ഇതാ അഞ്ച് പുതുപുത്തൻ സ്മാർട്ട്ഫോണുകൾ!!

വിപണിയിൽ തങ്ങളുടെ നിലയുറപ്പിക്കുക എന്ന ലക്ഷ്യം മുന്നിൽ കണ്ട് ഓരോ വർഷവും പുത്തൻ ഫോണുകളെ പരിചയപ്പെടുത്താനുള്ള കടുത്ത മത്സരങ്ങളാണ് നിർമാതാക്കൾക്കിടയിൽ നടക്കുന്നത്. എല്ലാ വർഷത്തേതും പോലെ ഒരുകൂട്ടം പുത്തൻ സ്മാർട്ട് ഫോണുകളാണ് ഇത്തവണയും വിപണിപ്രവേശനത്തിനായി കാത്തിരിക്കുന്നത്. ഇന്ന് നടക്കുന്ന മൊബൈൽ വേൾഡ് കോൺഗ്രസിലായിരിക്കും (MWC)ഇവയുടെ അവതരണം. ഉപഭോക്താക്കൾക്കായി നിർമാതാക്കൾ കരുതി വച്ചിരിക്കുന്ന സ്മാർട്ട്ഫോണുകളേതൊക്കെ എന്ന് നോക്കാം.

നോക്കിയ5/പി1, നോക്കിയ 3


ടെക് ലോകവും സാമൂഹ്യമാധ്യമങ്ങളും ഒറ്റുനോക്കുന്നൊരു പ്രധാന ലോഞ്ചാണ് നോക്കിയയുടേത്. ഫിന്നിഷ് കമ്പനിയായ എച്ചം എം ഡി ഗ്ലോബൽ നോക്കിയ 5, നോക്കിയ 3 എന്ന പേരിൽ രണ്ടു ആന്‍ഡ്രോയ്ഡ് 7.0 നൂഗട്ട് ഡിവൈസുകളെയാണ് അവതരിപ്പിക്കുന്നത്. എന്നാല്‍ നോക്കിയയുടെ ഫ്ലാഗ്ഷിപ് ഫോണായ നോക്കിയ P1 നെക്കുറിച്ച് കൂടുതൽ വിവരങ്ങൾ ലഭ്യമല്ല. പി1 ൽ സ്നാപ്ഡ്രാഗൻ 835 പ്രോസസർ ഉണ്ടായിരിക്കും എന്നതൊഴിച്ച് കൂടുതൽ വിവരങ്ങളൊന്നും കമ്പനി പുറത്തി വിട്ടിട്ടില്ല. 15,000, 10,000രൂപ നിരക്കിലായിരിക്കും നോക്കിയ 5, നോക്കിയ 3 സ്മാർട്ട്ഫോണുകൾ ലഭ്യമാവുക.

ഹുവായ് പി10


ഹുവായ് ഫ്ലാഗ്ഷിപ്പ് സ്മാർട്ഫോൺ പി10 അവതരണം എംഡബ്ല്യൂസിയിൽ വച്ചുനടക്കുമെന്ന് കമ്പനി ഇതിനകം വ്യക്തമാക്കിയിരുന്നു. ക്യാമറയ്ക്ക് പ്രാധാന്യം നൽകി അവതരിപ്പിക്കുന്ന ഈ സ്മാർട്ഫോണിന്‍റെ ടീസർ കമ്പനി തന്നെ പലതവണകളായി പുറത്തിറക്കിയിരുന്നു. മെച്ചപ്പെടുത്തിയ സവിശേഷതകളടങ്ങിയ ഡ്യുവൽ റിയർ ക്യാമറയാണ് ഈ സ്മാർട്ഫോണിന്‍റെ ഹൈലൈറ്റ്.

എൽജി ജി6


പുതിയ ജി6 സ്മാർട്ട്ഫോണുകൾ അവതരിപ്പിച്ചായിരിക്കും എൽജിയുടെ എംഡബ്ല്യൂസിയിലുള്ള അരങ്ങേറ്റം. മുൻഗാമി ജി5-നേക്കാൾ മികച്ച സവിശേഷതയും പൊടികളേയും വെള്ളത്തേയും പ്രതിരോധിക്കാൻ കഴിവുള്ള ബോഡി മാതൃകയുമാണ് ഫോണിനുള്ളത് എന്നതാണിന്‍റെ പ്രധാന സവിശേഷത.

മോട്ടോ ജി5


മിഡ് റേഞ്ച് സ്മാർട്ട്ഫോൺ ശ്രേണിയിൽ മോട്ടോ ജി5 സ്മാർട്ഫോണുമായാണ് മോട്ടോറോള എത്തുന്നത്. മുൻ മോഡലായ മോട്ടോ ജി5 പ്ലസിനൊപ്പമായിരിക്കും ഈ ഫോണിന്‍റെ അവതരണം. ജി4, ജി4പ്ലസ് മോഡലുകളുടെ ചുവടുപിടിച്ചാണ് ഇരു മോഡലുകളും എത്തുന്നത്.

സാംസങ് ഗ്യാലക്സി ടാബ്


ഗ്യാലക്സി ടാബ് 3 അവതരിപ്പാച്ചാണ് ഈ വർഷം സാംസങ് ഡബ്ല്യൂഎംസിയിൽ അരങ്ങേറുന്നത്. ഇതോടൊപ്പം ഗ്യാലക്സി എസ് 8 സ്മാർട്ട്ഫോണിന്‍റെ അവതരണം നടത്തില്ലെങ്കിലും സവിശേഷതകളും ലോഞ്ച് തീയ്യതിയും വെളിപ്പെടുത്തുമെന്നാണ് കമ്പനി അറിയിച്ചത്.

5 Android smartphones set to launch today

Companies every year launch their best smartphones and keep upgrading them over time to stay ahead in the market.