ഹൈടെക്കായി ദുബായ് മെട്രോ; യാത്രക്കാര്‍ക്ക് സുഗമമായ യാത്രയ്ക്കായി പദ്ധതികള്‍

ദുബായ്: ദുബായ് മെട്രോ കൂടുതല്‍ ഹൈടെക്കായി മാറുന്നു. അധിക സമയം കാത്തിരിക്കാതെ തന്നെ യാത്രക്കാര്‍ക്ക് സുഗമമായ യാത്ര ഉറപ്പുവരുത്തുന്നതിനായി നിരവധി പദ്ധതികളാണ് ആസൂത്രണം ചെയ്യുന്നത്. ദുബായ് റോഡ് ട്രാന്‍സ്‌പോര്‍ട്ട് അതോറിറ്റി നിര്‍മിതബുദ്ധി സാങ്കേതികവിദ്യയാണ് ഈ പദ്ധതിയ്ക്ക് ചുക്കാന്‍ പിടിക്കുന്നത്. പദ്ധതി യാഥാര്‍ഥ്യമാകുന്നതോടെ കാത്തിരിപ്പ് സമയം 40 മുതല്‍ 80 ശതമാനം വരെ കുറയ്ക്കാനാകും.

Also Read: കൊവിഡ് വ്യാപനം: അബുദാബിയില്‍ പുതിയ മാര്‍ഗനിര്‍ദേശങ്ങള്‍, ബാധകമാകുന്നത് ആര്‍ക്കെല്ലാം?

ഏറ്റവും തിരക്കുള്ള സമയം കണ്ടെത്തി യാത്രക്കാര്‍ക്ക് നിര്‍ദേശം നല്‍കുന്നതിനായി നിര്‍മിത ബുദ്ധി, സിമുലേറ്റര്‍ എന്നിവ പ്രയോജനപ്പെടുത്തുന്ന പുതിയ പദ്ധതിയുടെ പരിക്ഷണം തുടങ്ങിയതായി ആര്‍ടിഎ അറിയിച്ചു. മെട്രോയുടെ സേവനം കൂടുതല്‍ പേരിലേക്ക് എത്തിക്കുന്നതിനും കാത്തിരിപ്പോ ബുദ്ധിമുട്ടോ ഇല്ലാത്ത സുഖയാത്ര ഉറപ്പാക്കുന്നതിന്റെ ഭാഗമായാണിത്.

Also Read: ഇന്ത്യയില്‍ നിന്ന് സൗദിയിലേക്ക് നേരിട്ട് യാത്ര ചെയ്യാമോ? വിലക്കുകള്‍ നീങ്ങിയോ, അറിയേണ്ടതെല്ലാം

പുതിയ സാങ്കേതികവിദ്യ മെട്രോ സ്‌റ്റേഷനുകളിലും പൊതു ഇവന്റുകളിലും തിരക്കേറിയ സമയങ്ങളില്‍ ക്രൗഡ് മാനേജുമെന്റിന് സഹായകരമാകും. ഇതിനായി മെട്രോ ഉപയോക്താക്കളുടെ യാത്രകള്‍, നോള്‍ കാര്‍ഡുകളുടെ ഡാറ്റ, മെട്രോ ഡിമാന്‍ഡ് അല്‍ഗോരിതം എന്നിവ സമന്വയിപ്പിച്ചാണ് സാങ്കേതികവിദ്യയിലൂടെ ഏറ്റവും തിരക്കേറിയ സമയം നിര്‍ണയിക്കുക.