തലശേരി(Kannur): തോട്ടട അമ്മു പറമ്പിൽ വിവാഹ വീടിന് നേരെയുണ്ടായ ബോംബേറില്‍ യുവാവ് മരിച്ചു. ഇന്ന് ഉച്ചയ്ക്ക് രണ്ടരയോടെയാണ് സംഭവം. ഏച്ചൂർ സ്വദേശി ജിഷ്ണുവാണ് (28) കൊല്ലപ്പെട്ടത്. തോട്ടട്ട മനോരമ ഓഫിസിന് സമീപത്തെ റോഡിൽ നടന്ന സുഹൃത്തിന്റെ വിവാഹത്തിൽ പങ്കെടുക്കാനെത്തിയതായിരുന്നു ജിഷ്ണു. വിവാഹ തലേന്ന് നടന്ന ഗാനമേളയിലുണ്ടായ തർക്കമാണ് ബോംബേറിന് കാരണം. സംഭവത്തിൽ മൂന്ന് പേർക്കാണ് പരിക്കേറ്റത്. ബോംബേറിൽ തല ചിതറി പോയ വിഷ്ണു തൽക്ഷണം മരിച്ചു. പരുക്കേറ്റ മറ്റുള്ളവരെ ആശുപത്രിയിൽ പ്രവേശിപ്പിച്ചു.
സംഭവത്തിൽ തോട്ടട പ്രദേശവാസികളായ യുവാക്കളെ കസ്റ്റഡിയിലെടുത്തിട്ടുണ്ട്. ബോംബേറിൽ ഗുരുതരമായി പരുക്കേറ്റ ജിഷ്ണു തൽക്ഷണം മരണമടയുകയായിരുന്നു. വധുവിനെയും കൂട്ടി വിവാഹം കഴിഞ്ഞ് വരനും സംഘവും ഘോഷയാത്രയായി എത്തിയപ്പോഴാണ് ബോംബേറുണ്ടായത്. ഞായറാഴ്ച്ച ഉച്ചയ്ക്ക് രണ്ടരയോടെ ബോംബേറുണ്ടായത് സുഹൃത്തിന്റെ വിവാഹത്തിൽ പങ്കെടുക്കാനെത്തിയതായിരുന്നു ജിഷ്ണു.
സിഐടിയു പ്രവർത്തകരുടെ മർദ്ദനം, ഒടുവിൽ ഭീഷണി... മുസ്ലിം ലീഗ് നേതാവിന്‍റെ കട പൂട്ടിസംഭവത്തിൽ രാഷ്ട്രീയമില്ലെന്ന് പോലീസ്‌ അറിയിച്ചു. കണ്ണൂർ സിറ്റി അസി. പൊലീസ് സുപ്രണ്ട് പി.പി സദാനന്ദന്റെ നേതൃത്വത്തിൽ ഇൻക്വസ്റ്റ് നടത്തി. സ്ഥലത്ത് വൻ പോലീസ്‌ സന്നാഹം ക്യാംപ് ചെയ്യുന്നുണ്ട്. വിവാഹ വീട്ടിലുണ്ടായ ഗാനമേളയ്ക്കിടെ പ്രദേശവാസികളും പുറമെ നിന്നെത്തിയ യുവാക്കളും തമ്മിലുണ്ടായ തര്‍ക്കമാണ്‌ കൊലപാതകത്തിൽ കലാശിച്ചത്. ഉഗ്രശേഷിയുള്ള ബോംബാണ് പൊട്ടിയത്. ബോംബേറിൽ ജിഷ്ണുവിന്റെ തലയ്ക്കാണ് പരുക്കേറ്റത്. വധു വരൻമാർ ഉൾപ്പെടെ അൻപതോളം വരുന്ന സംഘത്തിന് നേരെയാണ് ബോംബേറുണ്ടായത്. ഇവർ ചിതറിയോടുകയായിരുന്നു.
Topic: Kannur bomb Attack, Kannur news, Kannur bomb blast
