Horoscope Today In Malayalam 10th November 2022 Daily Astrology Prediction By Anil Perunna
Horoscope Today, November 10, 2022: ഇവർക്ക് ഇന്ന് ഇഷ്ടഭക്ഷണ യോഗം!
Today Astrology, 10 November 2022: ഇവർക്ക് ഇന്ന് ഇഷ്ട ഭക്ഷണ യോഗമുണ്ട്. പല കാര്യങ്ങളും ഇന്ന് അനുകൂലമാകും. യാത്രയ്ക്കുള്ള തടസ്സം നീങ്ങും. ഓരോരുത്തരുടെയും ഇന്നത്തെ ഫലം അറിയാം.
Samayam Malayalam10 Nov 2022, 6:24 am
Astrology: നിങ്ങളുടെ ഇന്നത്തെ നക്ഷത്രഫലം (Horoscope Today) അറിയാം. പല കൂറുകാർക്കും ഈ ദിവസം അനുകൂലമാണ്. സർവ കാര്യ വിജയം, ധന ലാഭം, യാത്രാഗുണം എന്നിവയൊക്കെ ഫലമാകും. മനസിന് സന്തോഷം നൽകുന്ന വാർത്തകൾ തേടിയെത്തും. എന്നാൽ ചിങ്ങക്കൂറ് ഉൾപ്പടെ ചില രാശിക്കാർക്ക് ധന നഷ്ടം, കാര്യ പരാജയം, യാത്രാക്ലേശം, അലച്ചിൽ തുടങ്ങിയവ ഉണ്ടാകും. ഓരോ നക്ഷത്രക്കാരുടെയും ഇന്നത്തെ ഫലം വിശദമായി പറയുന്നു ശ്രീ അനിൽ പെരുന്ന.
മേടം (അശ്വതി, ഭരണി, കാർത്തിക ¼) -
പൊതുവെ സർവ്വകാര്യവിജയം, മനസ്സിനു സന്തോഷം, സാമ്പത്തിക പുരോഗതി ഇവ കാണുന്നു. സന്ധ്യയ്ക്കുശേഷം ഗുണദോഷ സമ്മിശ്രത. വിദേശത്ത് നിന്ന് ചില നല്ല വാർത്തകൾ ലഭിക്കും. വിദ്യാർത്ഥികൾ പരീക്ഷകളിൽ നല്ല വിജയം കരസ്ഥമാക്കും. യാത്രകൾ സഫലമാകും. രോഗങ്ങൾ മാറും. ഭക്ഷണപ്രിയർക്ക് ഇഷ്ട ഭക്ഷണയോഗം കാണുന്നു.
ഇടവം (കാർത്തിക ¾, രോഹിണി, മകയിരം ½) -
ധനപരമായ നേട്ടങ്ങൾ, ഉദ്ദിഷ്ടകാര്യസിദ്ധി, ബന്ധുസമാഗമം ഇവ ഫലമാകുന്നു. സ്വപ്രയത്നത്താൽ ഉയർച്ച ഉണ്ടാകുന്നതാണ്. വ്യാപാര മേഖലയിൽ പ്രവർത്തിക്കുന്നവർക്ക് ധന ലാഭം ഉണ്ടാകും. കലാകാരന്മാരെ തേടി നല്ല അവസരങ്ങളെത്തും. ദീർഘനാളായി ആഗ്രഹിച്ചിരുന്ന ചില കാര്യങ്ങൾ ഇന്ന് നടക്കാൻ സാധ്യതയുണ്ട്. ദാമ്പത്യത്തിൽ സന്തോഷം നിലനിൽക്കും.
മിഥുനം (മകയിരം ½, തിരുവാതിരം, പുണർതം ¾) -
ഇവർക്ക് ഇന്ന് അത്ര നല്ല ഗുണങ്ങൾ ലഭിക്കുന്ന ദിവസമല്ല. കാര്യപരാജയം, അഭിമാന നഷ്ടങ്ങൾ, അനാരോഗ്യം, യാത്രാക്ലേശം, ഇച്ഛാഭംഗം, മനോമാന്ദ്യം ഇവയൊക്കെ ഫലമാകുന്നതാണ്. പല കാര്യങ്ങൾക്കും തടസ്സം നേരിടും. മുൻകൂട്ടി തീരുമാനിച്ച ചില യാത്രകൾ പലവിധ കാരണങ്ങളാൽ മുടങ്ങാൻ സാധ്യതയുണ്ട്. സാമ്പത്തിക ക്ലേശം അനുഭവപ്പെട്ടേക്കാം.
കർക്കടകം (പുണർതം ¼, പൂയം, ആയില്യം) -
അഭീഷ്ടസിദ്ധി, മനഃസന്തോഷം, സാമ്പത്തിക നേട്ടങ്ങൾ, അംഗീകാരം, പ്രണയസാഫല്യം ഇവ കാണുന്നു. മധ്യാഹ്ന ശേഷം ഗുണദോഷസമ്മിശ്രം. ഉച്ചയ്ക്ക് ശേഷം നേരിയ ആരോഗ്യ പ്രശ്നങ്ങൾ ഉണ്ടായേക്കാം. ബിസിനസിൽ നിന്ന് സാമ്പത്തിക ലാഭം. വിദേശത്ത് പോകാൻ ശ്രമിക്കുന്നവർക്ക് അനുകൂലമായി കാര്യങ്ങൾ നടക്കും. പ്രണയ ജീവിതത്തിൽ സന്തോഷം നിറയും.
ചിങ്ങം (മകം, പൂരം, ഉത്രം ¼) -
കാര്യതടസ്സം, അലച്ചിൽ, സ്വസ്ഥതക്കുറവ്, ധനനഷ്ടങ്ങൾ, രോഗവിഷമതകൾ ഇവ ഫലം. ഔഷധ സേവ ആവശ്യമായി വന്നേക്കാം. ഉച്ചയ്ക്കുശേഷം ഗുണാത്മകമായ മാറ്റങ്ങൾ ഉണ്ടാകുന്നതാണ്. ഉച്ചയ്ക്ക് ശേഷം സാമ്പത്തിക സ്ഥിതി മെച്ചപ്പെടും. വിവാഹകാര്യങ്ങളിൽ തീരുമാനം ഉണ്ടാകാൻ ഇനിയും കാത്തിരിക്കേണ്ടി വരും. സന്താനങ്ങൾക്ക് ചില ആരോഗ്യ പ്രശ്നങ്ങൾ ഉണ്ടാകാനിടയുണ്ട്.
കന്നി (ഉത്രം ¾, അത്തം, ചിത്തിര ½) -
സർവ്വകാര്യവിജയം, സന്തോഷം, യാത്രാസുഖം, ലക്ഷ്യപ്രാപ്തി, ഉന്നതസ്ഥാനലബ്ധി ഇവ കാണുന്നു. സന്ധ്യയ്ക്കുശേഷം ഗുണദോഷ സമ്മിശ്രത. പല കാര്യങ്ങളും പ്രതീക്ഷിച്ചതിനേക്കാൾ എളുപ്പത്തിൽ നടക്കും. മനസ്സിനിണങ്ങിയ ജീവിത പങ്കാളിയെ കണ്ടെത്തുന്നതിൽ വിജയിക്കും. കർമ്മ രംഗത്ത് ഉണ്ടായിരുന്ന പ്രതികൂല സാഹചര്യങ്ങൾ മാറി കാര്യങ്ങൾ മെച്ചപ്പെടും.
തുലാം (ചിത്തിര ½, ചോതി, വിശാഖം ¾) -
സർവ്വകാര്യപ്രതിബന്ധം, ഇച്ഛാഭംഗം, മനോമാന്ദ്യം, അലച്ചിൽ, ഉദരവൈഷമ്യങ്ങൾ ഇവ ഉണ്ടാകും. മധ്യാഹ്നശേഷം മാറ്റം വരുന്നതാണ്. സാമ്പത്തിക പ്രതിസന്ധി ഉണ്ടാകാനിട. യാത്രയിൽ ധന നഷ്ടത്തിന് സാധ്യതയുള്ളതിനാൽ വളരെയധികം സൂക്ഷിക്കണം. ചില ആരോഗ്യ പ്രശ്നങ്ങൾ ഉണ്ടാകാം, അശ്രദ്ധ കാണിക്കരുത്. വിദ്യാർത്ഥികൾ പഠന കാര്യത്തിൽ ശ്രദ്ധക്കുറവ് കാണിക്കരുത്.
വൃശ്ചികം (വിശാഖം ¼, അനിഴം, കേട്ട) -
സകലകാര്യവിജയം, കീർത്തി, ബഹുമതികൾ, സുഹൃദ്സമാഗമം, ധനപരമായ നേട്ടങ്ങൾ ഇവ ഉണ്ടാകുന്നതാണ്. വളരെക്കാലമായി കാണാതിരുന്ന ഒരു സുഹൃത്തിനെ കാണാനിടയാകും. ക്ഷേത്രദർശന ഭാഗ്യം ഉണ്ടാകും. സന്താനങ്ങൾ മൂലം സന്തോഷിക്കാനുള്ള അവസരമുണ്ടാകും. കുടുംബ സമേതം ചില ഉല്ലാസ യാത്രകൾക്ക് തയ്യാറെടുക്കും. പ്രണയ ജീവിതത്തിൽ സമ്മാനങ്ങൾ കൈമാറും.
ധനു (മൂലം, പൂരാടം, ഉത്രാടം ¼) -
സർവ്വകാര്യതടസ്സങ്ങൾ, സ്വസ്ഥതക്കുറവ്, ശിരോരോഗം, അപകടഭീതി, ധനനഷ്ടം ഇവ ഫലം. എന്ത് കാര്യം ചെയ്യാനും ഒരു ഭയം നിലനിൽക്കും. സന്തോഷം ഇല്ലാതാക്കുന്ന ചില വാർത്തകൾ കേൾക്കാനിടയാകും. വിദേശ യാത്രയ്ക്ക് തടസ്സങ്ങൾ നേരിടും. കർമ്മ മേഖലയിൽ പ്രതികൂല സാഹചര്യങ്ങൾ ഉണ്ടാകും. എന്നിരുന്നാലും ജോലി ഉപേക്ഷിക്കുന്നത് ബുദ്ധിപരമായ നീക്കമല്ല.
കാര്യവിജയം, സന്തോഷം, നൂതന സംരംഭങ്ങളുടെ തുടക്കം ഇവ ഉണ്ടാകും. ദീർഘനാളായി ചിന്തിക്കുന്ന കാര്യങ്ങൾ സാധിക്കുന്നതാണ്. പുതിയ ജോലിക്ക് ശ്രമിക്കുന്നവർക്ക് അനുകൂലമായ വിവരങ്ങൾ ലഭിക്കും. വിവാഹ കാര്യത്തിൽ തീരുമാനമാകും. മംഗള കർമ്മത്തിൽ പങ്കെടുക്കും. സന്തോഷം നൽകുന്ന വാർത്തകൾ വിദേശത്ത് നിന്ന് ലഭിക്കും.
പല രീതിയിലുള്ള അസ്വസ്ഥതകൾ ഉണ്ടാകും. രോഗങ്ങൾ വിട്ടുമാറുന്നില്ല എന്ന തോന്നൽ കൂടുതലാകും. കുടുംബകലഹം, മനഃക്ലേശങ്ങൾ, സാമ്പത്തിക നഷ്ടങ്ങൾ ഇവ വന്നു ഭവിക്കും. ബിസിനസിലെ നഷ്ടം കൂടുതൽ പിരിമുറുക്കം ഉണ്ടാക്കാൻ സാധ്യതയുണ്ട്. ദാമ്പത്യ പ്രശ്നങ്ങൾ ഉണ്ടാകാൻ സാധ്യത. വിദ്യാർത്ഥികൾക്ക് പഠന കാര്യങ്ങളിൽ ശ്രദ്ധക്കുറവ് അനുഭവപ്പെടും.
ഇവർക്ക് ഗുണദോഷ സമ്മിശ്രമാണ് ഇന്നത്തെ ദിവസം. ഉദ്ദിഷ്ടകാര്യസിദ്ധി, ധനനഷ്ടങ്ങൾ, ഇച്ഛാഭംഗം, മനോമാന്ദ്യം എന്നീ സമ്മിശ്രഫലങ്ങൾ ഉണ്ടാകും. ദിനമധ്യത്തിനു ശേഷം, ഗുണകരമായ മാറ്റങ്ങൾ ഉണ്ടാകുന്നതാണ്. ചില കാര്യങ്ങൾക്ക് അപ്രതീക്ഷിത തടസ്സം നേരിടും. കച്ചവട രംഗത്ത് ധന നഷ്ടം ഉണ്ടാകാനിടയുണ്ട്. പുതിയ സംരംഭങ്ങൾ തുടങ്ങാൻ അനുകൂല സമയമല്ല.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.