ചില രാശിക്കാർ പ്രധാനപ്പെട്ട കാര്യങ്ങളിൽ തീരുമാനങ്ങളെടുക്കാൻ ബുദ്ധിമുട്ടുന്ന ദിവസം.ചിലർക്ക് കടബാധ്യതകളിൽ നിന്ന് മുക്തരാവാനും കൂടുതൽ ധന നേട്ടത്തിനും യോഗമുണ്ട്. ഓരോ രാശിക്കാരുടെയും കൂടുതൽ ഫലമറിയാൻ തുടർന്ന് വായിക്കാം.
മേടം (അശ്വതി, ഭരണി, കാർത്തിക ആദ്യ കാൽ ഭാഗം )
ചില പ്രധാനപ്പെട്ട കാര്യങ്ങളിൽ തീരുമാനങ്ങളെടുക്കാൻ ബുദ്ധിമുട്ടുന്ന സാഹചര്യങ്ങൾ ഇന്നുണ്ടാകും. കുടുംബ കാര്യങ്ങളിൽ കൂടുതൽ ശ്രദ്ധ പുലർത്തേണ്ട ദിവസം. വിദ്യാർത്ഥികൾ പഠന സമയത്ത് മറ്റ് പ്രവൃത്തികളിൽ ഏർപ്പെടുന്നത് രക്ഷിതാക്കളുടെ മനോനില തെറ്റിക്കും. ഒരു പ്രധാന യാത്ര ഇന്ന് പദ്ധതിയിൽ ഉണ്ടെങ്കിൽ ആവശ്യമായ രേഖകൾ എല്ലാം കരുതുക. ബിസ്സിനസ് സംബന്ധമായ കാര്യങ്ങളിൽ പുരോഗതിയ്ക്ക് സാധ്യത.
ഇന്ന് ഗണ്യമായൊരു തുക കൈവശം വരുന്നതിനാൽ ഏറെ ആശ്വാസം തോന്നും. നിങ്ങളുടെ സന്തോഷം പ്രിയപ്പെട്ടവരുടെ വേദനകൾ മാറ്റുന്നതിനുള്ള നല്ല ഔഷധമാണ്. ചില കാര്യങ്ങൾ ചെയ്യുമ്പോൾ തികഞ്ഞ ജാഗ്രത പുലർത്തുക.അതിവൈകാരികമായി കാര്യങ്ങളെ സമീപിക്കുന്നത് നിങ്ങളുടെ രക്ത സമ്മർദ്ദ നിലയെ ബാധിച്ചേക്കാമെന്നതിനാൽ ശാന്തമായിരിക്കാൻ ശ്രമിക്കുക. സായാഹ്നത്തിൽ സന്തോഷകരമായ ചിലത് നിങ്ങളെ തേടിയെത്തും. നിങ്ങളുടെ സംശയകരമായ പെരുമാറ്റം മാറ്റി വെക്കുക.
ഇടവം( കാർത്തിക അടുത്ത മുക്കാൽ ഭാഗം, രോഹിണി, മകയിരം ആദ്യ പകുതി )
നഷ്ടസാധ്യതയുള്ള ഇടപാടുകളില് നിന്ന് ഒഴിഞ്ഞു നില്ക്കണം. ഇന്ന് ദീര്ഘ ദൂര യാത്രകള്ക്ക് സാധ്യത. ഇത് മൂലം ശാരീരിക വൈഷമ്യങ്ങള് വരാനിടയുണ്ട്. എല്ലാ തിരക്കുകൾക്കും ഇടയിൽ നിങ്ങൾക്കായി കുറച്ചു സമയം കണ്ടെത്തുക. ഭാവിയിലേക്ക് മികച്ച ചുവടുകൾ വെക്കുന്നതിനായി ഈ സമയം ഉപയോഗപ്പെടുത്തുകയാണെങ്കിൽ നിലവിൽ നിങ്ങളെ അലട്ടുന്ന പ്രശ്നങ്ങൾക്ക് പരിഹാരമാകും. വ്യാപാരികൾക്ക് നല്ല ദിവസം. ജോലി സമ്മർദ്ദങ്ങളിൽ നിന്നു മാറി നിങ്ങൾക്ക് ഇഷ്ടമുള്ള കാര്യങ്ങൾ ചെയ്യാൻ ശ്രമിക്കുക . എല്ലായ്പോഴും ലാഭകരമായ കാര്യങ്ങൾകൊണ്ട് മാത്രം മനസിന് സന്തോഷം ലഭിക്കില്ല. ഇന്ന് തികച്ചും അപ്രതീക്ഷിതമായി നിങ്ങൾക്ക് ഒരു തുക ലഭിക്കും. പുതിയ പദ്ധതികളുമായി ആരെങ്കിലും നിങ്ങളെ സമീപിക്കുമ്പോൾ നിരസിക്കാതിരിക്കുക. ആദ്യ ഘട്ടത്തിൽ നിങ്ങൾക്കത് ലാഭകരമാവില്ലെന്ന് തോന്നുമെങ്കിലും ഉപേക്ഷിക്കാതിരിക്കുക. ചുറ്റും നടക്കുന്ന കാര്യങ്ങളിൽ അനാവശ്യ ഇടപെടലുകൾ നടത്തുന്നത് ദോഷം ചെയ്യും. നിങ്ങളുടേതായ എന്തെങ്കിലും ഇന്ന് ചെയ്യുക.
മിഥുനം (മകയിരം അടുത്ത പകുതി, തിരുവാതിര, പുണർതം ആദ്യ മുക്കാൽ ഭാഗം )
മാനസിക സമാധാനവും സ്ഥിരതയും കൈവരിക്കാനാകും. പങ്കാളിയുടെ സ്നേഹം ആത്മാര്ഥമാണ് എന്ന് ഉറപ്പിക്കാവുന്ന പല സന്ദര്ഭങ്ങളും ഇന്നുണ്ടാകും.നിങ്ങളുടെ ജീവിത സാഹചര്യങ്ങൾ മെച്ചപ്പെടുത്തുന്നതിനായുള്ള ശ്രമങ്ങൾ നടത്തുക. ഇന്ന് കൂടുതൽ ഊർജ്ജം അനുഭവപ്പെടുന്ന സമയത്ത് നിങ്ങളുടെ പദ്ധതികൾ ആവിഷ്കരിക്കുക. നിങ്ങളുടെ സ്വപ്നം യാഥാർഥ്യമാകും. ചുറ്റും നടക്കുന്ന ചില കാര്യങ്ങൾ പ്രചോദനം നൽകിയേക്കാം. ഇത് നല്ല രീതിയിൽ ഉപയോഗപ്പെടുത്തുക. പങ്കാളി നിങ്ങൾക്ക് പൂർണ പിന്തുണ നൽകുന്നതിൽ സന്തോഷം ലഭിക്കും.വൈകുന്നേരങ്ങളിൽ പ്രധാന കാര്യങ്ങളൊന്നും ചെയ്യരുത്. ഭാവി പരിപാടികൾ ആലോചിക്കുന്നതിനായി നിങ്ങൾ അല്പ സമയം ഒറ്റയ്ക്കിരിക്കാൻ ആഗ്രഹിക്കും. ഹൃദയത്തേക്കാൾ ഉപരി നിങ്ങളുടെ ബുദ്ധി പ്രവർത്തിക്കേണ്ട ദിവസമാണിന്ന്. ആരോഗ്യ കാര്യത്തിൽ ശ്രദ്ധ നൽകിക്കൊണ്ട് ഭക്ഷണം ക്രമീകരിക്കുക.
കർക്കിടകം( പുണർതം അടുത്ത കാൽ ഭാഗം, പൂയം, ആയില്യം )
സഹപ്രവർത്തകരുടെയോ പ്രിയപെട്ടവരുടെയോ ആരോഗ്യം പ്രശ്നത്തിലാവുക വഴി നിങ്ങളുടെ കുറെയധികം സമയം നഷ്ടമാകും. ഇത് ഇന്നത്തെ ജോലികൾ പൂർത്തിയാക്കുന്നതിനു തടസമുണ്ടാക്കും. എന്നാൽ ചില ഇഷ്ടാനുഭവങ്ങൾക്ക് സാധ്യത കൂടുതലാണ്.
നിലവിൽ നിങ്ങളുടെ ജീവിതം സമ്മർദ്ദങ്ങളിലൂടെയാണ് കടന്നുപോകുന്നത്. സുഹൃത്തുക്കളോ അതിഥികളോ നിങ്ങളുടെ സായാഹ്നം മനോഹരമാക്കും. ലഹരി ഉത്പന്നങ്ങൾ ഉപയോഗിക്കുന്നവർ ഇന്നതിന്റെ പാർശ്വ ഫലമറിയും. പ്രശ്നങ്ങളിൽ നിന്ന് മാറി നിൽക്കുക. സ്വയം ശപിക്കുന്നത് ഒഴിവാക്കുക. നിങ്ങളുടെ പ്രവൃത്തികൾ സ്നേഹത്താലും അനുകൂല ചിന്താഗതിയിലുമാകണം. മറിച്ച് അത്യാർത്തിയാൽ ആകരുത്. നിങ്ങൾക്ക് പുതുതായൊരു വരുമാന മാർഗ്ഗം തുറക്കപ്പെടും. എന്നാൽ നിങ്ങൾ നിലവിലുള്ള ജോലി ഉപേക്ഷിക്കുന്നത് ഭാവിയിൽ ദോഷം ചെയ്യും. അതിനാൽ എല്ലാ ഉത്തരവാദിത്തങ്ങളും ഒരുമിച്ചു കൊണ്ടുപോകാൻ ശ്രമിക്കുക. ഇന്ന് ആരോഗ്യ കാര്യങ്ങളിൽ അർഹമായ പരിഗണന തന്നെ നൽകുക.
ചിങ്ങം(മകം, പൂരം, ഉത്രം ആദ്യ കാൽ ഭാഗം )
ഗൗരവകരമായ കാര്യങ്ങൾ പങ്കിടുമ്പോൾ സുഹൃത്തിന്റെ തണുപ്പൻ പ്രതികരണം നിങ്ങൾക്ക് അപമാനകരമായി തോന്നാം.
ഇന്ന് സ്വന്തം പണം സുരക്ഷിതമാക്കി വെച്ചുകൊണ്ട് സ്നേഹിതരുടെ കൈവശമുള്ള പണംകൊണ്ട് കാര്യങ്ങൾ നടപ്പാകും. ഔദ്യോഗിക കാര്യങ്ങളിൽ തിടുക്കം കാണിക്കുന്നത് അബദ്ധങ്ങൾക്ക് വഴിവെക്കും. കുറച്ചു സമയം വിശ്രമിക്കുന്നത് മനസിനും ശരീരത്തിനും ഊർജ്ജം നൽകും. അസ്ഥി സംബന്ധമായ ചില പ്രശ്നങ്ങളാൽ ആരോഗ്യ നില മോശമാകും. ഇന്ന് വ്യക്തി ജീവിതത്തിൽ ചില പ്രശ്നങ്ങൾ ഉയർന്നുവന്നേക്കാം. നിങ്ങളുടെ ആത്മീയവും ഭൗതികവുമായ കഴിവുകളെ പരിപോഷിപ്പിക്കുക. ജീവിതത്തെ കുറിച്ചും അതിന്റെ വിവിധ തലങ്ങളെക്കുറിച്ചും ചിന്തിക്കുന്നതിനും വിശകലനം ചെയ്യുന്നതിനുമായി നിങ്ങൾ സമയം ചെലവിടും. പ്രിയപ്പെട്ടവരുമായി നിങ്ങൾ കലഹത്തിലേർപ്പെടാം. ഇത് നിങ്ങളുടെ അതിവൈകാരികതയെ പുറത്തെടുക്കും. അതിനാൽ വാക്കുകൾ സൂക്ഷിച്ചുപയോഗിക്കുക.
കന്നി(ഉത്രം അടുത്ത മുക്കാൽ ഭാഗം, അത്തം, ചിത്തിര ആദ്യ പകുതി )
തിടുക്കപ്പെട്ടുള്ള നിക്ഷേപങ്ങൾ ഇന്ന് നിങ്ങൾക്ക് പ്രയാസമുണ്ടാക്കും. നിരീക്ഷിച്ച ശേഷം മാത്രം പണവുമായി ബന്ധപ്പെട്ട ഇടപാടുകൾ നടത്തുക. ഇന്ന് പ്രധാനപ്പെട്ട കാര്യങ്ങൾ ചർച്ച ചെയ്യുന്നതിനോ പരിഹരിക്കുന്നതിനോ നിങ്ങൾക്കാവില്ല. നിങ്ങളുടെ ഏറെ നാളത്തെ ആരോഗ്യ പ്രശ്നങ്ങൾക്ക് ഇന്ന് ശമനമുണ്ടാകും. പുതിയ സാമ്പത്തിക നിക്ഷേപങ്ങൾ വിജയത്തിലെത്തിക്കും. നിങ്ങൾ മുന്നിട്ടിറങ്ങി നടപ്പാക്കുന്ന എല്ലാ കാര്യങ്ങളും ഇന്ന് അനുകൂലമായി വരും. ജോലി സ്ഥലത്തെ ശത്രുക്കൾ മിത്രങ്ങളായി മാറുന്നതിൽ ആശ്വാസം തോന്നും. തെറ്റിദ്ധാരണകൾ മൂലമുള്ള വഴക്കുകൾക്ക് ഇന്ന് സാധ്യതയേറെയാണ്. നിങ്ങളുടെ പങ്കാളിയെ കാര്യങ്ങൾ ധരിപ്പിക്കുന്നതിനു ക്ഷമയോടെ സംസാരിക്കുക. മാതാവിൽ നിന്നോ മാതൃ കുടുംബത്തിൽ നിന്നോ ധന നേട്ടമുണ്ടാകും. ചില വിഷയങ്ങളിലെ കൃത്യതയില്ലായ്മ നിങ്ങൾക്കും പങ്കാളിക്കുമിടയിൽ പ്രശ്നങ്ങൾ സൃഷ്ടിച്ചേക്കാം.
തുലാം( ചിത്തിര അടുത്ത പകുതി. ചോതി, വിശാഖം ആദ്യ മുക്കാൽ ഭാഗം )
ഇന്ന് ദാന ധർമങ്ങൾ നടത്തുകയും സംഭാവന നൽകുകയും ചെയ്യുന്നത് നിങ്ങൾക്ക് സമാധാനം കൊണ്ടുവരും. നിങ്ങളുടെ സ്വപ്നങ്ങൾ യാഥാർഥ്യമാക്കാൻ പങ്കാളി എല്ലാ വിധ പിന്തുണയും നൽകും. ബന്ധുക്കളുമായി ഒരു വിവാദ വിഷയത്തിന് മേൽ സംസാരിക്കാതിരിക്കാൻ ശ്രദ്ധിക്കണം. പരിശ്രമ ശാലികളായ ആളുകളുമായി പങ്കാളിത്ത പദ്ധതികൾക്ക് തുടക്കം കുറിക്കാൻ നല്ല ദിവസം. നല്ല ആശയങ്ങൾ നിങ്ങൾക്ക് വരുമാനത്തിന്റെ പുതിയ സ്രോതസ്സ് ലഭ്യമാകും. ഇന്ന് ഏതെങ്കിലും വഴിയിലൂടെ അധികധനം ലഭിച്ചതിനാൽ ആശ്വാസം തോന്നും. പങ്കാളിയുടെ മുൻപിൽ നിങ്ങൾ സ്വയം ശരിയെന്നു തർക്കിക്കും. എന്നാൽ വളരെ പക്വമായി നിങ്ങളുടെ വികാര വിക്ഷോപം നിയന്ത്രിക്കാൻ പങ്കാളിക്കാവും. ഇന്ന് പ്രിയപ്പെട്ടവരോടൊപ്പം ചുറ്റുപാടിലേക്കിറങ്ങുക. പ്രകൃതിയുടെ മനോഹാരിത നിങ്ങളുടെ മാനസിക സന്തോഷം വർധിപ്പിച്ചേക്കാം. പ്രധാനപ്പെട്ട ചില കാര്യങ്ങൾ മാറ്റി വെച്ചിട്ടാണെങ്കിൽ പോലും നിങ്ങൾ സമാധാനം കണ്ടെത്തുക.
വൃശ്ചികം(വിശാഖം അടുത്ത കാൽ ഭാഗം, അനിഴം, തൃക്കേട്ട)
ഈ രാശിക്കാരുടെ നയതന്ത്ര രീതികൾ ഇന്ന് അനുമോദിക്കപ്പെടും. സമാധാനമായിരിക്കുക, പ്രധാനപ്പെട്ട ചില കാര്യങ്ങൾ ചെയ്തു തീർക്കാനുണ്ടെങ്കിലും അൽപ സമയം സന്തോഷത്തിനായി മാറ്റി വെക്കുക. നിങ്ങൾ വിശ്വസിക്കുന്ന ഒരാൾ നിങ്ങളെ ഇന്ന് കബളിപ്പിക്കും. ജോലിയിൽ നേട്ടമുണ്ടാകും. കുടുംബത്തിൽ പ്രിയപെട്ടവരെ നിങ്ങൾ പരിഗണിക്കുന്നില്ലെന്ന പരാതി കേൾക്കേണ്ടതായി വരും. എതിർ ലിംഗത്തിലുള്ളവരെ ആകർഷിക്കുന്ന എന്തെങ്കിലും കാര്യങ്ങൾ ഇന്ന് നിങ്ങൾ ചെയ്യും. മുതിർന്നവർക്ക് സന്താനങ്ങളാൽ നേട്ടമുണ്ടാകും. നിങ്ങളുടെ ജോലികൾ പൂർത്തിയാക്കുന്നതിനു അവർ സഹായിക്കും. നിങ്ങൾ ഭാഗ്യത്തിലും വിധിയിലും മാത്രം വിശ്വസിക്കരുത്. പരിശ്രമിക്കുക മാത്രമാണ് വിജയത്തിലേക്കുള്ള വഴിയെന്ന് എല്ലായ്പോഴും ഓർക്കുക . വായ്പകൾ തിരിച്ചു നൽകാനുള്ളവർ പണം കണ്ടെത്താനായി കഷ്ടപ്പെടും.മികച്ച ആരോഗ്യത്തിന് യോഗയും ധ്യാനവും ചെയ്യുക.
ധനു (മൂലം, പൂരാടം, ഉത്രാടം ആദ്യ കാൽ ഭാഗം )
ചുറ്റുമുള്ളവർ ധാരാളം ആവശ്യപ്പെടും. എന്നാൽ ചെയ്യാൻ കഴിയാത്തതൊന്നും വാഗ്ദാനം ചെയ്യരുത്. കൈവശമുള്ള ഭൂമി വിൽക്കുന്നതിന് ചില ധാരണകളിലെത്തും. പ്രിയപ്പെട്ടവരുമായി ചില തർക്കത്തിന് സാധ്യത. അത്തരം സാഹചര്യങ്ങളിൽ മൗനം പാലിക്കുകയാണ് നല്ലത്. മറ്റുള്ളവർക്ക് ആവശ്യമില്ലെങ്കിലും നിങ്ങൾ സമാധാനം ആഗ്രഹിക്കുന്നുവെന്ന് നിങ്ങൾ ഓർക്കുക.
നിങ്ങൾ ബുദ്ധിമാനായ വ്യക്തിയാണെന്ന് ഇന്ന് ഓർക്കുക. നിങ്ങളുടെ ഊർജ്ജവും സർഗ്ഗ ശേഷിയും ഇന്ന് പരമാവധി ഉപയോഗപ്പെടുത്താൻ ശ്രമിക്കുക. മറ്റെല്ലാം മാറ്റിവെച്ചു നിങ്ങൾ പുതിയ ആശയങ്ങൾ കണ്ടെത്തുക. നിങ്ങളുടെ സന്തോഷം വർധിക്കുന്നതിനുള്ള പല വഴികൾ ഇന്ന് തെളിഞ്ഞുവരും. കുടുംബത്തോടൊപ്പം സമയം ചെലവിടുക. വീടിന്റെ അന്തരീക്ഷം മനോഹരമാക്കാൻ ഇത് പ്രധാനമാണ്. പുതിയ ചുമതലകൾ ഏറ്റെടുക്കാനും കാര്യങ്ങൾ ചെയ്യാനുമെല്ലാം നല്ല ദിവസം. മറ്റുള്ളവരെ അന്ധമായി പകർത്തുന്നത് നിങ്ങൾക്ക് നല്ലതാവില്ല. നിങ്ങളുടെ ചുമതലകൾ മറ്റൊരാൾക്ക് കൂടി നൽകുക.
മകരം( ഉത്രാടം അടുത്ത മുക്കാൽ ഭാഗം, തിരുവോണം, അവിട്ടം ആദ്യ പകുതി )
ഇന്ന് ഒരു ബുദ്ധിമാനെ കണ്ടുമുട്ടുന്നതുവഴി നിങ്ങളുടെ പല പ്രയാസങ്ങൾക്കും പ്രതിവിധി ലഭിക്കും. നിങ്ങളുടെ കഴിവുകൾ മറ്റുള്ളവർക്ക് മുൻപിൽ അവതരിപ്പിക്കാൻ കഴിയും. ജോലിയിൽ നല്ല ദിവസം. ഔദ്യോഗിക പുരോഗതിയ്ക്ക് സാധ്യതയുള്ള ദിവസം. വിനോദങ്ങൾക്കായി സമയം ചെലവിടും. ഇന്ന് ചില അടിയന്തര വിഷയങ്ങൾ കൈകാര്യം ചെയ്യേണ്ടതായി വരും. എന്നാൽ നിങ്ങൾക്ക് ഏറെ സമയമെടുത്തു മാത്രമേ നിങ്ങൾക്കത് പരിഹരിക്കാനാവൂ. നിങ്ങളുടെ മനസിലുള്ള ആശങ്കകൾക്കെല്ലാമുള്ള ഉത്തരം കണ്ടെത്താൻ ഇന്ന് ചില വഴികൾ തെളിയും. ചില കാര്യങ്ങൾ നിങ്ങളെ ഏറെ നാളായി അലട്ടുന്നുണ്ട്. ഇത് നിങ്ങളുടെ ഏകാഗ്രതയ്ക്ക് തടസം സൃഷ്ടിക്കും. കുട്ടികളുടെ കഴിവുകളും പെരുമാറ്റ രീതികളും നിങ്ങൾക്ക് ആശ്വാസം പകരും. എന്നാൽ പരിചയക്കാരുമായുള്ള വാക്കുതർക്കം നിങ്ങളുടെ സമനില തെറ്റിച്ചേക്കാം. അതിനാൽ വളരെയധികം ശ്രദ്ധിക്കുക. പ്രിയപ്പെട്ടവരോടൊപ്പം സമയം ചെലവഴിക്കാനും പഴയ കാര്യങ്ങൾ ഓർക്കുവാനും ഇന്ന് സായാഹ്നത്തിൽ സാഹചര്യം ഒരുങ്ങും.
കുംഭം(അവിട്ടം അടുത്ത പകുതി, ചതയം, പൂരൂരുട്ടാതി ആദ്യ മുക്കാൽ ഭാഗം)
സൃഷ്ടിപരമായ കഴിവുകൾ പരിപോഷിപ്പിയ്ക്കാൻ നല്ല ദിവസം. ഭാരിച്ച ചുമതലകൾ മാറ്റി വെച്ച് സന്തോഷമുണ്ടാകുന്ന കാര്യങ്ങൾ ചെയ്യുക. നിങ്ങൾക്ക് ഇന്ന് ആരോടെങ്കിലും അതിയായ അസൂയ തോന്നാം. ഇന്ന് നിങ്ങൾ കാര്യങ്ങളെ സംശയത്തോടെ നോക്കികാണും. ആളുകൾ നിങ്ങളിൽ നിന്ന് കൂടുതൽ പ്രതീക്ഷിക്കുന്നു. ബന്ധങ്ങളിൽ തുടർച്ചയായ പ്രശ്നങ്ങൾ ഉണ്ടെങ്കിൽ വിട്ടുനിൽക്കാൻ ശ്രമിക്കുക. നിങ്ങളുടെ കടങ്ങളിൽ നിന്ന് മുക്തി നേടും. ഇതിനായുള്ള സാമ്പത്തിക ശേഷി നിങ്ങളിന്ന് കൈവരിക്കും. ജോലി സ്ഥലത്ത് നിങ്ങളെ പ്രശ്നത്തിലാക്കാൻ ശ്രമിച്ചവർ ഇന്ന് സ്വയം പ്രശ്നങ്ങളിൽ അകപ്പെടും. നിങ്ങളുടെ പ്രിയപ്പെട്ടവർക്ക് നിങ്ങൾ മാപ്പ് നല്കാതിരിക്കരുത്. അമിത കലോറിയുള്ള ഭക്ഷണം നിങ്ങൾക്ക് ചില പ്രശ്നങ്ങൾ സൃഷിച്ചേക്കാം. അതിനാൽ കൂട്ടമായിരുന്ന് കൊഴുപ്പടങ്ങിയ ഭക്ഷണം കഴിക്കുമ്പോൾ നിയന്ത്രണം വെക്കുക. പങ്കാളി കാരണം നിങ്ങൾക്ക് ചില നഷ്ടങ്ങൾ സംഭവിക്കാം. വിദ്യാർത്ഥികൾ പഠന കാര്യങ്ങൾക്കായി കൂടുതൽ സമയം ചെലവഴിക്കുക.
മീനം(പൂരൂരുട്ടാതി അടുത്ത കാൽ ഭാഗം, ഉത്രട്ടാതി, രേവതി)
ഇന്ന് മറ്റുള്ളവരുടെ സഹായങ്ങളും അല്പം ഉപദേശവും ലഭിച്ചേക്കാം. എന്നാൽ നിങ്ങൾ ഇത് നിരസിക്കാനാണ് സാധ്യത. നിങ്ങളുടെ മര്യാദയില്ലാത്ത പെരുമാറ്റം വലിയ പ്രശ്നങ്ങൾ കൊണ്ടുവരും. അതിവേഗത്തിൽ കാര്യങ്ങൾ മനസിലാക്കാനും തീരുമാനങ്ങളെടുക്കാനുമുള്ള നിങ്ങളുടെ കഴിവ് നല്ലത് തന്നെ. എന്നാൽ ഇന്ന് ചില വിഷയങ്ങളെ സമീപിക്കുമ്പോൾ അമിത ആത്മവിശ്വാസം വിനയാകും. ഇന്ന് പ്രണയ ബന്ധം അതിന്റെ മികച്ച വശം നൽകും. മറ്റുള്ളവരെ വിശ്വസിപ്പിക്കാനുള്ള നിങ്ങളുടെ കഴിവ് മികച്ച നേട്ടങ്ങൾ കൊണ്ടുവരും. മനസികാരോഗ്യത്തിനായി ധ്യാനം ചെയ്യുക.
അശ്രദ്ധമായതും സമയം പാലിക്കാത്തതുമായ ഭക്ഷണ രീതി നിങ്ങൾക്ക് ചില പ്രയാസങ്ങൾ ഉണ്ടാക്കും. കുട്ടികളോടുത്തുള്ള സമയം നിങ്ങൾക്ക് സമാധാനം നൽകും. അവരിലുള്ള നിങ്ങളുടെ പ്രതീക്ഷ ഇന്ന് കൂടുതലാവും. ജീവിതശൈലീ രോഗങ്ങളുള്ളവർ തീർച്ചയായും മരുന്ന് കഴിക്കുന്നതിൽ വിട്ടുവീഴ്ച്ച ചെയ്യാതിരിക്കുക. ആരോഗ്യത്തെ ബാധിച്ചേക്കാം.