കൊച്ചി: എറണാകുളത്ത് തെരുവിൽ കഴിയുന്നവരെ പാര്‍പ്പിച്ച ക്യാമ്പിലെ ഫാനുകള്‍ അഴിച്ചുവിറ്റ അന്തേവാസികള്‍ പിടിയിൽ. സൗത്ത് ഗവ ഗേൾസ് ഹയര്‍ സെക്കൻ്ററി സ്കൂളിലെ ഫാനുകളാണ് അന്തേവാസികള്‍ മോഷ്ടിച്ചത്. സംഭവത്തിൽ മൂന്ന് പേരെയാണ് പോലീസ് അറസ്റ്റ് ചെയ്തത്.
Also Read: കൊവിഡിന് പിന്നാലെ ഡെങ്കിപ്പനി; ആശങ്കയില്‍ ഇടുക്കി
ആലപ്പുഴ ഹരിപ്പാട് സ്വദേശി സുധീഷ് (37), കൊല്ലം പുനലൂര്‍ സ്വദേശി മജു മുഹമ്മദലി (28), എറണാകുളം ചക്കരപ്പറമ്പ് സ്വദേശി ജിന്തേഷ് (39) എന്നിവരാണ് അറസ്റ്റിലായത്. സ്കൂളിലെ പിടിഎ പ്രസിഡൻ്റ് എത്തിയപ്പോളാണ് ഫാനുകള്‍ മോഷണം പോയ വിവരം അറിയുന്നത്. പിന്നാലെ പോലീസിൽ പരാതി നൽകുകയായിരുന്നു.
എറണാകുളം സെൻട്രൽ പോലീസാണ് പ്രതികളെ പിടികൂടിയത്. എറണാകുളത്തെ ആക്രിക്കടയിലാണ് പ്രതികള്‍ ഫാനുകള്‍ വിറ്റത്. ചോദ്യം ചെയ്യലിൽ ബീഡി വാങ്ങിക്കാനാണ് ഫാനുകള്‍ മോഷ്ടിച്ചതെന്ന് പ്രതികള്‍ കുറ്റസമ്മതം നടത്തി.
Also Read: മഹാമാരിക്കെതിരെ പൊരുതുന്ന കേരളം, ഭാസ്‌കരന്റെ ഏകപാത്ര നാടകം വൈറലായി