പിവി എന്നത്
പിവി എന്നത് ജനറല്‍ പദമാണ്. സെര്‍വിക്‌സ് ഉള്‍പ്പെടെയുള്ള സ്ത്രീയുടെ പ്രത്യുല്‍പാദന സംബന്ധമായ അവയവങ്ങളുടെ പരിശോധനയാണ് ഇത്. ഈ ഭാഗത്തെ അപാകതകളും പ്രശ്‌നങ്ങളുമെല്ലാം മനസിലാക്കാന്‍ ഇതു നടത്തും. ഗര്‍ഭകാലത്ത് തുടക്കത്തില്‍ ചില സ്ത്രീകളില്‍ ഇതു നടത്തും. സാധാരണ പ്രസവത്തോട് അനുബന്ധിച്ച് എല്ലാ സ്ത്രീകളിലും ഇതു നടത്തും. ഇതു പ്രധാനമായും സെര്‍വിക്‌സിന്റെ സ്വഭാവം മനസിലാക്കാനാണ്. ഗര്‍ഭകാലത്തല്ലാതെ ഇതു നടത്തുന്നത് അസുഖങ്ങള്‍ മനസിലാക്കാനാണ്. ചില ടെസ്റ്റുകള്‍ക്കായും ഇതു നടത്താറുണ്ട്. ഡോക്ടര്‍ യോനീഭാഗത്തു കൂടി ഉള്ളിലേയ്ക്ക് കൈ വിരല്‍ കടത്തി നടത്തുന്ന പരിശോധനയാണിത്.
പെല്‍വിക് എക്‌സാമിനേഷന്‍
പെല്‍വിക് എക്‌സാമിനേഷന്‍ ഗര്‍ഭകാലത്ത്, പ്രത്യേകിച്ചും പ്രസവമടുക്കുമ്പോള്‍
നടത്തുന്നത് സ്ത്രീയുടെ ഗര്‍ഭാശയ ഗളം, ഗര്‍ഭാശയ മുഖം പ്രസവത്തിന് അനുയോജ്യമായോ എന്നുറപ്പു വരുത്തുവാനായാണ്. സാധാരണ ഗതിയില്‍ ഈ ഭാഗം ഇറുകിയിരിയ്ക്കും. യൂട്രസില്‍ നിന്നും കുഞ്ഞു പുറത്തു വരാതെ തടയുന്നതിന് ഇത് അത്യാവശ്യവുമാണ്. എന്നാല്‍ പ്രസവമടുക്കുമ്പോള്‍ ഈ ഭാഗം കൂടുതല്‍ മൃദുവാകും,അയയും. കുഞ്ഞിന്റെ പുറത്തേയ്ക്കുള്ള സഞ്ചാരം സുഗമമാക്കുന്നതിനുള്ള വഴിയാണിത്. സ്വാഭാവികമായും ഈ ഭാഗം അയഞ്ഞു വരുന്നു. അതായത് ഗര്‍ഭാശയ മുഖം വികസിയ്ക്കുന്നു.
പ്രസവമടുക്കുമ്പോള്‍
പ്രസവമടുക്കുമ്പോള്‍ സാധാരണ ഡോക്ടര്‍മാര്‍ സെര്‍വിക്‌സ് പരിശോധന നടത്താറുണ്ട്. പിവി പരിശോധന എന്നു പറയാം. വജൈനയിലൂടെ വിരല്‍ ഉള്ളിലേയ്ക്കു കടത്തിയാണ് ഈ പരിശോധന നടത്തുക. ഒരു കൈവിരല്‍ വികാസം, രണ്ടു കൈവിരല്‍ വികാസം എന്നിങ്ങനെ ഇതിനെ വിലയിരുത്തുകയും ചെയ്യുന്നു. നാലു കൈവിരല്‍ വികാസം വരെയായാല്‍ പ്രസവം സ്വാഭാവികമായി നടക്കാനുള്ള സാഹചര്യം എന്നു പറയാം. സ്വാഭാവിക പ്രസവത്തിലാണ് സാധാരണ ഇതു നടത്താറ്. എന്നാല്‍ ഏതെങ്കിലും കാരണത്താല്‍ നേരത്തെ തന്നെ സിസേറിയന്‍ നിശ്ചയിച്ചിട്ടുള്ളവരില്‍ ഇതത്ര പ്രാധാന്യമുള്ളതല്ല. Also read: മുഖത്തിന് നിറം നല്‍കും ഉപ്പിലൊരു ഫേസ്പായ്ക്ക്
പ്രസവമടുത്താല്‍ ചില സ്ത്രീകളില്‍
പ്രസവമടുത്താല്‍ ചില സ്ത്രീകളില്‍ സെര്‍വിക്‌സ് അഥവാ ഗര്‍ഭാശയ മുഖം തനിയെ വികസിയ്ക്കില്ല. ഇത്തരം സന്ദര്‍ഭത്തില്‍ ഈ ഭാഗം വികസിയ്ക്കാനായി മരുന്നു വയ്ക്കാറുണ്ട്. ഈ ഭാഗം വികസിച്ചാല്‍ മാത്രമേ, അയഞ്ഞാല്‍ മാത്രമേ സ്വാഭാവിക പ്രസവം നടക്കൂ. സ്ത്രീകളില്‍ പ്രായമേറുമ്പോള്‍ ഈ ഭാഗത്തിന് ഇറുക്കം കൂടുതലാകും. ഇത് സ്വാഭാവിക പ്രസവത്തിന് തടസവുമാകും. സ്വാഭാവിക പ്രസവം പ്രായമേറിയാല്‍ ബുദ്ധിമുട്ടാകുമെന്നു പറയുന്നതിന്റെ പ്രധാനപ്പെട്ട ഒരു കാരണം ഇതാണ്. Also read: കുട്ടിയ്ക്കു ബ്രഹ്മി നെയ്യില്‍ കാച്ചി നല്‍കൂ
പിവി സ്ത്രീകളിലെ യൂട്രസ് സംബന്ധമായ പ്രശ്‌നങ്ങള്‍ക്കും
പിവി സ്ത്രീകളിലെ യൂട്രസ് സംബന്ധമായ പ്രശ്‌നങ്ങള്‍ക്കും നടത്താറുണ്ട്. വിരല്‍ ഉള്ളിലേയ്ക്കു കടത്തിയുള്ള പരിശോധന എന്നു പറയാം. നാം വളരെ റിലാക്‌സായി ഇരുന്നില്ലെങ്കില്‍ അല്‍പം വേദനിപ്പിയ്ക്കുന്ന പ്രക്രിയ തന്നെയാണിത്. ഗര്‍ഭാശയ ഗള വികാസത്തിനായി ഉള്ളിലൂടെ സെര്‍വിക്‌സില്‍ മരുന്നു വയ്ക്കുന്നതും പതിവാണ്. സെര്‍വിക്കല്‍ ക്യാന്‍സര്‍ പോലുള്ള അസുഖങ്ങള്‍ക്കുള്ള പാപ്‌സ്മിയര്‍ ടെസിറ്റിനും ഗര്‍ഭാശയ ഗളത്തില്‍ നിന്നും കൈകള്‍ കടത്തി ഉപകരണം കൊണ്ട് അവിടെ നിന്നുള്ള കോശങ്ങള്‍ ശേഖരിയ്ക്കുന്നതും സാധാരണയാണ്. Also read:ദിവസവും കറ്റാര്‍ വാഴ മുഖത്തു പുരട്ടിയാല്‍ സംഭവിയ്ക്കുന്നത്...