ന്യൂഡല്‍ഹി: രണ്ടാം പിണറായി സർക്കാരിന്‍റെ മന്ത്രിസഭാ പുനഃസംഘടനയെ പരിഹസിച്ച് മുൻ പ്രതിപക്ഷ നേതാവ് രമേശ് ചെന്നിത്തല. നഷ്ടപ്പെട്ട പ്രതിച്ഛായ പുതിയ മന്ത്രിമാര്‍ സ്ഥാനമേറ്റാല്‍ തിരിച്ച് കിട്ടില്ല. തൊഴുത്ത് മാറ്റികെട്ടിയതുകൊണ്ട് ഫലം ഉണ്ടാകില്ലെന്ന് കോൺഗ്രസ് നേതാവ് ഡൽഹിയിൽ പറഞ്ഞു. മുഖ്യമന്ത്രി ഇപ്പോഴും ജീവിക്കുന്നത് കാരവനിലാണ്. ആയിരം അടി ദൂരെ നിന്നേ മുഖ്യമന്ത്രി ജനങ്ങളെ കാണൂവെന്നും രമേശ് ചെന്നിത്തല വിമര്‍ശിച്ചു.രണ്ടു പാവങ്ങളെ പറഞ്ഞുവിട്ട് പുതിയ രണ്ടുപേർ വരുന്നു എന്നല്ലാതെ, ഇതിന് ഒരു പ്രധാന്യവുമില്ല. കേരള രാഷ്ട്രീയത്തിൽ ഒരു ചലനവും ഉണ്ടാക്കാൻ പോകുന്നില്ല. ഗവൺമന്‍റ് ജനങ്ങളുടെ മുന്നിൽ വളരെയേറെ വഷളായിക്കൊണ്ടിരിക്കുകയാണെന്നും ചെന്നിത്തല പറഞ്ഞു. അയോധ്യ പ്രതിഷ്ഠാ ചടങ്ങിൽ കോൺഗ്രസ് പങ്കെടുക്കുന്നത് എഐസിസി തീരുമാനിക്കുമെന്നും ചെന്നിത്തല പറഞ്ഞു.
മംഗളൂരു - ഗോവ വന്ദേ ഭാരത് കണ്ണൂരിലേക്ക് നീട്ടുമോ? റെയിൽവേയ്ക്ക് മുന്നിൽ ആവശ്യം; ഉദ്ഘാടന സർവീസ് നാളെ 11ന്
അയോധ്യ വിഷയത്തിൽപരസ്യപ്രതികരണങ്ങള്‍ ഹൈക്കമാന്‍ഡ് വിലക്കിയിട്ടുണ്ട്. അതുകൊണ്ട് തന്നെ കൂടുതല്‍ പ്രതികരിക്കാനില്ലെന്നും രമേശ് ചെന്നിത്തല പറഞ്ഞു. കെബി ഗണേഷ് കുമാറും കടന്നപ്പള്ളി രാമചന്ദ്രനും ഇന്നാണ് മന്ത്രിമാരായി സത്യപ്രതിജ്ഞ ചെയ്യുന്നത്.
മന്ത്രിസഭ രൂപീകരണ സമയത്ത് എൽഡിഎഫിലുണ്ടായ ധാരണ പ്രകാരമാണ് രണ്ടര വർഷത്തിനു ശേഷമുള്ള അഴിച്ചുപണി. ഒറ്റ എംഎൽഎമാരുള്ള കക്ഷികൾക്ക് രണ്ടര വർഷം മന്ത്രിസ്ഥാനം എന്നതായിരുന്നു ധാരണ. കെബി ഗണേഷ് കുമാറിനെ ഗതാഗതവും കടന്നപ്പള്ളിക്ക് തുറമുഖ വകുപ്പുമാണ് ലഭിക്കുക. ഗണേഷ് കുമാറിന് സിനിമാ വകുപ്പ് കൂടി ലഭിക്കുമോയെന്ന് കേരള കോൺഗ്രസ് ബി ചോദിച്ചിരുന്നു. ഇക്കാര്യത്തിൽ അന്തിമ തീരുമാനം ഇന്നുണ്ടാകും.
Also Read : വകുപ്പ് ഗതാഗതം തന്നെ, കെഎസ്ആർടിയെ ഒരു പരിധിവരെ നന്നാക്കാൻ പറ്റും; സത്യപ്രതിജ്ഞയ്ക്ക് മുന്നേ കെബി ഗണേഷ് കുമാർ
സത്യപ്രതിജ്ഞ ചടങ്ങിൽ ചീഫ് സെക്രട്ടറി പങ്കെടുക്കില്ല. പ്രധാനമന്ത്രി വിളിച്ച ചീഫ് സെക്രട്ടറിമാരുടെ യോഗം ഉള്ളതിനാലാണ് ചീഫ് സെക്രട്ടറി വി വേണു ചടങ്ങിനെത്താത്തത്. പകരം അഡീഷണൽ ചീഫ് സെക്രട്ടറി ശാരദ മുരളീധരനാണ് പങ്കെടുക്കുക.
മംഗളൂരു - ഗോവ വന്ദേ ഭാരത് കണ്ണൂരിലേക്ക് നീട്ടുമോ? റെയിൽവേയ്ക്ക് മുന്നിൽ ആവശ്യം; ഉദ്ഘാടന സർവീസ് നാളെ 11ന്അയോധ്യ വിഷയത്തിൽപരസ്യപ്രതികരണങ്ങള്‍ ഹൈക്കമാന്‍ഡ് വിലക്കിയിട്ടുണ്ട്. അതുകൊണ്ട് തന്നെ കൂടുതല്‍ പ്രതികരിക്കാനില്ലെന്നും രമേശ് ചെന്നിത്തല പറഞ്ഞു. കെബി ഗണേഷ് കുമാറും കടന്നപ്പള്ളി രാമചന്ദ്രനും ഇന്നാണ് മന്ത്രിമാരായി സത്യപ്രതിജ്ഞ ചെയ്യുന്നത്.
മന്ത്രിസഭ രൂപീകരണ സമയത്ത് എൽഡിഎഫിലുണ്ടായ ധാരണ പ്രകാരമാണ് രണ്ടര വർഷത്തിനു ശേഷമുള്ള അഴിച്ചുപണി. ഒറ്റ എംഎൽഎമാരുള്ള കക്ഷികൾക്ക് രണ്ടര വർഷം മന്ത്രിസ്ഥാനം എന്നതായിരുന്നു ധാരണ. കെബി ഗണേഷ് കുമാറിനെ ഗതാഗതവും കടന്നപ്പള്ളിക്ക് തുറമുഖ വകുപ്പുമാണ് ലഭിക്കുക. ഗണേഷ് കുമാറിന് സിനിമാ വകുപ്പ് കൂടി ലഭിക്കുമോയെന്ന് കേരള കോൺഗ്രസ് ബി ചോദിച്ചിരുന്നു. ഇക്കാര്യത്തിൽ അന്തിമ തീരുമാനം ഇന്നുണ്ടാകും.
Also Read : വകുപ്പ് ഗതാഗതം തന്നെ, കെഎസ്ആർടിയെ ഒരു പരിധിവരെ നന്നാക്കാൻ പറ്റും; സത്യപ്രതിജ്ഞയ്ക്ക് മുന്നേ കെബി ഗണേഷ് കുമാർ
സത്യപ്രതിജ്ഞ ചടങ്ങിൽ ചീഫ് സെക്രട്ടറി പങ്കെടുക്കില്ല. പ്രധാനമന്ത്രി വിളിച്ച ചീഫ് സെക്രട്ടറിമാരുടെ യോഗം ഉള്ളതിനാലാണ് ചീഫ് സെക്രട്ടറി വി വേണു ചടങ്ങിനെത്താത്തത്. പകരം അഡീഷണൽ ചീഫ് സെക്രട്ടറി ശാരദ മുരളീധരനാണ് പങ്കെടുക്കുക.
