വിശാഖപട്ടണം: ഓസ്ട്രേലിയക്കെതിരെ വിശാഖപട്ടണത്ത് നടന്ന ഒന്നാം ട്വൻറി20 മത്സരത്തിൽ പുതിയ റെക്കോർഡിട്ട് ഇന്ത്യൻ പേസർ ജസപ്രീത് ബുംറ. ടി20യിൽ 50 വിക്കറ്റ് തികയ്ക്കുന്ന രണ്ടാമത്തെ ഇന്ത്യൻ ബോളറായിരിക്കുകയാണ് ബുംറ. ആർ.അശ്വിനാണ് ബുംറയ്ക്ക് പുറമെ 50 വിക്കറ്റുകൾ വീഴ്ത്തിയിട്ടുള്ള മറ്റൊരു ഇന്ത്യൻ ബോളർ. മത്സരത്തിലെ തൻെറ അവസാന ഓവറിലാണ് ബുംറ ഈ നേട്ടം കൈവരിച്ചത്. ഓസീസ് താരം പീറ്റർ ഹാൻസ്കോമ്പാണ് ബുംറയുടെ 50ാമത് ഇര. ഓസീസ് നായകൻ ആരോൺ ഫിഞ്ചിൻെറയും വിക്കറ്റ് ബുംറ വീഴ്ത്തിയിരുന്നു. നാലോവറിൽ വെറും 16 റൺസ് വഴങ്ങി ബുംറ നാല് വിക്കറ്റുകൾ പിഴുതു.
ട്വൻറി20 ക്രിക്കറ്റിൻെറ ചരിത്രത്തിൽ ഈ നേട്ടം കൈവരിക്കുന്ന 26ാമത് താരമാണ് ജസ്പ്രീത് ബുംറ. ട്വൻറി20യിൽ ഇന്ത്യക്കായി ഏറ്റവും കൂടുതൽ വിക്കറ്റുകൾ വീഴ്ത്തിയിട്ടുള്ളത് ആർ.അശ്വിനാണ്. 52 വിക്കറ്റുകളാണ് അദ്ദേഹത്തിൻെറ നേട്ടം.
ട്വൻറി20 ക്രിക്കറ്റിൻെറ ചരിത്രത്തിൽ ഈ നേട്ടം കൈവരിക്കുന്ന 26ാമത് താരമാണ് ജസ്പ്രീത് ബുംറ. ട്വൻറി20യിൽ ഇന്ത്യക്കായി ഏറ്റവും കൂടുതൽ വിക്കറ്റുകൾ വീഴ്ത്തിയിട്ടുള്ളത് ആർ.അശ്വിനാണ്. 52 വിക്കറ്റുകളാണ് അദ്ദേഹത്തിൻെറ നേട്ടം.