ആർ കെ നഗർ ഉപതെരഞ്ഞെടുപ്പ്: കേന്ദ്ര തെരഞ്ഞെടുപ്പ് കമ്മീഷൻ 'രണ്ടില' ചിഹ്നം മരവിപ്പിച്ചു

ചെന്നൈ: എഐഎഡിഎംകെയുടെ ചിഹ്നമായ 'രണ്ടില' മരവിപ്പിക്കാന്‍ കേന്ദ്ര തെരഞ്ഞെടുപ്പ് കമ്മീഷന്‍റെ ഇടക്കാല ഉത്തരവ്. പനീർ സെൽവത്തിന്‍റേയും ശശികലയുടേയും വിഭാഗങ്ങൾ തമ്മിലുളള അവകാശ വാദ പ്രശ്നമാണ് ഇതിന് കാരണം. ഇരു വിഭാഗങ്ങളും പുതിയ ചിഹ്നത്തിൽ മത്സരിക്കണമെന്നും എഐഎഡിഎംകെ എന്ന് മാത്രമുള്ള പേരിൽ മത്സരിക്കാൻ കഴിയില്ലെന്നും കമ്മീഷൻ അറിയിച്ചു.

പ്രവര്‍ത്തകരുടെയും പ്രാദേശിക ഘടകങ്ങളുടെയും പിന്തുണ അവകാശപ്പെട്ട് ശശികല, പനീര്‍ശെല്‍വം വിഭാഗങ്ങള്‍ ര്ഖകൾ ഹാജരാക്കിയിരുന്നു. ഇത് ഇരുപതിനായിരത്തിലധികം പേജുണ്ടെന്നും ഇതു മുഴുവന്‍ കുറഞ്ഞ സമയത്തിനുള്ളില്‍ പരിശോധിച്ച്‌ അന്തിമ തീരുമാനത്തിലെത്താൻ ആകാത്തതിനാലാണ് ചിഹ്നം മരവിപ്പിച്ച്‌ ഇടക്കാല ഉത്തരവിറക്കുന്നതെന്നും കേന്ദ്ര തെരഞ്ഞെടുപ്പ് കമ്മീഷന്‍ വ്യക്തമാക്കി.

തമിഴ്‍‍നാട് ആര്‍ കെ നഗര്‍ ഉപതെരഞ്ഞെടുപ്പില്‍ എഐഎഡിഎംകെ എന്ന് മാത്രമുള്ള പേരില്‍ ഇരു വിഭാഗത്തിനും മത്സരിക്കാൻ കഴിയില്ല. മാതൃപാര്‍ട്ടിയായ എഐഎഡിഎംകെ യുടെ പേരുമായി ബന്ധമുള്ളതോ അല്ലാത്തതോ ആയ പുതിയ പേരുകള്‍ ഇരുവിഭാഗവും വ്യാഴാഴ്ച രാവിലെ പത്ത് മണിയോടെ സമര്‍പ്പിക്കണമെന്നും തെരഞ്ഞെടുപ്പ് കമ്മീഷന്‍ നിര്‍ദേശിച്ചിട്ടുണ്ട്. ഏത് ചിഹ്നത്തിലാണ് മത്സരിക്കാൻ ഉദ്ദേശിക്കുന്നതെന്നും ഇരു വിഭാഗങ്ങളും അന്ന് അറിയിക്കണം. പാര്‍ട്ടിയുടെ അധികാരം സംബന്ധിച്ച്‌ കൂടുതല്‍ രേഖകള്‍ ഹാജരാക്കാൻ ഏപ്രില്‍ 17 വരെ അവസരമുണ്ടെന്നും കമ്മീഷന്‍ വ്യക്തമാക്കി.

EC Freezes AIADMK's Symbol

The Election Commission on Wednesday froze the AIADMK's "Two Leaves" symbol, prohibiting its use in the coming RK Nagar byelection in Chennai.