മേടം (അശ്വതി, ഭരണി, കാർത്തിക ¼) -
ശത്രുക്കളുടെ ഗൂഢതന്ത്രങ്ങളെ പരാജയപ്പെടുത്തും. രാഷ്ട്രീയ പ്രവർത്തകർ അപവാദാരോപണങ്ങൾക്ക് വിധേയരാകും. ഗൃഹത്തിൽ അറ്റകുറ്റപ്പണികൾക്കായി പണം ചെലവഴിക്കും. ലാഭകരമായി നടന്നുകൊണ്ടിരുന്ന സംരംഭങ്ങൾക്ക് താത്ക്കാലികമായി മന്ദത അനുഭവപ്പെടും.
ഇടവം (കാർത്തിക ¾, രോഹിണി, മകയിരം ½) -
ദാമ്പത്യസുഖവും മനഃസന്തോഷവും അനുഭവപ്പെടും. വിശേഷവസ്ത്രാഭരണാദികൾ സമ്മാനമായി ലഭിക്കും. കലാരംഗത്ത് പ്രവർത്തിക്കുന്നവർക്ക് പ്രശസ്തിയും അംഗീകാരവും ലഭിക്കും. തൊഴിൽ പരമായി വളരെ അധികം ശ്രദ്ധിക്കുക. സാമ്പത്തിക ഇടപാടുകൾ നടത്തുമ്പോൾ സൂക്ഷിക്കുക. കാർഷികരംഗത്ത് ധനനഷ്ടത്തിന് സാദ്ധ്യത.
മിഥുനം (മകയിരം ½, തിരുവാതിര, പുണർതം ¾) -
ദാമ്പത്യകലഹം ഉണ്ടാകാതെ ശ്രദ്ധിക്കുക. ആരോഗ്യപരമായി ദോഷകാലമാണ്. പല വിഷമഘട്ടങ്ങളിൽ നിന്നും മോചനം ലഭിക്കും. സർക്കാർ ഉദ്യോഗസ്ഥർക്ക് പ്രമോഷനുള്ള ഉത്തരവ് ലഭിക്കും. കുടുംബത്തിൽ സമാധാനവും ഐശ്വര്യവും.
കർക്കടകം (പുണർതം ¼, പൂയം, ആയില്യം) -
രാഷ്ട്രീയരംഗത്ത് പ്രവർത്തിക്കുന്നവർക്ക് സ്ഥാനമാനങ്ങൾ ലഭിക്കും. കരാർ രംഗത്തുള്ളവർക്ക് ജോലി സ്ഥിരപ്പെടാൻ സാദ്ധ്യത. ദാമ്പത്യജീവിതം സന്തോഷപ്രദമായിരിക്കും. നറുക്കെടുപ്പ് മത്സരങ്ങളിൽ വിജയിക്കും.
ചിങ്ങം (മകം, പൂരം, ഉത്രം ¼) -
കർമ്മരംഗത്തെ ബുദ്ധിമുട്ടുകൾക്ക് പരിഹാരം ലഭിക്കും. അപകീർത്തിക്ക് സാദ്ധ്യതയുള്ളതിനാൽ വളരെയധികം ശ്രദ്ധിക്കുക. അദ്ധ്വാനഭാരം വർദ്ധിക്കും. കർമ്മരംഗത്ത് പുതിയ ഉത്തരവാദിത്വങ്ങൾ ഏറ്റെടുക്കേണ്ടി വരും.
കന്നി (ഉത്രം ¾, അത്തം, ചിത്തിര ½) -
അധിക ചെലവുകൾ മുഖേന കടം വാങ്ങേണ്ട സ്ഥിതി ഉണ്ടാകും. മാതാവിന് ശാരീരിക അസുഖം അനുഭവപ്പെടും. ഗൃഹത്തിൽ ബന്ധു സമാഗമം പ്രതീക്ഷിക്കാം. പുതിയ സംരംഭം തുടങ്ങാൻ അനുകൂലമായ സമയമല്ല. വിവാഹത്തിന് കാലതാമസം.
തുലാം (ചിത്തിര ½, ചോതി, വിശാഖം ¾) -
വിദേശത്ത് തൊഴിൽ ചെയ്യുന്നവർക്ക് ശമ്പള കുടിശിക ലഭിക്കാൻ തടസം നേരിടും. ആരോഗ്യകാര്യത്തിൽ കൂടുതൽ ശ്രദ്ധിക്കണം. ഏറേക്കാലമായി അകന്നു കഴിയുന്ന ബന്ധുമിത്രാദികളെ കണ്ടുമുട്ടാൻ അവസരം ലഭിക്കും. സന്താനങ്ങൾക്ക് അംഗീകാരവും പ്രശസ്തിയും ലഭിക്കും.
വൃശ്ചികം (വിശാഖം ¼, അനിഴം, തൃക്കേട്ട) -
ബിസിനസ്സിൽ നിന്ന് പ്രതീക്ഷിക്കുന്നത്ര ലാഭം ലഭിക്കില്ല. കുടുംബത്തിൽ മനഃസമാധാനം നഷ്ടപ്പെടാനിടയുണ്ട്. വിലപ്പെട്ട ഗൃഹോപകരണങ്ങൾ വാങ്ങും. രാഷ്ട്രീയ രംഗത്തു പ്രവർത്തിക്കുന്നവർക്ക് സ്ഥാനലബ്ധി.
ധനു (മൂലം, പൂരാടം, ഉത്രാടം ¼) -
ബിസിനസ്സുകാർ തൊഴിൽ പരമായി മത്സരം നേരിടും. ഉല്ലാസയാത്രകളിൽ പങ്കെടുക്കും. ഈശ്വാരാധീനം ഉള്ളതിനാൽ ആപത്തുകളിൽ നിന്ന് രക്ഷപ്പെടും. സാമൂഹിക സാഹിത്യരംഗത്തുള്ളവർക്ക് അംഗീകാരവും പ്രശസ്തിയും ലഭിക്കും. ദമ്പതികൾ തമ്മിൽ ഐക്യതയോടെ കഴിയും. സഹോദരങ്ങളുമായി തീരുമാനിച്ച് പുതിയ പദ്ധതികൾ ആവിഷ്‌ക്കരിക്കും.
മകരം (ഉത്രാടം ¾, തിരുവോണം, അവിട്ടം ½) -
പലവിധത്തിൽ സാമ്പത്തികനേട്ടം പ്രതീക്ഷിക്കാം. സന്താനങ്ങൾ മുഖേന സന്തോഷം വർദ്ധിക്കും. ആർഭാട വസ്തുക്കൾക്കായി പണം ചെലവിക്കും. സഹോദരസ്ഥാനീയർ ആരോഗ്യകാര്യത്തിൽ കൂടുതൽ ശ്രദ്ധിക്കണം. കുടുംബപരമായി കൂടുതൽ ഉത്തരവാദിത്തങ്ങൾ ഏറ്റെടുക്കേണ്ടതായി വരും. വിദേശത്തുനിന്നും നാട്ടിൽ വരാൻ ആഗ്രഹിക്കുന്നവർക്ക് അതിനുള്ള അവസരം ലഭിക്കും.
കുംഭം (അവിട്ടം ½, ചതയം, പൂരുരുട്ടാതി ¾) -
സാമ്പത്തിക പ്രതിസന്ധി തരണം ചെയ്യാൻ സാധിക്കും. ദമ്പതികൾ തമ്മിൽ സൗന്ദര്യപ്പിണക്കം ഉണ്ടാകും. സന്താനങ്ങൾ മുഖേന മനഃക്ലേശം അനുഭവപ്പെടും. പിതൃഗുണവും ഭാഗ്യപുഷ്ടിയും ഉണ്ടാകും. പുതിയ സംരംഭങ്ങൾ തുടങ്ങാൻ ഉദ്ദേശിക്കുന്നവർക്ക് അനുകൂല സമയം. സർക്കാരിൽ നിന്ന് ലഭിക്കാനുള്ള ആനുകൂല്യങ്ങൾ ലഭിക്കും. ഗൃഹാന്തരീക്ഷം ശോഭനമായിരിക്കും.
മീനം (പൂരുരുട്ടാതി ¼, ഉതൃട്ടാതി, രേവതി) -
ഗൃഹത്തി ബന്ധുസമാഗമം പ്രതീക്ഷിക്കാം. മാതാവിൽ നിന്നും സഹായ സഹകരണം ലഭിക്കും. ഗൃഹനിർമ്മാണത്തിന് തുടക്കം കുറിക്കാൻ ഉദ്ദേശിക്കുന്നവർക്ക് തടസ്സം നേരിടും. സാമ്പത്തികനേട്ടം പ്രതീക്ഷിക്കാം. ഉദ്യോഗസംബന്ധമായി ദൂരയാത്രകൾ വേണ്ടിവരും.