ചിത്രങ്ങൾ : അജിലാൽ
വില്ലനിസമുള്ള നായകൻ
അത്യാവശ്യം വില്ലനിസവും അടിയും ഇടിയുമൊക്കെയുള്ള ക്യാരക്ടാണ് ചിത്രത്തിലേത്. പക്ഷേ ആ കഥാപാത്രം കടന്നുപോകുന്ന ചില മാനസികാവസ്ഥകളുണ്ട്. പരുക്കനാണെങ്കിലും അയാളും മനുഷ്യനാണ്, ഉടുമ്പ് അനി എന്ന കഥാപാത്രത്തിലൂടെ സഞ്ചരിക്കുന്ന സിനിമയാണിത്. ഓരോ സിനിമയിലും വ്യത്യസ്ത കഥാപാത്രങ്ങള്‍ ചെയ്യണമെന്നാണ് എന്‍റെ ആഗ്രഹം, സെന്തിൽ കൃഷ്ണ പറയുകയാണ്.
ഇതൊരു ഭാഗ്യമായി കാണുന്നു
ഓരോ സിനിമയിലും രൂപം, ഭാവം, ഭാഷാശൈലി ഇവയൊക്കെ വ്യത്യസ്തമാകണമെന്ന് ആഗ്രഹമുണ്ട്. മുമ്പ് ചെയ്ത സിനിമയുമായി സാമ്യം തോന്നാത്ത രീതിയിൽ ആയിരിക്കണമെന്നാണ് ചിന്ത. ഭാഗ്യത്തിന് അങ്ങനെയുള്ള വേഷങ്ങള്‍ ലഭിക്കുന്നുണ്ട്. ചാലക്കുടിക്കാരൻ ചങ്ങാതിയിൽ ഏറെ അഭിനയ സാധ്യതയുള്ള വേഷമായിരുന്നു. അതിൽ നിന്ന് വ്യത്യസ്തമായുള്ളൊരു നായകനാണ് ഉടുമ്പിലെ അനി. അത്തരം കഥാപാത്രങ്ങള്‍ എന്നിൽ വന്നു ചേരുന്നത് ഭാഗ്യമായി കാണുന്നു.
കഥയാണ് നായകൻ
വേറിട്ട ഒരുപാട് മാനസികാവസ്ഥയിലൂടെ ഈ കഥാപാത്രം കടന്നുപോകുന്നുണ്ട്. വേറിട്ട രീതിയിലാണ് ഈ ചിത്രം കണ്ണൻ താമരക്കുളം അണിയിച്ചൊരുക്കിയിരിക്കുന്നത്. നല്ലൊരു വിഷ്വൽ ട്രീറ്റ് ആയിരിക്കും. നിരവധി താരങ്ങളും ചിത്രത്തിലുണ്ട്. കഥ ഏറെ ഇഷ്ടപ്പെട്ടതോടെയാണ് ഈ സിനിമ ഞാൻ ഏറ്റെടുത്തത്, നവാഗതരായ അനീഷ് സഹദേവന്‍, ശ്രീജിത്ത് ശശിധരനും ചേര്‍ന്നാണ് ചിത്രത്തിന്‍റെ തിരക്കഥ ഒരുക്കിയിരിക്കുന്നത്, സെന്തിൽ പറഞ്ഞു.
നിരവധി താരങ്ങൾ
ഹരീഷ് പേരടി, അലന്‍സിയര്‍, മൻരാജ്, ആഞ്ജലീന, യാമി തുടങ്ങി നിരവധി താരങ്ങള്‍ ഈ ചിത്രത്തിൽ ഒരുമിക്കുന്നുണ്ട്. പുതുമുഖങ്ങളായ നിരവധി താരങ്ങളുമുണ്ട്. 24 മോഷന്‍ ഫിലിംസും കെ റ്റി മൂവി ഹൗസും ചേര്‍ന്നൊരുക്കുന്ന സിനിമയുടെ ഛായാഗ്രഹണം രവിചന്ദ്രനാണ്. എന്‍ എം ബാദുഷ ചിത്രത്തിന്‍റെ ലൈന്‍ പ്രൊഡ്യൂസറാവുന്നു. സാനന്ദ് ജോര്‍ജ് ഗ്രേസ് ആണ് സംഗീതം വി ടി ശ്രീജിത്ത് എഡിറ്റിങ് നിര്‍വഹിക്കുന്നു. പ്രൊഡക്ഷന്‍ കണ്‍ട്രോളര്‍: അഭിലാഷ് അര്‍ജുനന്‍, ആര്‍ട്ട്: സഹസ് ബാല, പി ആര്‍ ഒ പി ശിവപ്രസാദ്, സുനിത സുനില്‍ എന്നിവരാണ്.
Also Read: ബ്രഹ്‌മാണ്ഡ സിനിമയുടെ ബ്രഹ്‌മാണ്ഡ ട്രെയ്‌ലര്‍; രാജമൗലി മാജിക്കില്‍ 'ആര്‍ആര്‍ആര്‍' ട്രെയ്‌ലര്‍