ഏഷ്യൻ പെയിൻറ്സ് എന്ന ബ്രാൻഡിനെ വാനോളം വളർത്തിയ വ്യവസായി അശ്വിൻ ഡാനി വിട പറഞ്ഞു.
1940-കളിൽ പിതാവ് സ്ഥാപിച്ച പെയിൻറ് കമ്പനിയുടെ നേതൃത്വം ഡാനി ഏറ്റെടുത്തതോടെ ഏഷ്യൻ പെയിൻറ്സ് കൂടുതൽ ഉയരങ്ങൾ താണ്ടുകയായിരുന്നു.1966-ൽ മുംബൈ സർവ്വകലാശാലയിൽ നിന്ന് കെമിസ്ട്രിയിൽ സയൻസ് ബിരുദം നേടിയയാൾ ഒടുവിൽ കുടുംബ ബിസിനസിന് തന്നെ ചുക്കാൻ പിടിച്ചു. യുഎസിലെ പിജിക്ക് ശേഷം ഡെട്രോയിറ്റിൽ ഒരു ശാസ്ത്രജ്ഞനായി ആണ് കരിയർ തുടങ്ങിയത്. പിന്നീട് സീനിയർ എക്സിക്യൂട്ടീവായി കുടുംബത്തിൻെറ ഉടമസ്ഥതയിലുള്ള ഏഷ്യൻ പെയിൻറ്സ് എന്ന കമ്പനിയിൽ തന്നെ ചേരുകയായിരുന്നു. കമ്പ്യൂട്ടർ കളർ മാച്ചിംഗ് എന്ന ആശയം ഇന്ത്യയിൽ ആദ്യമായി ജനകീയമാക്കിയത് അശ്വിൻ ഡാനിയാണ്.
പെയിൻറ്, പോളിമറുകൾ, പ്രിൻറിങ് മഷി, തുണിത്തരങ്ങൾ തുടങ്ങിയ മേഖലകളിൽ ഇപ്പോൾ ഓട്ടോ കളർ മാച്ചിങ് വ്യാപകമായി ഉപയോഗിക്കുന്നുണ്ട്. തടി കൊണ്ടുള്ള ഇൻറീരിയറുകൾക്ക് കോട്ടിംഗ് സൊല്യൂഷനായ നാച്ചുറൽ വുഡ് ഫിനിഷ് ഉൾപ്പെടെ നിരവധി ഉത്പന്നങ്ങൾ വികസിപ്പിച്ചതിൻെറ ക്രെഡിറ്റും ഡാനിക്കു തന്നെ. ഇന്ത്യയുടെ ഗ്രാമീണ മേഖലയിൽ പോലും പിന്നീട് ഏഷ്യൻ പെയിൻറ് ജനകീയ ബ്രാൻഡായി മാറി. ഒട്ടേറെ ഉത്പന്നങ്ങളും പുറത്തിറങ്ങി.
2022-ലെ ഫോബ്‌സിന്റെ പട്ടിക പ്രകാരം, ഡാനിയുടെ ആസ്തി ഏകദേശം 67,841 കോടി രൂപയായിരുന്നു. ഇന്ത്യയിലെ ഏറ്റവും സമ്പന്നരിൽ 20-ാം സ്ഥാനത്തായിരുന്നു. നിരവധി പ്രമുഖ ലിസ്റ്റഡ് കമ്പനികളുടെ ബോർഡുകളിൽ സ്വതന്ത്ര ഡയറക്ടർ സ്ഥാനവും വഹിച്ചിട്ടുണ്ട്. ഏഷ്യൻ പെയിൻറ്സിൽ ആർ ആൻഡ് ഡി ഡയറക്ടർ, വർക്ക് ഡയറക്ടർ, ഫുൾ ടൈം ഡയറക്ടർ എന്നിങ്ങനെ തുടർച്ചയായി ഉയർന്ന പദവികൾ വഹിച്ചിട്ടുണ്ട്. കമ്പനിയുടെ ബോർഡിൽ വൈസ് ചെയർമാൻ, മാനേജിങ് ഡയറക്ടർ, നോൺ എക്‌സിക്യൂട്ടീവ് വൈസ് ചെയർമാൻ തുടങ്ങിയ ഉന്നത പദവികളും വഹിച്ചു. ഇന്ത്യയിലെ ഏറ്റവും വലിയ പെയിൻറ് കമ്പനിയായ ഏഷ്യൻ പെയിന്റ്സ് 2023 സാമ്പത്തിക വർഷത്തിൽ, 29,953 കോടി രൂപയുടെ വരുമാനമാണ് നേടിയത്.
1940-കളിൽ പിതാവ് സ്ഥാപിച്ച പെയിൻറ് കമ്പനിയുടെ നേതൃത്വം ഡാനി ഏറ്റെടുത്തതോടെ ഏഷ്യൻ പെയിൻറ്സ് കൂടുതൽ ഉയരങ്ങൾ താണ്ടുകയായിരുന്നു.1966-ൽ മുംബൈ സർവ്വകലാശാലയിൽ നിന്ന് കെമിസ്ട്രിയിൽ സയൻസ് ബിരുദം നേടിയയാൾ ഒടുവിൽ കുടുംബ ബിസിനസിന് തന്നെ ചുക്കാൻ പിടിച്ചു. യുഎസിലെ പിജിക്ക് ശേഷം ഡെട്രോയിറ്റിൽ ഒരു ശാസ്ത്രജ്ഞനായി ആണ് കരിയർ തുടങ്ങിയത്. പിന്നീട് സീനിയർ എക്സിക്യൂട്ടീവായി കുടുംബത്തിൻെറ ഉടമസ്ഥതയിലുള്ള ഏഷ്യൻ പെയിൻറ്സ് എന്ന കമ്പനിയിൽ തന്നെ ചേരുകയായിരുന്നു. കമ്പ്യൂട്ടർ കളർ മാച്ചിംഗ് എന്ന ആശയം ഇന്ത്യയിൽ ആദ്യമായി ജനകീയമാക്കിയത് അശ്വിൻ ഡാനിയാണ്.
പെയിൻറ്, പോളിമറുകൾ, പ്രിൻറിങ് മഷി, തുണിത്തരങ്ങൾ തുടങ്ങിയ മേഖലകളിൽ ഇപ്പോൾ ഓട്ടോ കളർ മാച്ചിങ് വ്യാപകമായി ഉപയോഗിക്കുന്നുണ്ട്. തടി കൊണ്ടുള്ള ഇൻറീരിയറുകൾക്ക് കോട്ടിംഗ് സൊല്യൂഷനായ നാച്ചുറൽ വുഡ് ഫിനിഷ് ഉൾപ്പെടെ നിരവധി ഉത്പന്നങ്ങൾ വികസിപ്പിച്ചതിൻെറ ക്രെഡിറ്റും ഡാനിക്കു തന്നെ. ഇന്ത്യയുടെ ഗ്രാമീണ മേഖലയിൽ പോലും പിന്നീട് ഏഷ്യൻ പെയിൻറ് ജനകീയ ബ്രാൻഡായി മാറി. ഒട്ടേറെ ഉത്പന്നങ്ങളും പുറത്തിറങ്ങി.
2022-ലെ ഫോബ്‌സിന്റെ പട്ടിക പ്രകാരം, ഡാനിയുടെ ആസ്തി ഏകദേശം 67,841 കോടി രൂപയായിരുന്നു. ഇന്ത്യയിലെ ഏറ്റവും സമ്പന്നരിൽ 20-ാം സ്ഥാനത്തായിരുന്നു. നിരവധി പ്രമുഖ ലിസ്റ്റഡ് കമ്പനികളുടെ ബോർഡുകളിൽ സ്വതന്ത്ര ഡയറക്ടർ സ്ഥാനവും വഹിച്ചിട്ടുണ്ട്. ഏഷ്യൻ പെയിൻറ്സിൽ ആർ ആൻഡ് ഡി ഡയറക്ടർ, വർക്ക് ഡയറക്ടർ, ഫുൾ ടൈം ഡയറക്ടർ എന്നിങ്ങനെ തുടർച്ചയായി ഉയർന്ന പദവികൾ വഹിച്ചിട്ടുണ്ട്. കമ്പനിയുടെ ബോർഡിൽ വൈസ് ചെയർമാൻ, മാനേജിങ് ഡയറക്ടർ, നോൺ എക്‌സിക്യൂട്ടീവ് വൈസ് ചെയർമാൻ തുടങ്ങിയ ഉന്നത പദവികളും വഹിച്ചു. ഇന്ത്യയിലെ ഏറ്റവും വലിയ പെയിൻറ് കമ്പനിയായ ഏഷ്യൻ പെയിന്റ്സ് 2023 സാമ്പത്തിക വർഷത്തിൽ, 29,953 കോടി രൂപയുടെ വരുമാനമാണ് നേടിയത്.
