കോട്ടയം: വരുന്ന ലോക്സഭ തെരഞ്ഞെടുപ്പിൽ കോട്ടയം മണ്ഡലത്തിൽ കെ ഫ്രാൻസിസ് ജോർജ് യുഡിഎഫ് സ്ഥാനാർഥിയാകും. പാർട്ടി ഓഫീസിൽ ചേർന്ന യോഗത്തിലാണ് കേരള കോൺഗ്രസ് ചെയർമാൻ പിജെ ജോസഫ് സ്ഥാനാർഥി പ്രഖ്യാപനം നടത്തിയത്. ഇടുക്കി മുൻ എംപിയായ കെ ഫ്രാൻസിസ് ജോർജ് കേരള കോൺഗ്രസ് ജോസഫ് വിഭാഗം ഡെപ്യൂട്ടി ചെയർമാൻ കൂടിയാണ്.
കേരള വിദ്യാർഥി കോൺഗ്രസിലൂടെ രാഷ്ട്രീയ പ്രവർത്തനം ആരംഭിച്ചു. കേരളാ കോൺഗ്രസ് മൂവാറ്റുപുഴ നിയോജക മണ്ഡലം പ്രസിഡന്റ്, എറണാകുളം ജില്ലാ സെക്രട്ടറി, സംസ്ഥാന ജനറൽ സെക്രട്ടറി എന്നീ നിലകളിൽ പ്രവർത്തിച്ചിട്ടുണ്ട്. നിലവിൽ കേരളാ കോൺഗ്രസ് പാർട്ടിയുടെ ഡെപ്യൂട്ടി ചെയർമാനാണ്.
1999ലും 2004ലും ഇടുക്കിയിൽനിന്ന് ലോക്സഭയിലേക്ക് തെരഞ്ഞെടുക്കപ്പെട്ടു. ലോക്സഭാംഗമായിരുന്ന കാലത്ത് വിദേശകാര്യം, പ്രതിരോധം, വ്യവസായം, വാണിജ്യം, മാനവ വിഭവശേഷി വികസനം, പബ്ലിക്ക് അണ്ടർടേക്കിങ്ങ്, കൃഷി, പൊതുവിതരണം എന്നിവയുടെ പാർലമെൻ്ററി കമ്മിറ്റികളിൽ അംഗമായി പ്രവർത്തിച്ചിട്ടുണ്ട്. കല്ലൂർക്കാട് സെന്റ് അഗസ്റ്റിൻസ് ഹയർ സെക്കൻഡറി സ്കൂൾ റിട്ടയേർഡ് അധ്യാപിക ഷൈനിയാണ് ഭാര്യ. ജോർജ് , ജോസ് , ജേക്കബ് എന്നിവരാണ് മക്കൾ.
അതേസമയം സിറ്റിങ് എംപി തോമസ് ചാഴികാടനാണ് എൽഡിഎഫ് സ്ഥാനാർഥി. കേരള കോൺഗ്രസ് എം ചെയർമാൻ ജോസ് കെ മാണി ആണ് സ്ഥാനാർഥിപ്രഖ്യാപനം നടത്തിയത്. എൻഡിഎയ്ക്കായി ബിഡിജെഎസ് സംസ്ഥാന അധ്യക്ഷൻ തുഷാർ വെള്ളാപ്പള്ളി മത്സരിച്ചേക്കുമെന്ന സൂചനയുണ്ട്.
കേരള വിദ്യാർഥി കോൺഗ്രസിലൂടെ രാഷ്ട്രീയ പ്രവർത്തനം ആരംഭിച്ചു. കേരളാ കോൺഗ്രസ് മൂവാറ്റുപുഴ നിയോജക മണ്ഡലം പ്രസിഡന്റ്, എറണാകുളം ജില്ലാ സെക്രട്ടറി, സംസ്ഥാന ജനറൽ സെക്രട്ടറി എന്നീ നിലകളിൽ പ്രവർത്തിച്ചിട്ടുണ്ട്. നിലവിൽ കേരളാ കോൺഗ്രസ് പാർട്ടിയുടെ ഡെപ്യൂട്ടി ചെയർമാനാണ്.
1999ലും 2004ലും ഇടുക്കിയിൽനിന്ന് ലോക്സഭയിലേക്ക് തെരഞ്ഞെടുക്കപ്പെട്ടു. ലോക്സഭാംഗമായിരുന്ന കാലത്ത് വിദേശകാര്യം, പ്രതിരോധം, വ്യവസായം, വാണിജ്യം, മാനവ വിഭവശേഷി വികസനം, പബ്ലിക്ക് അണ്ടർടേക്കിങ്ങ്, കൃഷി, പൊതുവിതരണം എന്നിവയുടെ പാർലമെൻ്ററി കമ്മിറ്റികളിൽ അംഗമായി പ്രവർത്തിച്ചിട്ടുണ്ട്. കല്ലൂർക്കാട് സെന്റ് അഗസ്റ്റിൻസ് ഹയർ സെക്കൻഡറി സ്കൂൾ റിട്ടയേർഡ് അധ്യാപിക ഷൈനിയാണ് ഭാര്യ. ജോർജ് , ജോസ് , ജേക്കബ് എന്നിവരാണ് മക്കൾ.
അതേസമയം സിറ്റിങ് എംപി തോമസ് ചാഴികാടനാണ് എൽഡിഎഫ് സ്ഥാനാർഥി. കേരള കോൺഗ്രസ് എം ചെയർമാൻ ജോസ് കെ മാണി ആണ് സ്ഥാനാർഥിപ്രഖ്യാപനം നടത്തിയത്. എൻഡിഎയ്ക്കായി ബിഡിജെഎസ് സംസ്ഥാന അധ്യക്ഷൻ തുഷാർ വെള്ളാപ്പള്ളി മത്സരിച്ചേക്കുമെന്ന സൂചനയുണ്ട്.