"ജീവിതം നമുക്കിടയിൽ ഒരുപാട് പരീക്ഷണങ്ങൾ നടത്തിയിട്ടുണ്ട്. പക്ഷേ ഞങ്ങൾ ഇപ്പോഴും എവിടെയും വീണുപോയിട്ടില്ല, തകർന്നിട്ടില്ല. 4 വർഷമായിരിക്കുന്നു. അതെ ഞാൻ എടുത്ത ഏറ്റവും നല്ല തീരുമാനമാണിത്. മറ്റെന്തിനേക്കാളും കൂടുതൽ നിങ്ങളെ ഞാൻ സ്നേഹിക്കുന്നു" എന്ന ക്യാപ്‌ഷനോടെയാണ് ഭർത്താവിനൊപ്പമുള്ള ചിത്രങ്ങൾ പാർവതി പങ്കുവച്ചത്. ഭർത്താവിനൊപ്പം കാനഡയിൽ ആയിരുന്ന പാർവതി ഒരു പ്രൊഫഷണൽ സൈക്കോളജിസ്റ്റ് കൂടിയാണ്.
Also Watch:
പാർവതി തന്റെ വിവാഹത്തെക്കുറിച്ച് ഒക്കെ മുൻപ് സമയം മലയാളത്തിൽ നൽകിയ പ്രത്യേക അഭിമുഖത്തിൽ തുറന്നു പറഞ്ഞിട്ടുണ്ട്. പ്രണയ വിവാഹമല്ല എന്നും ഫേസ്ബുക്ക് ത്രൂ വന്ന ആലോചനയാണ് എന്നുമായിരുന്നു പാർവതി പറഞ്ഞത്. "പെണ്ണുകാണൽ വീഡിയോ കോൾ വഴിയായിരുന്നു. വിവാഹ നിശ്ചയത്തിന്റെ സമയത്താണ് നേരിട്ട് കാണുന്നത്. അന്നുമുതൽ തുടങ്ങിയ പ്രണയം ഇപ്പോഴും തുടരുകയാണ്. ഇരുവർക്കും ഇടയിൽ അധികം പ്രായവ്യത്യാസം ഒന്നുമില്ല" എന്നായിരുന്നു പാർവതി പറഞ്ഞത്.
Also Read: 'എന്താണ് വീട്ടിൽ പറയാതിരുന്നത് എന്ന് അമ്മ ചോദിച്ചു'! എനിക്ക് 26 വയസ്സായി ഞാൻ കുഞ്ഞുവാവയല്ല; ദിയ കൃഷ്ണ!
തന്റെ വീട്ടിൽ അച്ഛൻ അമ്മ അനുജൻ ആണുള്ളതെന്നും ഭർത്താവിന്റെ വീട്ടിലും അച്ഛൻ അമ്മ പിന്നെ ഒരു സഹോദരിയും ആണുള്ളത് എന്ന് പാർവതി പറഞ്ഞിരുന്നു. പാർവതിയുടെ ഭർത്താവ് കാനഡയിൽ റെയിൽവെയിൽ ആണ് വർക്ക് ചെയ്യുന്നത്. അഭിനയത്തിൽ തന്റെ വീട്ടുകാരെ പോലെ തന്നെ ഭർത്താവും ഭർത്താവിന്റെ വീട്ടുകാരും തരുന്ന സപ്പോർട്ടിനെക്കുറിച്ചും പാർവതി പറഞ്ഞിട്ടുണ്ട്. മടി പിടിച്ചിരുന്നാൽ പോലും വീഡിയോകൾ ചെയ്യാൻ നിർബന്ധിക്കുന്നത് ഭർത്താവാണ് എന്നാണ് പാർവതി പറഞ്ഞത്. അഞ്ചുവയസ്സുമുതൽ സീരിയൽ രംഗത്ത് ഉണ്ടായിരുന്ന പാർവതി മൂന്നുവയസ്സിലാണ് നൃത്തം പഠിച്ചു തുടങ്ങുന്നത്. ഇപ്പോഴും പാർവതി നൃത്തം പ്രാക്ടീസ് ചെയുന്നുണ്ട്.