സീരിയല്‍ അറംപറ്റിപ്പോയി എന്ന് ഗൗരി; ജീവിതത്തിലും 'സര്‍' വിളി തന്നെ; സസ്‌പെന്‍സ് ആക്കി വച്ച ഭാവി വരന്‍ 'സര്‍' ആയത് എങ്ങിനെ?
എല്ലാം ലൈവ് ആയിരിക്കും
വിവാഹ നിശ്ചയത്തിന്റെ എല്ലാ വിശേഷങ്ങളും ഓരോ എപ്പിസോഡ് ആയി അറിയിക്കും എന്ന് ഗൗരി കൃഷ്ണ പറഞ്ഞു. അതിന്റെ അടിസ്ഥാനത്തില്‍ രാവിലെ എഴുന്നേറ്റത് മുതല്‍ മേക്കപ്പ് ചെയ്യാന്‍ പോകുന്നത് വരെയുള്ള എല്ലാ കാര്യങ്ങളും ആദ്യത്തെ വീഡിയോയില്‍ ഗൗരി കൃഷ്ണ പങ്കുവച്ചിട്ടുണ്ട്.
വന്‍ സന്നാഹങ്ങളോടെ
ഇന്നാണ് വിവാഹ നിശ്ചയം എന്ന് ആരോടും പറഞ്ഞിട്ടില്ല. വിവാഹ നിശ്ചയത്തിന് ശേഷം നാളെ ഒരൊറ്റ വീഡിയോ ആക്കി പോസ്റ്റ് ചെയ്യാം എന്നാണ് ഞാന്‍ ആദ്യം കരുതിയത്. പിന്നെ വിചാരിച്ചു എല്ലാം ലൈവായി തന്നെ ആയിക്കോട്ടെ എന്ന്. അതുകൊണ്ട് വന്‍ സന്നാഹങ്ങളോടെയാണ് ഇന്ന് ഞാന്‍ റെഡിയായി വന്നിരിക്കുന്നത് - ഗൗരി പറഞ്ഞു.
അവര്‍ പത്ത് മണിയാവുമ്പോഴേക്കും എത്തും
പൗര്‍ണമി തിങ്കള്‍ എന്ന സീരിയലിന്റെ സംവിധായകനായ മനോജ് ആണ് ഗൗരിയെ വിവാഹം ചെയ്യുന്നത്. വരന്റെ വീട്ടുകാര്‍ പത്ത് പണിയാവുമ്പോഴേക്കും ഓഡിറ്റോറിയത്തിലെത്തും. പിന്നെയുള്ള ബന്ധുക്കളില്‍ ചിലര്‍ നേരത്തെ എത്തിയിരുന്നു. ഹോട്ടലിലാണ് അവരുടെ സ്‌റ്റേ. ബാക്കിയുള്ളവര്‍ ഇന്ന് നേരിട്ട് ഓഡിറ്റോറിയത്തില്‍ എത്തിക്കോളാം എന്നാണ് പറഞ്ഞിരിക്കുന്നതത്രെ.
നേരത്തെ മുടങ്ങിയ നിശ്ചയം
ജനുവരി 23 ന് തീരുമാനിച്ച വിവാഹ നിശ്ചയം വരനും കൂട്ടര്‍ക്കും കൊവിഡ് പോസിറ്റീവ് ആയത് കാരണം നീട്ടി വയ്ക്കുകയായിരുന്നു. വിവാഹ നിശ്ചയം മുടങ്ങിയതിനെ കുറിച്ച് ഗോസിപ്പുകള്‍ വന്നത് കാരണമാണ് ഡേറ്റ് ഗൗരി നേരത്തെ പുറത്ത് വിടാതിരുന്നത്. അതേ സമയം നിശ്ചയത്തിന്റെ ഒരുക്കങ്ങള്‍ എല്ലാം തന്റെ യൂട്യൂബ് ചാനലിലൂടെ നടി പുറത്ത് വിട്ടിരുന്നു
