ഒരു വയസിനുള്ളിൽ തന്നെ സൈബര്‍ലോകത്തെ കൈപ്പിടിയിലാക്കിയിരിക്കുകയാണ് 'ഉപ്പും മുളകും' എന്ന സീരിയലിലൂടെ പ്രേക്ഷക പ്രീതി ആര്‍ജ്ജിച്ച പാറുക്കുട്ടി. ഏറ്റവും ചെറിയ പ്രായത്തിൽ സ്വന്തം പേരിൽ ഫാൻസ് ക്ലബ്ബുള്ള താരവും പാറുക്കുട്ടി തന്നെയാണ്. ജനിച്ച് നാലാം മാസം മുതലാണ് പാറുക്കുട്ടി മിനിസ്ക്രീൻ പ്രേക്ഷകരുടെ ഇഷ്ടതാരമായത്. കുടുംബ പ്രേക്ഷകരും സോഷ്യൽ മീഡിയയും ഇപ്പോൾ ഉപ്പും മുളകും കാണുന്നതു തന്നെ പാറുക്കുട്ടിയെ കാണാൻ വേണ്ടിയാണ്.മാസങ്ങൾക്ക് മുൻപ് തന്നെ പാറുക്കുട്ടിയുടെ ഒന്നാം പിറന്നാൾ സീരിയലിൻ്റെ സെറ്റിൽ വച്ച് ഗംഭീരമായി ആഘോഷിച്ചിരുന്നെങ്കിലും ഇപ്പോൾ മാത്രമാണ് പാറുവിന് ഒരു വയസ് തികഞ്ഞത്. മുതിർന്നവരും യുവാക്കളും കുട്ടികളും അടക്കം പാറുക്കുട്ടിയുടെ കട്ട ഫാൻസായി മാറിയിട്ടുണ്ട്. ടിവിയിൽ എപ്പിസോഡ് കാണാൻ കഴിയാത്തവര്‍ മിക്കവരും എപ്പിസോഡ് കാണുന്നത് യൂട്യൂബിലാണ്.
അച്ഛൻ ബാലുവിൻ്റെയും അമ്മ നീലുവിൻ്റെയും കുസൃതി കുറുമ്പിയായ പാറുക്കുട്ടി തനത് ശൈലിയിലൂടെ ആരാധകരെ വാത്സല്യത്തിലാഴ്ത്തുകയാണ്. കരുനാഗപ്പള്ളി സ്വദേശികളായ അനിൽ കുമാറിൻ്റെയും ഗംഗാലക്ഷ്മിയുടെയും രണ്ടാമത്തെ കുട്ടിയാണ് അമേയ. ആദ്യം അമേയയുടെ ചെല്ലപ്പേര് ചക്കിയെന്നായിരുന്നെങ്കിലും പാറുക്കുട്ടി ആരാധകരുടെ ഇഷ്ടതാരമായതോടെ വീട്ടിലും അമേയ പാറുക്കുട്ടിയായി മാറി. യുകെജി വിദ്യാർത്ഥിനിയായ അനിഘ എന്ന ഒരു ചേച്ചിയും പാറുക്കുട്ടിക്കുണ്ട്. പാറുക്കുട്ടിക്ക് മാസത്തിൽ 15 ദിവസം ഷൂട്ടിങ്ങുണ്ട്. അതിന് ശേഷം കരുനാഗപ്പള്ളിയിലെ വീട്ടിലേക്ക് മടങ്ങും. ഗംഗാലക്ഷ്മിയുടെ സഹോദരൻ്റെ ഒരു സുഹൃത്ത് വഴിയാണ് പാറുക്കുട്ടി ഉപ്പും മുളകിലേക്ക് എത്തിയത്.
ആറു മാസം പ്രായമുള്ള കുഞ്ഞിനെ ആവശ്യമുണ്ടെന്ന ഓഡിഷൻ കോൾ കണ്ടതോടെയാണ് കുഞ്ഞുമായി രക്ഷിതാക്കൾ ഓഡീഷനെത്തിയത്. പിന്നീട് ഒരു മാസത്തിന് ശേഷം ഷൂട്ടിങ് തുടങ്ങി. ഇപ്പോൾ വലിയ സെലിബ്രിറ്റിയാണ് കക്ഷി. എല്ലാവരോടും പെട്ടെന്നിണങ്ങുന്ന പ്രകൃതമാണ്. എവിടെ പോയാലും ആരാധകര്‍ ചുറ്റും കൂടി കൊഞ്ചിക്കുകയും സ്നേഹിക്കുകയും സെൽഫിയെടുക്കുകയും ഒക്കെ ചെയ്യുമെന്ന് മാതാപിതാക്കൾ പറയുന്നു.
അച്ഛൻ ബാലുവിൻ്റെയും അമ്മ നീലുവിൻ്റെയും കുസൃതി കുറുമ്പിയായ പാറുക്കുട്ടി തനത് ശൈലിയിലൂടെ ആരാധകരെ വാത്സല്യത്തിലാഴ്ത്തുകയാണ്. കരുനാഗപ്പള്ളി സ്വദേശികളായ അനിൽ കുമാറിൻ്റെയും ഗംഗാലക്ഷ്മിയുടെയും രണ്ടാമത്തെ കുട്ടിയാണ് അമേയ. ആദ്യം അമേയയുടെ ചെല്ലപ്പേര് ചക്കിയെന്നായിരുന്നെങ്കിലും പാറുക്കുട്ടി ആരാധകരുടെ ഇഷ്ടതാരമായതോടെ വീട്ടിലും അമേയ പാറുക്കുട്ടിയായി മാറി. യുകെജി വിദ്യാർത്ഥിനിയായ അനിഘ എന്ന ഒരു ചേച്ചിയും പാറുക്കുട്ടിക്കുണ്ട്. പാറുക്കുട്ടിക്ക് മാസത്തിൽ 15 ദിവസം ഷൂട്ടിങ്ങുണ്ട്. അതിന് ശേഷം കരുനാഗപ്പള്ളിയിലെ വീട്ടിലേക്ക് മടങ്ങും. ഗംഗാലക്ഷ്മിയുടെ സഹോദരൻ്റെ ഒരു സുഹൃത്ത് വഴിയാണ് പാറുക്കുട്ടി ഉപ്പും മുളകിലേക്ക് എത്തിയത്.
ആറു മാസം പ്രായമുള്ള കുഞ്ഞിനെ ആവശ്യമുണ്ടെന്ന ഓഡിഷൻ കോൾ കണ്ടതോടെയാണ് കുഞ്ഞുമായി രക്ഷിതാക്കൾ ഓഡീഷനെത്തിയത്. പിന്നീട് ഒരു മാസത്തിന് ശേഷം ഷൂട്ടിങ് തുടങ്ങി. ഇപ്പോൾ വലിയ സെലിബ്രിറ്റിയാണ് കക്ഷി. എല്ലാവരോടും പെട്ടെന്നിണങ്ങുന്ന പ്രകൃതമാണ്. എവിടെ പോയാലും ആരാധകര്‍ ചുറ്റും കൂടി കൊഞ്ചിക്കുകയും സ്നേഹിക്കുകയും സെൽഫിയെടുക്കുകയും ഒക്കെ ചെയ്യുമെന്ന് മാതാപിതാക്കൾ പറയുന്നു.
