പരിക്കിനെത്തുടർന്ന് ദീർഘനാൾ ക്രിക്കറ്റ് മൈതാനത്തിന് വെളിയിലായിരുന്ന ഇന്ത്യൻ സ്റ്റാർ പേസർ ദീപക് ചഹർ, സിംബാബ്വെക്കെതിരായ ആദ്യ ഏകദിനത്തിൽ കളിച്ചു കൊണ്ട് ദേശീയ ടീമിലേക്ക് തിരിച്ചുവരവ് നടത്തിയിരുന്നു. മത്സരത്തിൽ തകർപ്പൻ പ്രകടനം കാഴ്ച വെച്ച ചഹർ മാൻ ഓഫ് ദി മാച്ച് പുരസ്കാരവും നേടിയാണ് ആദ്യ ഏകദിനത്തിൽ നിന്ന് മടങ്ങിയത്. എന്നാൽ ഇപ്പോളിതാ ആദ്യ ഏകദിനത്തിൽ തകർത്ത ചഹറിനെ രണ്ടാം മത്സരത്തിൽ ഇന്ത്യ ടീമിൽ നിന്ന് ഒഴിവാക്കിയിരിക്കുന്നു.
ഹരാരെയിൽ രണ്ടാം ഏകദിനത്തിന്റെ ടോസ് സമയത്ത് ഇന്ത്യൻ നായകൻ കെ എൽ രാഹുലായിരുന്നു, ദീപക് ചഹർ കളിക്കുന്നില്ലെന്ന് വ്യക്തമാക്കിയത്. അദ്ദേഹത്തിന് പകരം ഷർദുൽ താക്കൂർ ടീമിലെത്തിയെന്നും ഇന്ത്യൻ നായകൻ പറഞ്ഞു. ചഹർ പ്ലേയിംഗ് ഇലവനിലില്ലെന്ന വാർത്ത ആരാധകർക്ക് വിശ്വസിക്കാനായില്ല. സമൂഹമാധ്യങ്ങളിലൂടെ ഇക്കാര്യം അവർ വ്യക്തമാക്കുകയും ചെയ്തു. താരത്തിന് വീണ്ടും പരിക്കേറ്റോയെന്നും, അദ്ദേഹത്തെ പുറത്തിരുത്തിയത് തീർത്തും ഞെട്ടിക്കുന്നതാണെന്നും ട്വിറ്ററിൽ ആരാധകർ പ്രതികരിച്ചു. എന്നാൽ എന്തു കൊണ്ടാണ് ദീപക് ചഹർ രണ്ടാം ഏകദിനത്തിൽ പുറത്തിരിക്കുന്നത് എന്ന കാര്യത്തിൽ ബിസിസിഐ ഇതു വരെ വ്യക്തത വരുത്തിയിട്ടില്ല.
ദീപക് ചഹർ ടീമിലില്ലാത്തതിൽ ആരാധകരിൽ ചിലരുടെ പ്രതികരണങ്ങൾ ഇങ്ങനെ,
അതേ സമയം സിംബാബ്വെക്കെതിരായ ആദ്യ ഏകദിനത്തിൽ 3 വിക്കറ്റുകൾ വീഴ്ത്തി വമ്പൻ തിരിച്ചുവരവായിരുന്നു ദീപക് ചഹർ നടത്തിയത്. മത്സരത്തിൽ 7 ഓവറുകളെറിഞ്ഞ താരം വെറും 27 റൺസ് മാത്രം വിട്ടു കൊടുത്ത് 3 വിക്കറ്റുകൾ വീഴ്ത്തുകയായിരുന്നു. സിംബാബ്വെ ടോപ് ഓർഡറിന്റെ വിക്കറ്റുകളായിരുന്നു ചഹർ പിഴുതത്. ഈ വർഷം ഫെബ്രുവരി മുതൽ പരിക്കേറ്റ് പുറത്തുള്ള ദീപക് ചഹറിന് ഇത് മൂലം ഐപിഎല്ലും നഷ്ടമായിരുന്നു. പരിക്കിനെത്തുടർന്ന് അഞ്ച് മാസത്തോളം ക്രിക്കറ്റിൽ നിന്ന് വിട്ടു നിന്ന ചഹർ മടങ്ങി വരവിൽ ഇതുപോലൊരു പ്രകടനം കാഴ്ച വെച്ചത് ടീം ഇന്ത്യക്കും ശുഭകരമായ സൂചനയാണ്.
ഹരാരെയിൽ രണ്ടാം ഏകദിനത്തിന്റെ ടോസ് സമയത്ത് ഇന്ത്യൻ നായകൻ കെ എൽ രാഹുലായിരുന്നു, ദീപക് ചഹർ കളിക്കുന്നില്ലെന്ന് വ്യക്തമാക്കിയത്. അദ്ദേഹത്തിന് പകരം ഷർദുൽ താക്കൂർ ടീമിലെത്തിയെന്നും ഇന്ത്യൻ നായകൻ പറഞ്ഞു. ചഹർ പ്ലേയിംഗ് ഇലവനിലില്ലെന്ന വാർത്ത ആരാധകർക്ക് വിശ്വസിക്കാനായില്ല. സമൂഹമാധ്യങ്ങളിലൂടെ ഇക്കാര്യം അവർ വ്യക്തമാക്കുകയും ചെയ്തു. താരത്തിന് വീണ്ടും പരിക്കേറ്റോയെന്നും, അദ്ദേഹത്തെ പുറത്തിരുത്തിയത് തീർത്തും ഞെട്ടിക്കുന്നതാണെന്നും ട്വിറ്ററിൽ ആരാധകർ പ്രതികരിച്ചു. എന്നാൽ എന്തു കൊണ്ടാണ് ദീപക് ചഹർ രണ്ടാം ഏകദിനത്തിൽ പുറത്തിരിക്കുന്നത് എന്ന കാര്യത്തിൽ ബിസിസിഐ ഇതു വരെ വ്യക്തത വരുത്തിയിട്ടില്ല.
ദീപക് ചഹർ ടീമിലില്ലാത്തതിൽ ആരാധകരിൽ ചിലരുടെ പ്രതികരണങ്ങൾ ഇങ്ങനെ,
അതേ സമയം സിംബാബ്വെക്കെതിരായ ആദ്യ ഏകദിനത്തിൽ 3 വിക്കറ്റുകൾ വീഴ്ത്തി വമ്പൻ തിരിച്ചുവരവായിരുന്നു ദീപക് ചഹർ നടത്തിയത്. മത്സരത്തിൽ 7 ഓവറുകളെറിഞ്ഞ താരം വെറും 27 റൺസ് മാത്രം വിട്ടു കൊടുത്ത് 3 വിക്കറ്റുകൾ വീഴ്ത്തുകയായിരുന്നു. സിംബാബ്വെ ടോപ് ഓർഡറിന്റെ വിക്കറ്റുകളായിരുന്നു ചഹർ പിഴുതത്.