കനത്തമഴയും ആഫ്രിക്കന്‍ പായലും; ഈ കര്‍ഷകര്‍ ഇനി എന്ത് ചെയ്യും?

ആഫ്രിക്കന്‍ പായലിനെ കൊണ്ടു പൊറുതി മുട്ടുന്നതിനിടെ തിരിച്ചടിയായി കനത്ത മഴയും. അപ്രതീക്ഷിതമായി പെയ്യുന്ന കനത്തമഴയില്‍ രണ്ടാംവിള നെല്‍കൃഷി ചെയ്യാനാകാതെ പാട് പെടുകയാണ് കാസര്‍കോട് ജില്ലയിലെ ആയിരത്തോളം കര്‍ഷകര്‍. വയലുകളില്‍ വെള്ളക്കെട്ടു രൂപപ്പെട്ടതു കാരണം ഞാറ്റടി തയ്യാറാക്കാന്‍ കഴിയാതെ കുഴങ്ങുകയാണ് പുഞ്ചകര്‍ഷകര്‍. പതിവുതെറ്റിയെത്തിയ കനത്തമഴയില്‍ പിലിക്കോട്, ചെറുവത്തൂര്‍, പടന്ന പഞ്ചായത്തുകളിലെ ആയിരത്തോളം ഏക്കറുള്ള പാടശേഖരങ്ങളില്‍ മുട്ടോളം വെള്ളം കെട്ടിക്കിടക്കുകയാണ്.​​​​കഴിഞ്ഞ 10 വര്‍ഷമായി മലപ്പിലെ കര്‍ഷകര്‍ ആഫ്രിക്കന്‍ പായലുകള്‍ കൊണ്ട് ദുരിതം പേറുകയാണ്. ഞാറു നടേണ്ട വയലുകളിലാണെങ്കില്‍ എത്ര വാരി മാറ്റിയാലും പായല്‍ ഒഴിഞ്ഞു പോകാത്ത അവസ്ഥയാണ്. പ്രകൃതിനാശവും മറ്റും വരുത്തി വെച്ച നഷ്ടത്തിനു പുറമേ പായല്‍ ശല്യം നീക്കാന്‍ തൊഴിലാളികളെ പ്രത്യേകം നിയോഗിച്ചു വന്‍തുക കൂലിയിനത്തില്‍ ചെലവഴിക്കേണ്ടി വരുന്നതായി കര്‍ഷകര്‍ പറയുന്നു.