വെള്ളം
പതിവായി വെള്ളം കുടിക്കുന്നതിലൂടെ ശരീരത്തിന് ലഭിക്കുന്ന ഗുണങ്ങൾ എത്രയെന്നത് കണക്കാക്കാനാവില്ല. കൂടാതെ, ഈ ശീലം നിങ്ങളുടെ വൃക്കകളെ ആരോഗ്യകരമായി നിലനിർത്തുകയും ചെയ്യുന്നു. അതിനാൽ, നിങ്ങൾ ദിവസവും കുറഞ്ഞത് 8-10 ഗ്ലാസ് വെള്ളം കുടിക്കുന്നുണ്ടെന്ന് ഉറപ്പുവരുത്തുക, കാരണം ഇത് വൃക്കയിൽ നിന്ന് ദോഷകരമായ വിഷവസ്തുക്കളെ നീക്കം ചെയ്യാനും വൃക്ക സംബന്ധമായ അസുഖങ്ങൾ വരാനുള്ള സാധ്യത കുറയ്ക്കാനും സഹായിക്കുന്നു.
ആരോഗ്യകരമായ ഭക്ഷണക്രമം
ആരോഗ്യകരമായ ഭക്ഷണക്രമം നിങ്ങളുടെ ശരീരത്തിലെ എല്ലാ അവയവങ്ങളെയും പൂർണ്ണ കാര്യക്ഷമതയിലും ഊർജ്ജ നിലയിലും പ്രവർത്തിക്കുവാൻ സഹായിക്കുന്നു. മെച്ചപ്പെട്ട വൃക്ക ആരോഗ്യത്തിനായി സോഡിയം കുറവുള്ള ഭക്ഷണമാണ് നിങ്ങൾ കഴിക്കുന്നതെന്ന് ഉറപ്പാക്കുക. മുട്ടയുടെ വെള്ള, ബ്ലൂബെറി, മത്സ്യം, ധാന്യങ്ങൾ, കോളിഫ്ളവർ എന്നിവയാണ് ഇതിനുള്ള മികച്ച തിരഞ്ഞെടുപ്പുകൾ. വ്യായാമം ചെയ്യുക, ശരിയായ സ്ഥിരതയോടെ നിങ്ങൾ ഇത് ദീർഘകാലത്തേക്ക് പിന്തുടരുന്നുവെന്ന് ഉറപ്പാക്കുക. ആരോഗ്യകരമായ വൃക്ക നിലനിർത്തുന്നതിന് യോഗ ഒരു നല്ല വ്യായാമ മാർഗ്ഗമാണ്. അമിത വണ്ണവും വൃക്കയാരോഗ്യം കേടാക്കുന്ന ഘടകമാണ്. ഇതു കൊണ്ടും വ്യായാമം ഏറെ ഗുണകരമാകുന്നു.
രക്തത്തിൽ പഞ്ചസാരയുടെ അളവ്
രക്തത്തിൽ പഞ്ചസാരയുടെ അളവ് അമിതമാകുന്നത് നിങ്ങളുടെ വൃക്കകൾക്ക് ഒരിക്കലും നല്ലതല്ല. കാരണം, ഈ അവസ്ഥയിൽ നിങ്ങളുടെ വൃക്കകൾ കൂടുതൽ കഠിനമായി പ്രവർത്തിക്കും. ഇത് ദീർഘകാലാടിസ്ഥാനത്തിൽ വൃക്ക തകരാറിലാകാനുള്ള സാധ്യത വർദ്ധിപ്പിക്കും. അതിനാൽ, നിങ്ങളുടെ രക്തത്തിലെ പഞ്ചസാരയുടെ അളവ് പതിവായി പരിശോധിച്ച് അവയെ നിയന്ത്രിക്കാൻ ആവശ്യമായ എല്ലാ മുൻകരുതലുകളും സ്വീകരിക്കുക.ഉയർന്ന രക്തസമ്മർദ്ദം നിങ്ങളുടെ വൃക്കയ്ക്ക് ഗുരുതരമായ പ്രശ്നമുണ്ടാക്കുകയും വൃക്ക തകരാറിലാകുകയും ചെയ്യും. നിങ്ങൾക്ക് ഉയർന്ന രക്തസമ്മർദ്ദം നേരിടുന്നുണ്ടെങ്കിൽ ഉടൻ ഡോക്ടറെ സമീപിച്ച് ശരിയായ ചികിത്സ തേടുക.
പുകവലി
പുകവലി വൃക്കകളിലേക്കുള്ള രക്തയോട്ടം കുറയ്ക്കുന്നു എന്നാണ് പഠനങ്ങൾ വ്യക്തമാക്കുന്നത്. കുറഞ്ഞ അളവിൽ രക്തം വൃക്കയിൽ എത്തുമ്പോൾ, അത് സാധാരണ രീതിയിൽ പ്രവർത്തിക്കാനുള്ള വൃക്കയുടെ കഴിവ് കുറയ്ക്കും. പുകവലി വൃക്ക കാൻസറിനുള്ള സാധ്യത 50 ശതമാനം വർദ്ധിപ്പിക്കുന്നു.പുകവലിയും മദ്യപാനവുമല്ലൊം വൃക്കയില് കൂടുതല് മാലിന്യങ്ങള് അടിഞ്ഞു കൂടുന്നതിന് കാരണമാകും. ഇതിനാല് തന്നെ ഇത്തരം ശീലങ്ങള് മാറ്റി നിര്ത്തുക.