പല്ലി ദേഹത്ത് വീഴാറുണ്ടോ.. സൂചനകള്‍ അറിയാം..

ജീവിതത്തിലൊരിക്കലെങ്കിലും പല്ലി ദേഹത്ത് വീഴാത്തയാളുകൾ വളരെ വിരളമായിരിക്കും. തലയിലോ കയ്യിലോ കഴുത്തിലോ എല്ലാം പല്ലി ശരീരത്തിലേക്ക് വീഴാറുണ്ട്. എന്നാൽ ഭാരതീയര്‍ പല്ലിയെ ഒരു ശകുനമായിട്ടാണ് കണക്കാക്കുന്നത്. അതായത് ഇത് ശരീരത്തിൽ വീഴുന്നത് നമ്മുടെ ജീവിതത്തിൽ ചില സൂചനകൾ നൽകുന്നുണ്ടെന്നാണ് ഗൗളീ ശാസ്ത്ര പ്രകാരം പറയുന്നത്. ഭാവിയിലേക്കുള്ള ശുഭ സൂചനകളും അശുഭ സൂചനകളും പല്ലി ദേഹത്ത് വീഴുന്നതിലൂടെ സംവേദനം ചെയ്യാൻ ശ്രമിക്കുന്നുണ്ടെന്നതാണ് ഗൗളീ ശാസ്ത്രത്തിന്റെ അടിത്തറ.

പുരുഷന്മാരുടെ വലതു വശത്തും സ്ത്രീകളുടെ ഇടതു വശത്തും പല്ലി വീഴുന്നത് ശുഭ സൂചനയായിട്ടാണ് പൊതുവിൽ കണക്കാക്കുന്നത്. തിരിച്ചാവുന്നത് അശുഭകരമാണ്. ശരീരത്തിലെ ഓരോ ഭാഗങ്ങളിൽ പല്ലി വീഴുന്നതുമായി ബന്ധപ്പെട്ടുള്ള സൂചനകൾ എന്തൊക്കെയാണെന്ന് നോക്കാം.
വീടിനകത്ത് ചെരുപ്പിടാമോ ?
പുരുഷന്മാരുടെ ദേഹത്ത് പല്ലി വീണാല്‍

പുരുഷന്മാരുടെ തലയുടെ പിന്‍ഭാഗത്ത് പല്ലി വീണാൽ ഉടനെ കുടുംബക്കാരുമായോ മറ്റു സുഹൃത്തുക്കളുമായോ ഒരു തർക്കം ഉണ്ടാവാൻ സാധ്യത ഉണ്ടെന്നാണ് പറയപ്പെടുന്നത്. തലയുടെ മദ്ധ്യഭാഗത്ത് വീഴുന്നത് മാതാവിനോ സഹോദരനോ ഗുരുജനങ്ങള്‍ക്കോ മരണം വരെ സംഭവിക്കുമത്രേ. നെറ്റിയില്‍ പല്ലി വീണാല്‍ അവരുടെ സമ്പത്ത് വർധിക്കുമെന്നും ഭാവിയിൽ വലിയ സമ്പന്നനായിത്തീരുമെന്നും പറയപ്പെടുന്നു. ഇടത് കണ്ണിൽ പല്ലി വാണാൽ ശുഭ വാർത്തകൾ പ്രതീക്ഷിക്കാം. വലത് കണ്ണാണെങ്കിൽ നിങ്ങളുടെ വഴിയിൽ ഒരു തടസമുണ്ടെന്ന് വേണം കരുതാൻ. വലത്തെ കവിളില്‍ പല്ലി വീണാല്‍ ഒരു ദുഖ വാർത്ത കേൾക്കുമെന്നും ഒരു മോശം വാർത്ത കേൾക്കും. ഇടത് ചെവിയിൽ പല്ലി വീണാൽ പണം വരുമെന്നും മേല്‍ ചുണ്ടിലാണെങ്കിൽ ഒരു വഴക്ക് പ്രതീക്ഷിക്കാമെന്നും ഗൗളി ശാസ്ത്രം പറയുന്നു. കീഴ് ചുണ്ടിലാണെങ്കിൽ പണം വരും. രണ്ട് ചുണ്ടുകളിലും ഒരുമിച്ച് പല്ലി വീണാല്‍ നിങ്ങൾ ഒരു മരണ വാർത്ത കേൾക്കാനിടയാകും. തോളിന്റെ ഇടതുവശത്ത് പല്ലി വീണാല്‍ വിജയമുണ്ടാകും. വിരലുകളിലാണെങ്കിൽ പഴയ സുഹ‍‍ൃത്തുക്കളെ കാണാനുള്ള ഭാഗ്യമുണ്ടാകും. പുറം കാലില്‍ പല്ലി വീണാല്‍ ഒരു യാത്രയ്ക്ക് തയ്യാറെടുക്കും എന്നാണ്.
അശോക മരം സൂപ്പറാണ്.. വീട്ടിലില്ലെങ്കില്‍ പെട്ടെന്ന് നട്ടോളൂ..
സ്ത്രീകളുടെ ദേഹത്ത് പല്ലി വീണാല്‍

സ്ത്രീകളുടെ തലയില്‍ പല്ലി വീണാല്‍ മരണഭയമാണ് ഫലം. ഇടത് കണ്ണിലാണെങ്കില്‍ ഭര്‍ത്താവിന്‍റെ സ്നേഹവും പരിചണയും കൂടുമെന്നും വലത് കണ്ണിലാണെങ്കില്‍ മാനസിക സമ്മര്‍ദ്ദം നേരിടേണ്ടിവരുമെന്നും പറയപ്പെടുന്നു. വലത്തെ കവിളില്‍ പല്ലി വീണാല്‍ ജനിക്കാന്‍ പോകുന്നത് ആണ്‍ കുഞ്ഞായിരിക്കുമെന്നുമാണ് വിശ്വാസം. വലത് ചെവിയുടെ മുകളിലോ കൈകളിലോ പല്ലി വീണാല്‍ സ്ത്രീകള്‍ക്ക് സാമ്പത്തിക ലാഭങ്ങള്‍ ഉണ്ടായേക്കാം. സ്ത്രീകളുടെ പുറത്ത് പല്ലി വീണാല്‍ മരണവാര്‍ത്ത കേള്‍ക്കാന്‍ ഇടയായേക്കും.