നടന്ന് വണ്ണം കുറയ്ക്കാന്‍ 10 ടിപ്പുകള്‍

ഒരു മണിക്കൂറോ രണ്ടു മണിക്കൂറോ വ്യായാമത്തിനായി ചെലവാക്കാനില്ലഎന്നതാണോ നിങ്ങളുടെ വിഷമം? എങ്കിലിതാ അതിനൊരു പരിഹാരം. ദിവസവും നടന്നാല്‍ മതി. എന്നാല്‍ ആ നടപ്പില്‍ ചെയ്യേണ്ട ചില
പൊടിക്കൈകളുണ്ട്. വ്യായാമം രസകരമാക്കാനും എളുപ്പത്തില്‍ റിസള്‍ട്ട് കിട്ടാനും ഇവ പരീക്ഷിച്ചു നോക്കൂ.

1.15000 ചുവട് നടക്കാം

കേള്‍ക്കുമ്പോള്‍ ഭയങ്കര കഠിനാധ്വാനമെന്ന് തോന്നുമെങ്കിലും ചെയ്തു തുടങ്ങുമ്പോള്‍ വളരെ എളുപ്പമായി മാറുന്ന ഒന്നാണിത്. നടക്കുന്ന ചുവടുകൾ എണ്ണാന്‍ സാധിക്കുന്ന ധാരാളം ആപ്പുകള്‍ ലഭ്യമാണ്. അവയില്‍ ഒന്ന്

ഉപയോഗിച്ചാല്‍ വളരെ എളുപ്പത്തില്‍ ട്രാക്ക് ചെയ്യാന്‍ സാധിക്കും.

2. 20 മിനുട്ട് മൂന്നു തവണ

ഒന്നിച്ച് ഒരു മണിക്കൂര്‍ വ്യായാമത്തിനായി കിട്ടുന്നില്ലെങ്കില്‍ 20 മിനുട്ട് വെച്ച് മൂന്നു തവണയായി നടക്കാം. മൂന്നു നേരവും ഭക്ഷണത്തിന് ശേഷം 20 മിനുട്ട് നടക്കുന്നത് ദഹനത്തിനും അധിക കൊഴുപ്പ് ശരീരം

വലിച്ചെടുക്കാതിരിക്കുന്നതിനും സഹായിക്കും.

3.കയറ്റങ്ങള്‍ നടന്നു കേറാം

നക്കുന്നതിനിടയിലെ കയറ്റങ്ങള്‍ ഏറെ സഹായിക്കും. നിരപ്പായ റോഡിലൂടെയുള്ള യാത്രയേക്കാള്‍ വ്യായാമത്തിന് നല്ലത് കയറ്റങ്ങളും ഇറക്കങ്ങളുമുള്ള റോഡാണ്.

4. നടപ്പിന് മുമ്പ് ഗ്രീന്‍ ടീ കുടിയ്ക്കാം

നടക്കാനിറങ്ങുന്നതിന് തൊട്ടു മുമ്പ് ഗ്രീന്‍ ടീ കുടിയ്ക്കുന്നത് മെറ്റബോളിസം റേറ്റ് കൂട്ടാന്‍ സഹായിക്കും.

5. വേണം ബ്രേക്കും വേരിയേഷനും

ഒരേ സ്പീഡില്‍ നടക്കുന്നത് ശരീരത്തിന് മടുപ്പുണ്ടാക്കും. വേഗത കൂട്ടുകയും കുറയ്ക്കുകയും ചെയ്യുക. നടപ്പിനിടയില്‍ ഒരു മിനുട്ട് ബ്രേക്ക് എടുക്കുന്നതും നല്ലതാണ്.

6. നടപ്പിലാവാം അല്‍പ്പം മുറകളും

നടപ്പിനിടയില്‍ പുഷ് അപ്പ്, സിറ്റ് അപ്പ്, സ്ട്രെച്ചിങ് മുതലായവയില്‍ ഏതെങ്കിലും ശ്രമിക്കുന്നത് നല്ലതാണ്.

7. വെള്ളം പോരേ

നടപ്പിനിടയില്‍ സോഫ്റ്റ് ഡ്രിങ്കുകളും കാര്‍ബണേറ്റഡ് പാനീയങ്ങളും ഒഴിവാക്കാം. ശുദ്ധ ജലം കുടിയ്ക്കുക. ഡയറ്റ് ഡ്രിങ്കുകളും ഒഴിവാക്കുന്നതാണ് നല്ലത്.

8. പരിശീലിക്കാം സ്മാര്‍ട്ട് വാക്കിങ്

ലിഫ്റ്റുകളും എസ്കലേറ്ററുകളും ഒഴിവാക്കുക, സാധാരണ പാര്‍ക്ക് ചെയ്യുന്നതിലും അല്‍പ്പം ദൂരെ കാര്‍ പാര്‍ക്ക് ചെയ്ത് നടക്കുക തുടങ്ങിയ സൂത്രങ്ങളിലൂടെ നടക്കാനുള്ള സാഹചര്യങ്ങള്‍ വര്‍ദ്ധിപ്പിക്കുക.

9. വെള്ളം കുടിച്ച് വണ്ണം കുറയ്ക്കാം

ദിവസം ഒന്നര ലിറ്റര്‍ വീതം വെള്ളം കുടിച്ചാല്‍ ഒരു വര്‍ഷത്തിനുള്ളില്‍ 17,400 കലോറി കത്തിപ്പോകുമെന്നാണ് പഠനങ്ങള്‍ തെളിയിക്കുന്നത്.

10.സംഗീതത്തിന്‍റെ അകമ്പടിയാവാം
നടപ്പിന് രസം പകരാന്‍ നല്ല പ്ലേ ലിസ്റ്റുകള്‍ക്കാവും. പാട്ട് ആസ്വദിക്കുന്നതിനൊപ്പം ഉന്മേഷത്തോടെ വ്യായാമം ചെയ്യാനും പറ്റും.

10 ways to lose weight by walking:
Burn calories with these low-impact techniques to whittle your waistli