ബുംറയും ബോള്ട്ടും വിജയമൊരുക്കി
പതിവുപോലെ സമ്പൂര്ണമായ കളിയാണ് മുംബൈ ഡല്ഹിക്കെതിരേയും പുറത്തെടുത്തത്. ആദ്യം പന്തുകൊണ്ട് പിന്നീട് ബാറ്റുകൊണ്ടും എതിരാളികളെ നിഷ്പ്രഭരാക്കാന് ചാമ്പ്യന്മാര്ക്ക് കഴിഞ്ഞു. ട്രെന്റ് ബോള്ട്ടും ജസ്പ്രീത് ബുംറയും 3 വീതം വിക്കറ്റ് നേടിയപ്പോള് ഡല്ഹിക്ക് ഒരവസരത്തിലും മേല്ക്കൈ നേടാനായില്ല. ഇഷാന് കിഷനും(76), ക്വിന്റണ് ഡി കോക്കും(26) ഓപ്പണില് വിക്കറ്റില് നടത്തിയ ആക്രമണം ഡല്ഹിയുടെ തോല്വി ദയനീയമാക്കി.
(PC: BCCI/IPL)
ഡല്ഹിക്ക് എളുപ്പമല്ല
പൃഥ്വി ഷായെ ഓപ്പറായി തിരിച്ചെത്തിച്ചിട്ടും ഡല്ഹിക്ക് കാര്യമുണ്ടായില്ല. ഷായും ധവാനും മടങ്ങിയതിന് പിന്നാലെ ടീം കൂട്ടത്തകര്ച്ചയിലേക്ക് വീണു. ബൗളിങ്ങില് റബാഡയും നോര്ജെയും തുടര്ച്ചയായ രണ്ടാം മത്സരത്തിലും പൂര്ണ പരാജയമായി. റബാഡയ്ക്ക് ഒരിക്കല്ക്കൂടി വിക്കറ്റില്ലാതെ മടങ്ങേണ്ടിവന്നു. അശ്വിന് മാത്രമാണ് ക്യാപ്റ്റന്റെ പ്രതീക്ഷയ്ക്കൊത്ത് പന്തെറിഞ്ഞത്. പ്രവീണ് ദുബെയ്ക്ക് കിട്ടിയ അവസരം മുതലെടുക്കാനുമായില്ല. തോല്വിയോടെ അവസാന മത്സരത്തിലെ ജയിക്കാതെ ഡല്ഹിക്ക് പ്ലേ ഓഫിലെ മുന്നിരയിലെത്താന് കഴിയില്ല.
(PC: BCCI/IPL)
അനായാസം മുംബൈ
പോയന്റ് പട്ടികയില് ഒന്നാം സ്ഥാനം ഉറപ്പിച്ചതോടെ മുംബൈയ്ക്ക് പ്ലേ ഓഫില് കാര്യങ്ങള് കുറച്ചുകൂടി എളുപ്പമാകും. രോഹിത് ശര്മയുടെ അഭാവത്തിലും കിരീടം നിലനിര്ത്താനുള്ള എല്ലാം പടക്കോപ്പും തങ്ങളുടെ കൈയ്യിലുണ്ടെന്ന് മുംബൈ തെളിയിച്ചു കഴിഞ്ഞു. അവസാന മത്സരത്തില് ബെഞ്ചിന്റെ ശക്തി പരീക്ഷിച്ച് മുന്നിര കളിക്കാര്ക്ക് വിശ്രമം നല്കാനും ഇതോടെ അവസരമൊരുങ്ങി.
(PC: BCCI/IPL)
Also Read: ആ തീരുമാനങ്ങളില് അടിതെറ്റി പഞ്ചാബ്, രാഹുല് യോഗ്യന്മാരുടെ ക്ലബ്ബില്; പ്ലേ ഓഫ് ഫോട്ടോ ഫിനിഷിലേക്ക്
ബാറ്റ്സ്മാന്മാര് തോല്പ്പിച്ചു
ബാറ്റ്സ്മാന്മാരാണ് ഒരിക്കല്ക്കൂടി ഡല്ഹിയുടെ തോല്വിയുടെ കാരണക്കാര്. ധവാന്റെ തുടര്പരാജയത്തിനൊപ്പം പൃഥ്വി ഷായുടെ സ്ഥിരതയില്ലായ്മയും ടീമിന് തിരിച്ചടിയാകുന്നു. വിദേശ കളിക്കാരായ മാര്ക്കസ് സ്റ്റോയ്നസും ഷിമ്രോണ് ഹെറ്റ്മെയറും ടീമിന് ബാധ്യതയാവുകയാണ്. പ്ലേ ഓഫില് ഇടം ലഭിക്കാന് ഇനിയും സാധ്യതയുണ്ടെങ്കിലും ഡല്ഹിയുടെ മുന്നോട്ടുള്ള പ്രയാണം എളുപ്പമാകില്ലെന്നാണ് മുംബൈയ്ക്കെതിരായ മത്സരവും തെളിയിക്കുന്നത്.
(PC: BCCI/IPL)