യുഡിഎഫ് കൂടെ കൊണ്ടു നടന്ന് ചതിച്ചുവെന്ന് ജോണി നെല്ലൂർ
യുഡിഎഫ് കൂടെ കൊണ്ടുനടന്നു ചതിച്ചുവെന്ന് കേരള കോൺഗ്രസ് ജേക്കബ് ഗ്രൂപ്പ് വിഭാഗം ചെയർമാൻ ജോണി നെല്ലൂർ.
TNN1 Apr 2016, 9:17 am
യുഡിഎഫ് കൂടെ കൊണ്ടുനടന്നു ചതിച്ചുവെന്ന് കേരള കോൺഗ്രസ് ജേക്കബ് ഗ്രൂപ്പ് വിഭാഗം ചെയർമാൻ ജോണി നെല്ലൂർ. അങ്കമാലി സീറ്റ് സംബന്ധിച്ച്‌ മുഖ്യമന്ത്രി ഉറപ്പ്‌ നല്‍കിയിരുന്നു. എന്നാല്‍ അങ്കമാലി സീറ്റ് നല്‍കില്ലെന്ന്‌ യുഡിഎഫ് കണ്‍വീനര്‍ പി.പി തങ്കച്ചന്‍ നേരിട്ട്‌ അറിയിച്ചെന്നും ജോണി നെല്ലൂര്‍ പറഞ്ഞു.
Samayam Malayalamയുഡിഎഫ് കൂടെ കൊണ്ടു നടന്ന് ചതിച്ചുവെന്ന് ജോണി നെല്ലൂർ
യു.ഡി.എഫ്‌ ക്രൂരമായ വഞ്ചനയാണ്‌ കാണിച്ചത്‌, ലോകം കണ്ട ഏറ്റവും വലിയ ചതിയാണിത്‌, നീതികേട്‌ എന്ന്‌ വാക്ക്‌ പോര എന്നും ജോണി പ്രതികരിച്ചു. ആരോപണങ്ങള്‍ ഉയര്‍ന്ന സമയത്ത്‌ കോണ്‍ഗ്രസിനായി ശബ്‌ദമുയര്‍ത്തിയ പാര്‍ട്ടിയും അതിലെ ഒരു അംഗവുമാണ്‌ താന്‍,രാഷ്ട്ട്രീയ വനവാസം നടത്താൻ താൻ ആഗഹിക്കുന്നില്ലെന്നും അദ്ദേഹം വ്യക്‌തമാക്കി.
കേരള കോണ്‍ഗ്രസ്‌ ജേക്കബ് വിഭാഗത്തിന്‌ പിറവം മാത്രമാണ്‌ നല്‍കിയിരിക്കുന്നത്‌. അങ്കമാലി സീറ്റ് നിഷേധിച്ചതിനെ തുടര്‍ന്ന്‌ പാര്‍ട്ടിയുടെ അടിയന്തര നേതൃയോഗം വൈകുന്നേരം മൂന്ന്‌ മണിക്ക്‌ ചേരുമെന്ന്‌ ജോണി നെല്ലൂര്‍ അറിയിച്ചു. അപമാനിച്ച്‌ പാര്‍ട്ടിയെ തകര്‍ക്കാമെന്ന്‌ കരുതേണ്ടെന്നും അദ്ദേഹം വ്യക്‌തമാക്കി. പാർട്ടി പിളർപ്പിലേക്ക് പോകുന്നതിന്‍റെ മുൻ സൂചനകളാണിതെന്നും സൂചനയുണ്ട്. നെല്ലൂരിന് സീറ്റ് വാഗ്ദാനവുമായി സിപിഎം സമീപിച്ചിട്ടുള്ളതായും അറിയുന്നുണ്ട്.
അതേസമയം അരൂര്‍, ആറ്റിങ്ങള്‍ സീറ്റുകള്‍ ആര്‍.എസ്‌.പിക്ക്‌ നല്‍കാന്‍ കോണ്‍ഗ്രസില്‍ തീരുമാനമായി. ഇക്കാര്യം കോണ്‍ഗ്രസ്‌ നേതാക്കള്‍ ആര്‍.എസ്‌.പിയെ ഫോണിലൂടെ അറിയിച്ചു. ഇന്ന്‌ ചേരുന്ന ആര്‍.എസ്‌.പി നേതൃയോഗം ഇക്കാര്യത്തില്‍ നിലപാട്‌ വ്യക്‌തമാക്കും.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
