലാക്കിയ ഈ എഞ്ചിൻ ഇന്ത്യൻ വിപണിയിൽ തിരിച്ചെത്തുക കൂടിയാണ് ഫ്രോങ്ക്സിലൂടെ 5,500 ആർപിഎമ്മിൽ 100.06 പിഎസ് മാക്സിമം പവറും 147.6 എൻഎം മാക്സിം ടോർക്കും നൽകുന്ന എഞ്ചിനാണിത്. ഈ എഞ്ചിനൊപ്പം 5 സ്പീഡ് മാനുവൽ ട്രാൻസ്മിഷനും 6 സ്പീഡ് ഓട്ടോമാറ്റിക് ട്രാൻസ്മിഷനും കമ്പനി നൽകുന്നു.
Read More: എംജിയുടെ കുഞ്ഞൻ ഇലക്ട്രിക്ക് കാർ ഇന്ത്യൻ വിപണിയിലേക്ക്
നാച്ചുറലി ആസ്പിറേറ്റഡ് എഞ്ചിൻ
മാരുതി സുസുക്കി ഫ്രോങ്ക്സിന്റെ രണ്ടാമത്തെ എഞ്ചിൻ നാച്ചുറലി ആസ്പിറേറ്റഡ് 1.2 ലിറ്റർ കെ-സീരീസ് എഞ്ചിനാണ്. ഈ എഞ്ചിന് 89.73 പിഎസ് മാക്സിമം പവറും 113 എൻഎം പീക്ക് ടോർക്കും ഉൽപ്പാദിപ്പിക്കാൻ സാധിക്കും. ഈ എഞ്ചിനിനൊപ്പം 5 സ്പീഡ് മാനുവൽ ട്രാൻസ്മിഷനും 5 സ്പീഡ് എഎംടി ട്രാൻസ്മിഷനുമാണ് നൽകുന്നത്. 37 ലിറ്റർ ഫ്യൂവൽ ടാങ്ക് കപ്പാസിറ്റിയായിരിക്കും ഈ വാഹനത്തിൽ ഉണ്ടായിരിക്കുക.
മൈലേജ്
അടുത്തിടെ മാരുതി സുസുക്കി ഫ്രോങ്കിന്റെ മൈലേജ് കണക്കുകൾ ലീക്ക് റിപ്പോർട്ടായി പുറത്ത് വന്നിരുന്നു. മാനുവൽ ട്രാൻസ്മിഷനിൽ വാഹനത്തിന്റെ 1.0-ലിറ്റർ ടർബോ എഞ്ചിൻ മാനുവൽ ട്രാൻസ്മിഷനിൽ ലിറ്ററിന് 21.5 കിലോമീറ്റർ മൈലേജും ഓട്ടോമാറ്റിക് ട്രാൻസ്മിഷനിൽ 20.01 കിലോമീറ്റർ മൈലേജും നൽകും. 1.2 ലിറ്റർ പെട്രോൾ എഞ്ചിനിൽ മാനുവലിൽ 21.79 കിലോമീറ്റർ മൈലേജും ഓട്ടോമാറ്റിക് ട്രാൻസ്മിഷനിൽ 22.89 കിലോമീറ്റർ മൈലേജും ലഭിക്കും.
Read More: 27 കിലോമീറ്റർ മൈലേജുമായി Tata Altroz iCNG; ബുക്കിങ് ആരംഭിച്ചു