സുമേഷും സുപ്രിയയും
തുരുമ്പ് സുമേഷ് എന്ന് ഓമനപ്പേരിട്ട് വിളിക്കുന്ന സുമേഷ് വിവാഹിതനാവാന് പോവുകയാണ്. വിവാഹക്കാഴ്ചകളും വിശേഷങ്ങളുമാണ് ഇനി പ്രേക്ഷകര്ക്ക് മുന്നിലേക്കെത്തുന്നത്. സുമേഷ് എപ്പോഴും പറയാറുള്ള സുപ്രിയയെ പ്രേക്ഷകര്ക്കായി പരിചയപ്പെടുത്തുകയാണ് അണിയറപ്രവര്ത്തകര്. സ്ഥിരമായി സുപ്രിയയെ ഫോണ് ചെയ്യാറുണ്ട് സുമേഷ്. പ്രണയിനിയെ ഇംപ്രസ് ചെയ്യിക്കാനുള്ള സുമേഷിന്റെ ശ്രമങ്ങളെല്ലാം അബദ്ധങ്ങളിലാണ് അവസാനിക്കാറുള്ളതും.
വിവാഹം
സുമേഷും സുപ്രിയയും തമ്മിലുള്ള ബന്ധത്തെക്കുറിച്ച് കുടുംബത്തിലുള്ളവര്ക്കെല്ലാം അറിയാവുന്നതാണ്. തനിക്ക് അബദ്ധം പറ്റുമ്പോഴെല്ലാം സുപ്രിയയോട് ഇതെങ്ങനെ പറയാമെന്നാണ് സുമേഷ് ചോദിക്കാറുള്ളത്, സുപ്രിയയോട് പറഞ്ഞ് കൊടുക്കുമെന്ന് പറഞ്ഞാണ് വീട്ടിലുള്ളവർ സുമേഷിനെ ഭീഷണിപ്പെടുത്താറുള്ളത്. കാത്തിരിപ്പിനൊടുവിലായി സുമേഷും സുപ്രിയയും വിവാഹിതരാവുകയാണ്. വിവാഹത്തെക്കുറിച്ച് പറഞ്ഞുള്ള പ്രമോ വീഡിയോ ഇതിനകം തന്നെ വൈറലായി മാറിക്കഴിഞ്ഞിട്ടുണ്ട്. താരങ്ങളെല്ലാം ചക്കപ്പഴത്തിന്റെ പുതിയ പ്രമോ പങ്കുവെച്ചെത്തിയിട്ടുണ്ട്.
സബിറ്റയുടെ വാക്കുകൾ
അങ്ങനെ എന്റെ സുമേഷ് മോനും ഒരു തുണയായി. യഥാര്ത്ഥ ജീവിതത്തില് ഒരു മരുമകള്ക്ക് വിളക്ക് നല്കി വീട്ടിലേക്ക് കൈപിടിച്ച് കയറ്റാനുള്ള ഭാഗ്യം എനിക്കില്ല, എന്റെ ഒരേയൊരു മകന് സ്വര്ഗത്തിലാണ്. ചക്കപ്പഴം പ്രമോ പങ്കുവെച്ച് സബിറ്റ ജോര്ജ് കുറിച്ചത് ഇങ്ങനെയായിരുന്നു. ഇത് സ്വപ്നമാണോയെന്നായിരുന്നു പ്രേക്ഷകരുടെ ചോദ്യങ്ങള്. എല്ലാവരുടേയും അനുഗ്രഹത്തോടെ തുടങ്ങട്ടെയെന്നും സബിറ്റ വീഡിയോ പങ്കിട്ട് ചോദിച്ചിരുന്നു. അങ്ങനെ അതും മംഗളകരമായി നടന്നു എന്നും സബിറ്റ ഇന്സ്റ്റഗ്രാമില് കുറിച്ചിരുന്നു. ശ്രുതി ചേച്ചി എവിടെപ്പോയി എന്ന് ചോദിച്ചയാളോട് പഠിക്കാന് പോയി എന്ന മറുപടിയും നല്കിയിരുന്നു.
രണ്ട് സ്ഥലങ്ങളിലിരുന്ന് പ്രണയം കൈമാറി ശിവനും അഞ്ജലിയും
അച്ഛന്റെ കമന്റ്
അങ്ങനെ മ്മടെ തക്കുടുമോൻ സുമേഷിന്റെ കല്ല്യാണമായി. പ്ലാവില വീട്ടിലെ ഈ സന്തോഷം എല്ലാരുമായി പങ്ക് വയ്ക്കുന്നു എന്നായിരുന്നു അമൽരാജ് ദേവ് വീഡിയോയ്ക്കൊപ്പമായി കുറിച്ചത്. സുമേഷിന്റെ അച്ഛനായ കുഞ്ഞുണ്ണിയെ അവതരിപ്പിക്കുന്നത് അമൽരാജ് ദേവാണ്. അത് പൊളിച്ചു, സുപ്രിയയെ കാണിച്ചുവെന്നായിരുന്നു ആരാധകരുടെ കമന്റുകൾ.