ഋഷഭ് പന്തിന് കിടിലൻ ഐപിഎൽ റെക്കോഡ് സ്വന്തം; ഈ നേട്ടം കൈവരിക്കുന്ന ആദ്യ ഇന്ത്യൻ താരം

തിരിച്ചുവരവ് ഐപിഎൽ സീസണിൽ കിടിലൻ പ്രകടനമാണ് ഡെൽഹി ക്യാപിറ്റൽസ് നായകൻ ഋഷഭ് പന്ത് പുറത്തെടുത്തത്. കാറപകടത്തിൽ പരിക്കേറ്റതിനെത്തുടർന്ന് 15 മാസത്തോളം ക്രിക്കറ്റിൽ നിന്ന് വിട്ടുനിൽക്കുകയായിരുന്ന പന്ത് പക്ഷേ മടങ്ങിവരവിലും പഴയ ഫോം തുടരുന്നതാണ് ഇക്കുറി ആരാധകർ കണ്ടത്. ബാറ്റിങ്ങിൽ മിന്നും ഫോമിൽ കളിച്ച താരത്തിന് ഒരു കിടിലൻ റെക്കോഡും ഈ സീസണിൽ സ്വന്തമാക്കാനായി.2024 സീസൺ ഐപിഎല്ലിൽ 13 കളികളിൽ നിന്ന് 155.40 ബാറ്റിങ്‌ ശരാശരിയിൽ 446 റൺസാണ് ഋഷഭ് പന്തിന്റെ സമ്പാദ്യം. ഇതോടെ അഞ്ച് വ്യത്യസ്ത ഐപിഎൽ സീസണുകളിൽ 150 ന് മുകളിൽ സ്ട്രൈക്ക് റേറ്റിൽ 300 ന് മുകളിൽ റൺസ് നേടുന്ന ആദ്യ ഇന്ത്യൻ താരമെന്ന റെക്കോഡ് പന്തിന് സ്വന്തമായി. 2017 ലാണ് പന്ത് ആദ്യമായി ഐപിഎല്ലിൽ 150 ന്‌ മുകളിൽ സ്ട്രൈക്ക് റേറ്റിൽ 300 റൺസിന് മുകളിൽ നേടിയത്. ഇതിന് ശേഷം 2018, 2019, 2022, 2024 സീസണുകളിലും ഈ നേട്ടം തുടരാൻ പന്തിനായി.


പന്ത് 150 ന് മുകളിൽ സ്ട്രൈക്ക് റേറ്റിൽ‌ 300 റൺസ് നേടിയ സീസണുകൾ

ഐപിഎൽ‌ 2017 - 366 റൺസ് - 165.61 സ്ട്രൈക്ക് റേറ്റ്
ഐപിഎൽ 2018- 684 റൺസ് - 173.60 സ്ട്രൈക്ക് റേറ്റ്
ഐപിഎൽ 2019 - 488 റൺസ് - 162.67 സ്ട്രൈക്ക് റേറ്റ്
ഐപിഎൽ ‌2022 - 340 റൺസ് - 151.79 സ്ട്രൈക്ക് റേറ്റ്
ഐപിഎൽ ‌2024 - 446 റൺസ് - 155.40 സ്ട്രൈക്ക് റേറ്റ്.

Also Read: അവസാന മത്സരം കളിക്കാതെ ആർസിബി പുറത്താകുമോ? ടീമിന് ഭീഷണിയായി അക്കാര്യം, കാലാവസ്ഥ പ്രവചനം ഇങ്ങനെ

ഐപിഎല്ലിൽ ഇത്തവണ കാഴ്ചവെച്ച മിന്നും പ്രകടനം ടി20 ലോകകപ്പിനുള്ള ഇന്ത്യൻ ടീമിലും ഋഷഭ് പന്തിന് സ്ഥാനം നേടിക്കൊടുത്തിരുന്നു. അടുത്ത മാസം അമേരിക്കയിലും, വെസ്റ്റിൻഡീസിലുമായി നടക്കാനിരിക്കുന്ന ലോകകപ്പിൽ ടീമിന്റെ പ്രധാന വിക്കറ്റ് കീപ്പറാകുമെന്ന് കരുതപ്പെടുന്ന കളിക്കാരനാണ് ഋഷഭ് പന്ത്.

Also Read: സഞ്ജു സാംസണ് ആ സ്പെഷ്യൽ നേട്ടത്തിൽ എത്താൻ സുവർണാവസരം; കരിയറിൽ ആദ്യമായി ഈ നാഴികക്കല്ലിൽ എത്താൻ രാജസ്ഥാൻ റോയൽസ് നായകൻ

2016 ൽ ഡെൽഹി ഫ്രാഞ്ചൈസിക്ക് കളിച്ചുകൊണ്ടാണ് പന്ത് ഐപിഎല്ലിൽ അരങ്ങേറ്റം കുറിച്ചത്. ഇതുവരെ 111 ഐപിഎൽ മത്സരങ്ങൾ കളിച്ച താരം 35.31 ബാറ്റിങ് ശരാശരിയിൽ 3284 റൺസ് നേടിയിട്ടുണ്ട്.