ആധാറുമായി ബന്ധിപ്പിച്ച മൊബൈൽ/മെയിൽ ഐഡി ഓൺലൈനിൽ എങ്ങനെ പരിശോധിക്കാം

ഒരു ഇന്ത്യൻ പൗരനെ സംബന്ധിച്ചിടത്തോളം 12അക്ക ആധാർ നമ്പർ ഒഴിച്ചുകൂടാനാകാത്തൊരു തിരിച്ചറിയൽ രേഖയായി മാറിയിരിക്കുന്നു. ബാങ്ക് അക്കൗണ്ട്, സിം കാർഡ്, പാൻ നമ്പർ, മ്യൂച്ചൽ ഫണ്ട്, പിപിഎഫ് അക്കൗണ്ട്, ഇൻഷൂറൻസ് പോളിസി എന്നിവയുമായി ആധാർ ബന്ധിപ്പിക്കുക എന്നത് കർശനമാക്കിയിരിക്കുകയാണ്.

അതിനായി ആധാർ സംബന്ധിച്ചുള്ള എല്ലാ വിവരങ്ങളും ആധാർ ഏജൻസിയായ UIDAI ൽ നിങ്ങൾക്ക് വേണ്ടി ലഭ്യമാക്കിയിട്ടുണ്ട്. ഇതിൽ അഡ്രസ് പുതുക്കൽ, ആധാർ നമ്പർ പരിശോധിക്കൽ എന്നിവ ഉൾപ്പെടും. ഈ വെബ്സൈറ്റ് മുഖേന ആധാറുമായി ബന്ധിപ്പിച്ചുള്ള കാർഡ് ഉടമകൾക്ക് അവരുടെ മൊബൈൽ നമ്പറും ഇമെയിൽ ഐഡിയും പരിശോധിച്ച് ഉറപ്പ് വരുത്താവുന്നതാണ്.


1. UIDAI വൈബ്സൈറ്റ് (https://uidai.gov.in/) സന്ദർശിക്കുക



2. ആധാർ സർവീസിന് താഴെയുള്ള വെരിഫൈ ഇമെയിൽ/ മൊബൈൽ നമ്പർ ക്ലിക്ക് ചെയ്യുക.



3. തുടർന്ന് ആധാർ നമ്പർ, ഇമെയിൽ ഐഡി, മൊബൈൽ നമ്പർ, സെക്യൂരിറ്റി കോഡ് എന്നിവ ചേർക്കുക



4. പിന്നീട് വൺടൈം പാസ്‍വേ‍ർഡ് ക്ലിക്ക് ചെയ്യുക. നിങ്ങൾ നൽകിയ ഇമെയിൽ/ മൊബൈൽ നമ്പറിൽ OTP ലഭിക്കും.



5. OTP ചേർക്കുക



6. നിങ്ങളുടെ മൊബൈൽ നമ്പറും ഇമെയിൽ ഐഡിയും ലിങ്ക് ചെയ്തിട്ടുണ്ടെങ്കിൽ നിങ്ങളുടെ മൊബൈൽ നമ്പർ അല്ലെങ്കിൽ ഇമെയിൽ ഐഡി വെരിഫൈ ചെയ്തിരക്കുന്നു എന്ന പറഞ്ഞുള്ള പേജിലേക്ക് കടക്കും.



7. ഓർക്കുക മൊബൈൽ നമ്പർ ഇതിനകം തന്നെ വെരിഫൈ ചെയ്തു കഴിഞ്ഞാൽ നിങ്ങൾ നൽകിയ മൊബൈൽ നമ്പർ നിങ്ങളുടെ റെക്കോർഡുകളിൽ രേഖപ്പെടുത്തിയിട്ടുണ്ടെന്ന് വ്യക്തമാക്കും.



8.മൊബൈൽ നമ്പറും ഇമെയിൽ ഐഡിയും ലിങ്ക് ചെയ്തിട്ടില്ലെങ്കിൽ OTPയ്ക്ക് വേണ്ടി അപേക്ഷിക്കുവാൻ സാധിക്കില്ല. നൽകിയ മൊബൈൽ നമ്പറും ഇമെയിൽ ഐഡിയും പൊരുത്തപ്പെടുന്നില്ലെന്ന് കാണിക്കും.



9. നിങ്ങളുടെ മൊബൈൽ നമ്പർ ആധാറിൽ രജിസ്റ്റർ ചെയ്തിട്ടുണ്ടെങ്കിൽ SSUP പോർട്ടൽ മുഖേന മൊബൈൽ/ ഇമെയിൽ അപ്ഡേറ്റ് ചെയ്യാവുന്നതാണ്.



10.നിങ്ങളുടെ മൊബൈൽ നമ്പർ ആധാറുമായി ബന്ധിപ്പിച്ചില്ലെങ്കിൽ നിങ്ങളുടെ മൊബൈൽ നമ്പർ അപ്ഡേറ്റ് ചെയ്യുന്നതിന് വേണ്ടി അടുത്തുള്ള ആധാർ എൻറോൾമെന്‍റ് സെന്‍റെർ സന്ദർശിക്കുക. ഇതിനായി കൂടുതൽ രേഖകളുടെ ആവശ്യമില്ല.