കൊച്ചി: പുതിയ സബ്സ്ക്രൈബര്മാരെ നേടുന്നതില് ടെലികോം സേവനദാതാക്കളായ റിലയന്സ് ജിയോ ആഗസ്റ്റിൽ മുന്നില്. 84.45 ലക്ഷം ഉപഭോക്താക്കളെയാണ് ആഗസ്റ്റില് റിലയന്സ് ജിയോ നേടിയത്. ഇതോടെ ജിയോയുടെ ഉപഭോക്താക്കളുടെ എണ്ണം 34.82 കോടിയായി മാറി.
രാജ്യത്തെ മൂന്നാമത്തെ വലിയ ടെലികോം സേവന ദാതാക്കളായ എയര്ടെല്ലിന് 5.61 ലക്ഷം ഉപഭോക്താക്കളെ നഷ്ടപ്പെട്ടു. എയര്ടെല്ലിന് ഇപ്പോള് 32.79 കോടി ഉപഭോക്താക്കളാണ് ഉള്ളത്.
ബിഎസ്എന്എലിനും ആഗസ്റ്റില് 2.15 ലക്ഷം സബ്സ്ക്രൈബര്മാരെ നഷ്ടം ആയിട്ടുണ്ട്. അതുപോലെ രാജ്യത്ത് വയര്ലെസ് ഫോണുകള് ഉപയോഗിക്കുന്ന ഉപഭോക്താക്കളുടെ എണ്ണം ആഗസ്റ്റില് വര്ധിച്ചു. 26.83 ലക്ഷം പുതിയ ഉപഭോക്താക്കളാണ് ആഗ്സറ്റില് വയര്ലെസ് ഫോണുകള്ക്കുള്ളത്. ഇതോടെ 110.7 കോടി വയർലെസ് ഫോൺ ഉപഭോക്താക്കളാണ് രാജ്യത്ത് ഉള്ളത്. ടെലികോം റെഗുലേറ്ററി അതോറിറ്റി ഓഫ് ഇന്ത്യയാണ് വിവരങ്ങള് പുറത്ത് വിട്ടത്.