കോടതിയലക്ഷ്യ കേസ്; വി ഫോർ കൊച്ചി നേതാവ് നിപുണ്‍ ചെറിയാന് നാലുമാസം തടവും പിഴയും

കൊച്ചി: കോടതിയലക്ഷ്യ കേസിൽ വി ഫോർ കൊച്ചി പ്രസിഡന്‍റ് നിപുൺ ചെറിയാന് നാല് മാസം തടവും 2000 രൂപ പിഴയും ചുമത്തി കേരള ഹൈക്കോടതി. നിപുൺ ചെറിയാൻ കുറ്റക്കാരനെന്ന് ഹൈക്കോടതി കണ്ടെത്തി. കോടതിയെ അപകീര്‍ത്തിപ്പെടുത്തിയെന്ന കേസിലാണ് വിധി. കോടതിയെ അപകീര്‍ത്തിപ്പെടുത്തുന്ന തരത്തില്‍ പ്രസംഗം നടത്തി സോഷ്യല്‍ മീഡിയയിലൂടെ പ്രചരിപ്പിച്ചതിനാണ് ഹൈക്കോടതി നിപുണിനെതിരെ സ്വമേധയാ കേസ് എടുത്തത്.Also Read: ഓണം ബംപർ 2023: ഇത്തവണയും കോടികൾ, സമ്മാനത്തുകകൾ ഇങ്ങനെ, ഒന്നാം സമ്മാനം 25 കോടിയായി തുടരും

വി ഫോര്‍ കൊച്ചിയുടെ ഫേസ്ബുക്ക് പേജിലാണ് പ്രസംഗം പോസ്റ്റ് ചെയ്തത്. നേരത്തെ നിരവധി തവണ ആവശ്യപ്പെട്ടിട്ടും ഹാജരാകാതിരുന്നതിനെ തുടര്‍ന്ന് അറസ്റ്റ് ചെയ്ത് ഹാജരാക്കാന്‍ കോടതി നിര്‍ദേശിച്ചിരുന്നു.
2022 ൽ ചെല്ലാനത്ത് വച്ച് ഹൈക്കോടതി ജസ്റ്റിസ് എൻ നാഗരേഷിനെതിരെ നടത്തിയ അപകീർത്തി പരാമർശത്തെ തുടർന്നാണ് നിപുൺ ചെറിയാനെതിരെ നടപടി എടുത്തത്.
അതേസമയം, ശിക്ഷ നടപ്പാക്കുന്നത് സ്റ്റേ ചെയ്യണമെന്ന് ആവശ്യപ്പെട്ട് നിപുൺ ചെറിയാൻ കോടതിയെ സമീപിച്ചിരുന്നു.


എറണാകുളം ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം

Also Read: സ്വപ്നം സഫലമാക്കി ശിഹാബ് ചോറ്റൂർ തിരിച്ചെത്തി; വൻ സ്വീകരണമൊരുക്കാൻ ജന്മനാട്

മൂന്ന് ദിവസം വ്യാപക മഴയ്ക്ക് സാധ്യത

കേരളത്തിൽ അടുത്ത മൂന്ന് ദിവസം വ്യാപകമായ മഴയ്ക്കും ഒറ്റപ്പെട്ട സ്ഥലങ്ങളിൽ ശക്തമായ മഴയ്ക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. തെക്കൻ മഹാരാഷ്ട്ര തീരം മുതൽ വടക്കൻ കേരള തീരം വരെ തീരദേശ ന്യൂനമർദ്ദപാത്തി നിലനിൽക്കുന്നുണ്ട്. മധ്യ പടിഞ്ഞാറൻ ബംഗാൾ ഉൾക്കടലിൽ ചക്രവാതച്ചുഴി നിലനിൽക്കുന്നു. ജൂലൈ പതിനാറോടെ വടക്ക് പടിഞ്ഞാറൻ ബംഗാൾ ഉൾക്കടലിൽ ചക്രവാതച്ചുഴി രൂപപ്പെടാൻ സാധ്യതയുണ്ടെന്നും അറിയിപ്പിൽ പറയുന്നു.

Read Latest Local News and Malayalam News