മദ്യ പ്രേമികളെ സഹായിക്കാനും ഒരു ആപ്ലിക്കേഷൻ

മദ്യലഹരിയിൽ മയങ്ങി നടന്ന് വീട്ടിലെത്താൻ ബുദ്ധിമുട്ടുന്നവര്‍ വിഷമിക്കേണ്ട. ഇനി നിങ്ങളെ സഹായിക്കാൻ വേറാരും എത്തിയില്ലെങ്കിലും മൊബൈലിൽ ഇൻസ്റ്റാൾ ചെയ്താൽ ഈ ആപ്ലിക്കേഷൻ നിങ്ങളെ മടി കൂടാതെ സഹായിക്കും. ജപ്പാനില്‍ നിന്നാണ് മദ്യ പ്രേമികളുടെ മനം കുളിര്‍പ്പിക്കുന്ന ഈ വാര്‍ത്ത വരുന്നത്.

ജപ്പാനില്‍ ‍ഇപ്പോൾ ഈ ആപ്ലിക്കേഷൻ ട്രെന്‍റായി മാറുകയാണ്. വീട്ടിലേക്ക് മടങ്ങാനുള്ള ട്രെയിന്‍ വിവരം കൃത്യമായി ആപ്ലിക്കേഷൻ മദ്യ പ്രേമികളെ അറിയിക്കും. എക്കിസ്‍‍പെര്‍ട്ട് എന്നാണ് മൊബൈൽ ആപ്ലിക്കേഷന്‍റെ പേര്. മദ്യലഹരിയില്‍ മയങ്ങി നടക്കുന്നവര്‍ക്കൊക്കെ വീട്ടിലേക്ക് മടങ്ങാനുള്ള അവസാന ട്രെയിനിനെ കുറിച്ചാണ് ഈ ആപ്ലിക്കേഷൻ വിവരം നല്‍കുക. അവസാന ട്രെയിന്‍ പോകുന്നതിന് അരമണിക്കൂര്‍ മുന്‍പ് തന്നെ ഫോണ്‍ ശബ്ദമുണ്ടാക്കാനാരംഭിക്കും. പോവേണ്ട സ്ഥലവും സമയവും വലിയ അക്ഷരത്തില്‍ തെളിയുകയും ചെയ്യും. വീശൽ തുടങ്ങും മുന്‍പ് ആപ്ലിക്കേഷൻ ഡ്രങ്ക് മോഡിലേക്ക് ആപ്പ് സെറ്റ് ചെയ്യണമെന്ന് മാത്രം.

നിലവില്‍ ജപ്പാനില്‍ മാത്രമാണ് ആപ്ലിക്കേഷന്‍റെ സൗകര്യം ലഭ്യമാവുക. പ്ലേ സ്റ്റോറില്‍ നിന്ന് എളുപ്പം ഞൊടിയിടയില്‍ ഇന്‍സ്റ്റാൾ ചെയ്യാനാകും. ക്രസ്‍‍തുസ് പ്രമാണിച്ച്‌ നടക്കാറുള്ള ഡ്രങ്ക് പാര്‍ട്ടികള്‍ മുന്നില്‍ കണ്ടാണ് നവംബറില്‍ തന്നെ ആപ്ലിക്കേഷൻ പുറത്തിറക്കിയത്. നിലവിൽ ആപ്ലിക്കേഷനിലുള്ള സൗകര്യങ്ങള്‍ കമ്പനി കൂട്ടാനുള്ള പ്രവര്‍ത്തനത്തിലാണിപ്പോൾ.

An application for liquor drinkers

An application invented for found last train time for all Liquer Drinkers at Jappan.