മന്ത്രി എത്തി, വിവാദം അവസാനിക്കുന്നു? വാഴുവേലിൽ തറവാട് സംരക്ഷിക്കുമെന്ന് ഉറപ്പ്

സർക്കാർ ഏറ്റെടുത്ത് നവീകരണം നടത്തിയ ശേഷം ആരും തിരിഞ്ഞു നോക്കാതെ കാട് വളർന്നും ചെളി നിറഞ്ഞും കിടന്ന കവയിത്രി സുഗതകുമാരിയുടെ വാഴുവേലിൽ തറവാട് തുറമുഖം, മ്യൂസിയം, പുരാവസ്തു വകുപ്പ് മന്ത്രി അഹമ്മദ് ദേവര്‍കോവില്‍ സന്ദര്‍ശിച്ചു. അടുത്തിടെ തറവാട് സംരക്ഷണം ഏറെ വിവാദമായ സാഹചര്യത്തിലാണ് മന്ത്രിയുടെ സന്ദർശനം. നേരത്തെ പുരാവസ്തു വകുപ്പിന്‍റെ ചുമതല ഉണ്ടായിരുന്ന മന്ത്രി കടന്നപ്പള്ളി രാമചന്ദ്രന്‍റെ കാലത്താണ് മുഖ്യമന്ത്രി പിണറായി വിജയന്‍റെ നിർദേശപ്രകാരം തറവാട് ഏറ്റെടുത്തതും സംരക്ഷിത സ്മാരകങ്ങളുടെ പട്ടികയിൽ ഉൾപ്പെടുത്തിയതും.