അശ്വതി അച്ചു അറസ്റ്റിൽ; ഇത്തവണ പറ്റിച്ചത് 68 കാരനെ; തട്ടിയെടുത്തത് 40,000 രൂപ

തിരുവനന്തപുരം: വിവാഹവാഗ്ദാനം നൽകി പണം തട്ടിയ കേസിൽ യുവതി അറസ്റ്റിൽ. ഹണിട്രാപ്പ് ഉൾപ്പെടെ നിരവധി കേസുകളിൽ പ്രതിയായ കൊല്ലം അഞ്ചൽ സ്വദേശി അശ്വതി അച്ചുവാണ് പിടിയിലായത്. തിരുവനന്തപുരം പൂവാർ പോലീസ് ആണ് യുവതിയെ അഞ്ചലിലെ വീട്ടിൽനിന്നു പിടികൂടിയത്.വിവാഹവാഗ്ദാനം നൽകി പൂവാർ സ്വദേശിയായ 68 കാരനിൽനിന്ന് 40,000 രൂപ തട്ടിയെടുത്ത കേസിലാണ് അശ്വതി അച്ചുവിനെ പോലീസ് അറസ്റ്റു ചെയ്തത്. കേസിൽ നേരത്തെ പോലീസ് യുവതിയെ ചോദ്യം ചെയ്തിരുന്നു. കടമായി വാങ്ങിയ പണമായിരുന്നു ഇതെന്നും തിരികെ നൽകാമെന്നുമാണ് യുവതി പോലീസിനെ അറിയിച്ചിരുന്നത്. ഇതേ തുടർന്നു പോലീസ് ഇവരെ വിട്ടയച്ചു. എന്നാൽ പണം തിരികെ നൽകാമെന്നു പറഞ്ഞ കാലാവധി അവസാനിച്ചതോടെയാണ് പോലീസ് അറസ്റ്റു നടപടികളിലേക്ക് കടന്നത്.


ഭാര്യ മരണപ്പെട്ടതോടെ ഭിന്നശേഷിയുള്ള മകനെ പരിചരിക്കാൻ ബുദ്ധിമുട്ടു നേരിട്ടതോടെയാണ് 68 കാരൻ രണ്ടാം വിവാഹത്തിനു തീരുമാനിച്ചത്. ഇതിനായി ബ്രോക്കർമാരെ സമീപിച്ചു. തുടർന്നാണ് അശ്വതി അച്ചു ഇയാളുമായി ബന്ധപ്പെടുന്നത്. വിവാഹത്തിനു തയ്യാറാണെന്ന് 68 കാരനെ അറിയിച്ച യുവതി കടം വീട്ടാനെന്ന പേരിൽ 40,000 രൂപ ആവശ്യപ്പെട്ടു. പണം നൽകിയതിനു ശേഷം 68 കാരൻ യുവതിയെ ഫോണിൽ ബന്ധപ്പെട്ടെങ്കിലും കിട്ടിയില്ല. ഇവരെ നേരിൽക്കണ്ടപ്പോൾ ചീത്തവിളിച്ചതോടെയാണ് തട്ടിപ്പാണെന്നു മനസിലായത്. തുടർന്നാണ് പൂവാർ പോലീസിൽ പരാതി നൽകിയത്.

ശബരിമല യുവതി പ്രവേശനത്തിന് അനുകൂലിച്ചതില്‍ വൈരാഗ്യം, സന്ദീപാനന്ദഗിരിയെ പാഠം പഠിപ്പിക്കണമെന്ന് നിര്‍ദേശിച്ചു; ആശ്രമം കത്തിക്കാന്‍ നയിച്ചത് ഗിരികുമാര്‍
നേരത്തെ പോലീസുകാരും രാഷ്ട്രീയക്കാരുമടക്കം അശ്വതി അച്ചുവിൻ്റെ ഹണിട്രാപ്പിൽ കുടുങ്ങിയിരുന്നു. കൊല്ലം റൂറലിലെ എസ്ഐയുടെ പരാതിയിൽ പോലീസ് ഇവർക്കെതിരെ കേസെടുത്തിരുന്നു. കേസന്വേഷണം ക്രൈം ബ്രാഞ്ച് ഏറ്റെടുത്തിരുന്നെങ്കിലും കാര്യമായ പുരോഗതി ഉണ്ടായില്ല.

തിരുവനന്തപുരം ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാംRead Latest Local News and Malayalam News