ഭാര്യയുടെ മൃതദേഹം രഹസ്യമായി കബറടക്കി; ദുരൂഹതയുണ്ടെന്ന് ബന്ധുക്കള്‍, വീണ്ടും പോസ്റ്റ്മോര്‍ട്ടം, സംഭവം കണ്ണൂരില്‍

കണ്ണൂർ: മാനസിക വിഭ്രാന്തിക്ക് ചികിത്സയിലിരിക്കെ മരണമടഞ്ഞ യുവതിയുടെ മൃതദേഹം രഹസ്യമായി കബറടക്കിയതിനെ ചോദ്യം ചെയ്തു ബന്ധുക്കൾ രംഗത്തെത്തി. മരണത്തിൽ ദുരൂഹതയുണ്ടെന്ന് ബന്ധുക്കളുടെ പരാതിയെ തുടർന്ന് പോലീസ് കബർ തുറന്ന് മൃതദേഹം പോസ്റ്റുമോർട്ടത്തിനായി പുറത്തെടുത്ത് ജില്ലാ ആശുപത്രി മോർച്ചറിയിലേക്ക് മാറ്റി.

Also Read: മത്സ്യം വില്‍ക്കുന്ന ഓട്ടോയില്‍ നിന്ന് ആടിന്‍റെ കരച്ചില്‍, നാട്ടുകാര്‍ക്ക് സംശയം, തടഞ്ഞ് നിര്‍ത്തി നോക്കിയപ്പോള്‍ കണ്ടത്... സംഭവം നീലേശ്വരത്ത്!!

കണ്ണൂർ സിറ്റി നീർച്ചാൽ സ്വദേശി അലിയുടെ മകൾ ഫാത്തിമാസിൽ താഹിറയാണ് (37) കർണാടക സിദ്ധാപ്പുരയിലെ ശിഫ കേന്ദ്രത്തിൽ ചികിത്സയിലിരിക്കെ മരണമടഞ്ഞത്. യുവതിയുടെ ഭർത്താവും മത്സ്യതൊഴിലാളിയുമായ നാസർ മൃതദേഹം നാട്ടിലെത്തിച്ച് ബന്ധു ക്കളെ ആരെയും അറിയിക്കാതെ സിറ്റി ജുമാ ത്ത് പള്ളി കബർസ്ഥാനിൽ കബറടക്കുകയായിരുന്നു. വിവരമറിഞ്ഞ് താഹിറയുടെ അമ്മാവൻ പനങ്കാവ് ശങ്കരൻ കടയ്ക്ക് സമീപത്തെ പുത്തൻപുരയിൽ മുഹമ്മദ് സിറ്റി പോലീസിൽ പരാതി നൽകുകയായിരുന്നു.

Also Read: അസഭ്യവർഷവും മാനസികപീഡനവും; മാന്നാർ പോലീസിനെതിരെ യുവാവ് രംഗത്ത്... വൈറലായി ഫേസ്ബുക്ക് പോസ്റ്റ്

ഇതേ തുടർന്ന് കഴിഞ്ഞ ദിവസം തളിപ്പറമ്പ് ആർഡിഒ കണ്ണൂർ തഹസിൽദാരുടെ സാന്നിധ്യത്തിൽ സിറ്റി പൊലിസ് കബറിടം തുറന്ന് മൃതദേഹം പുറത്തെടുത്ത് പരിശോധന നടത്തി. ജില്ലാ ആശുപത്രിയിലേക്ക് മാറ്റിയ മൃതദേഹം കൊ വിഡ് പരിശോധനയ്ക്കു ശേഷം പോസ്റ്റുമോർട്ടം നടത്തും. സംഭവത്തിൽ ദുരുഹതയുണ്ടെന്ന ബന്ധുക്കളുടെ പരാതിയിൽ അന്വേഷണം നടത്തി വരികയാണെന്നും യുവതിയുടെ തലയ്ക്ക് ആഴത്തിൽ മുറിവുണ്ടെന്നും ചോര വാർന്നിറങ്ങിയതായും പ്രഥമ പരിശോധനയിൽ വ്യക്തമായതായി പോലീസ് അറിയിച്ചു.

കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ

കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ