സിനിമ ഞാന്‍ ആഗ്രഹിച്ചത്
പൊന്നാനി പോലൊരു സ്ഥലത്ത് നിന്ന് സിനിമ സ്വപ്‌നം കണ്ട് പുറത്തേക്ക് വരിക എന്നത് അസാധ്യമായ കാര്യമാണ്. സിനിമാ ബന്ധങ്ങളും പിന്തുണയോ ഒന്നും തന്നെ എനിക്കുണ്ടായിരുന്നില്ല. വീട്ടില്‍ നിന്ന് എതിര്‍പ്പും. സിനിമ നടക്കില്ല എന്ന് തോന്നിയപ്പോഴാണ് മറ്റെന്തെങ്കിലും എന്ന് ചിന്തിക്കാന്‍ തുടങ്ങിയത്. എന്നെ സംബന്ധിച്ച് സിനിമയുടെ നിറങ്ങളുള്ള ലോകമാണ് എന്നെ അന്ന് ആകര്‍ഷിച്ചത്. സൗന്ദര്യവും പണവും എല്ലാം. പക്ഷേ അതൊന്നുമല്ല എന്ന് മനസ്സിലായത് സിനിമയിലേക്ക് വന്നപ്പോഴാണ്.
ലക്ഷ്വറി ലൈഫ് ആഗ്രഹിച്ചു
സിനിമ ഇല്ലെങ്കില്‍ ഞാന്‍ ആഗ്രഹിക്കുന്നത് ഒരു ലക്ഷ്വറി ലൈഫ് ആണ്. നല്ല ഇടത്ത് നിന്ന് ആലോചന വരണമെങ്കില്‍ എനിക്ക് അത്യാവശ്യം നല്ല പഠിപ്പും വിദ്യാഭ്യാസവും ജോലിയും വേണം. അങ്ങനെയാണ് ആര്‍ക്കിടെക്ട് പഠിക്കാന്‍ പോയത് എന്ന് ഒരു ചോദ്യത്തിന് ഉത്തരം നല്‍കവെ വിന്‍സി പറഞ്ഞു. വരകളെ കുറിച്ചൊന്നും ആദ്യം അറിയില്ലായിരുന്നു. പക്ഷെ പിന്നീട് വരച്ചു തുടങ്ങിയപ്പോള്‍ കിട്ടിയ പ്രോത്സാഹനം അത് പൂര്‍ത്തിയാക്കുന്നത് വരെ സഹായിച്ചു.
ജോലിക്ക് കയറിയപ്പോള്‍
പക്ഷെ ജോലിയിലേക്ക് കയറിയപ്പോള്‍ മനസ്സിലായി ഭയങ്കര സ്ട്രസ്സ് ഫുള്‍ ആണ് കാര്യങ്ങള്‍ പട്ടി പണിയെടുക്കേണ്ടി വരും എന്ന്. അതൊന്നും എനിക്ക് വിഷയമായിരുന്നില്ല, പക്ഷെ ഒരാള്‍ക്ക് താഴെ, അയാളുടെ ജോലിക്കാരി എന്ന നിലയില്‍ ജോലി ചെയ്യുന്നതിനോട് എനിക്ക് താത്പര്യമില്ലായിരുന്നു. അതിന് ശേഷമാണ് വീണ്ടും സിനിമാ മോഹം വന്നത്. സിനിമയിലെ തുടക്ക കാലത്തും ഞാന്‍ പറയുന്നത് മാത്രം ചെയ്താല്‍ മതി എന്ന രീതിയിലുള്ള അനുഭവങ്ങളുണ്ടായിരുന്നു. പക്ഷേ നമ്മള്‍ പ്രൂവ് ചെയ്തു കഴിഞ്ഞാല്‍, ഫ്രീയായി അഭിനയിക്കാന്‍ വിടും.
ഇപ്പോള്‍ കല്യാണ സ്വപ്‌നമില്ല
ഇപ്പോള്‍ എന്റെ വിദൂര സ്വപ്‌നങ്ങളില്‍ പോലും കല്യാണം എന്നൊന്നില്ല. ഞാന്‍ കല്യാണം കഴിക്കുമോ എന്ന് പോലും അറിയില്ല. പ്രണയമൊക്കെയുണ്ട്. അത് വിവാഹം വരെ എത്തുമോ എന്നറിയില്ല. വീട്ടില്‍ അച്ഛന്റെയും അമ്മയുടെയും വലിയ ആഗ്രഹം എന്റെ കല്യാണമാണ്. പക്ഷെ ഇപ്പോള്‍ എനിക്ക് കരിയറിലാണ് ശ്രദ്ധ. നല്ല കഥാപാത്രങ്ങള്‍ ചെയ്യണം. ചേട്ടന് കല്യാണം റെഡിയായിട്ടുണ്ട്, ഉടന്‍ ഉണ്ടാവും- വിന്‍സി അലോഷ്യസ് പറഞ്ഞു.