Horoscope Today In Malayalam 28 January 2023 Daily Astrology Prediction By Anil Perunna
Horoscope Today, 28 January 2023: ഈ രാശിക്കാർക്ക് ഇന്ന് നേതൃസ്ഥാനം നഷ്ടപ്പെടാനിടയുണ്ട്
Today Astrology, 28 January 2023: ഇന്നത്തെ നിങ്ങളുടെ ദിവസഫലം. ഇന്ന് നേട്ടം ആർക്കൊക്കെ? ഏതൊക്കെ രാശികാർ ജാഗ്രത പാലിക്കണം?തുടങ്ങിയ ഇന്നത്തെ സമ്പൂർണ്ണ നക്ഷത്രഫലം ശ്രീ അനിൽ പെരുന്ന പറയുന്നു.
Samayam Malayalam28 Jan 2023, 12:30 am
PC: iStock
Astrology: ഇന്നത്തെ നിങ്ങളുടെ നക്ഷത്രഫലം (Horoscope Today): ഈ രാശികളിൽ ജനിച്ചവർക്ക് ഇന്ന് അല്പം പ്രയാസങ്ങൾ നേരിടേണ്ടി വന്നേക്കും. ഇവർക്ക് ഇന്ന് നേതൃസ്ഥാനം നഷ്ടപ്പെടാനിടയുണ്ട്. പുരുഷഷന്മാർ സ്ത്രീകളുമായോ സ്ത്രീകൾ പുരുഷന്മാരുമായോ ഇടപഴകുമ്പോൾ ശ്രദ്ധിക്കുക. അപകീർത്തി കേൾക്കാൻ ഇട വന്നേക്കും. കുടുംബകാര്യങ്ങളിൽ ശ്രദ്ധ കുറയരുത്. സൽക്കർമ്മങ്ങൾ ചെയ്യണം. ഈശ്വരനെ ഭജിക്കുന്നത് കാര്യങ്ങൾ ഗുണകരമാകും. ഇന്നത്തെ എല്ലാ രാശിക്കാരുടെയും സമ്പൂർണ്ണ നക്ഷത്രഫലം ശ്രീ അനിൽ പെരുന്ന പറയുന്നു.
മേടം
മേടം (അശ്വതി, ഭരണി, കാർത്തിക ¼) - ഈ രാശിക്കാർക്ക് ഇന്ന് പൊതുവേ അനുകൂലമായ ദിവസമാണ് കാണുന്നത്. സജ്ജനപ്രീതി ഉണ്ടാകും. ദൈവികാനുഷ്ഠാനങ്ങൾക്ക് പണം ചെലവഴിക്കും. കുടുംബസമാധാനം ഉണ്ടാകും. വരുമാനം വർധിക്കും. പൊതുവേ സന്തോഷകരവും സംതൃപ്തികരവുമായ അനുഭവങ്ങളാൽ അനുഗ്രഹീത ദിവസമായിരിക്കും.
ഇടവം
ഇടവം (കാർത്തിക ¾, രോഹിണി, മകയിരം ½) - ഈ രാശിക്കാർക്ക് ഇന്ന് ഗുണപരമായ നേട്ടങ്ങൾ ഭവിക്കും. വാഹനങ്ങൾ വാങ്ങാൻ സാധിക്കും. സന്താനങ്ങളുടെ യശസ്സ് വർധിക്കും. ബന്ധുജനങ്ങളെക്കൊണ്ട് ഗുണം ഉണ്ടാകും. ദുഃഖങ്ങളും ആശങ്കകളും ഒഴിഞ്ഞ് നിൽക്കും. ഇന്ന് ശാന്തിയും സമാധാനവും സംതൃപ്തിയും അനുഭവിക്കാൻ സാധിക്കും.
മിഥുനം
മിഥുനം (മകയിരം ½, തിരുവാതിര, പുണർതം ¾) - ഈ രാശിക്കാർക്ക് ഇന്ന് നേട്ടങ്ങളുടെ ദിനമായിരിക്കും. വിദേശത്തുള്ളവർക്കു നല്ല സമയമാണ്. നഷ്ടപ്പെട്ടുവെന്ന് കരുതിയ വസ്തുക്കൾ തിരിച്ചുകിട്ടും. കലാകാരന്മാർക്ക് ബഹുമതികൾ, കീർത്തി, അംഗീകാരങ്ങൾ കിട്ടാനിടയുണ്ട്. സന്തോഷകരമായ അനുഭവങ്ങൾ വന്നുഭവിക്കും.
കർക്കടകം
കർക്കടകം (പുണർതം ¼, പൂയം, ആയില്യം) - ഈ രാശിക്കാർക്ക് ഇന്ന് പൊതുവേ ആശ്വാസകരമായ ദിനമായിരിക്കും. വിഘ്നങ്ങളെ തരണം ചെയ്യാൻ സാധിക്കും. ഔഷധസേവ ഗുണം ചെയ്യും. ഉദ്യോഗാർത്ഥികൾക്ക് അഭിമുഖങ്ങളിൽ തൃപ്തികരമായി പങ്കെടുക്കാൻ സാധിക്കും. അതേസമയം ധനവ്യയം നിയന്ത്രിക്കണം.
ചിങ്ങം
ചിങ്ങം (മകം, പൂരം, ഉത്രം ¼) - ഈ രാശിക്കാർക്ക് ഇന്ന് അനുകൂലമായ ദിനമായിരിക്കും. നേത്ര സംബന്ധമായ രോഗങ്ങളാൽ വലയുന്നവർക്ക് ഇന്ന് ആശ്വാസകരമായിരിക്കും. കുടുംബപ്രശ്നങ്ങളെ മറികടക്കാൻ സാധിക്കും. പ്രവർത്തനങ്ങളിലെ മന്ദത മാറും. കർഷകർക്കും കാർഷിക സംബന്ധമായ മേഖലകളിൽ നിൽക്കുന്നവർക്കും ആദായം മോശമാകില്ല.
കന്നി
കന്നി (ഉത്രം ¾, അത്തം, ചിത്തിര ½) - ഇവർക്ക് ഇന്ന് അല്പം പ്രയാസങ്ങൾ നേരിടേണ്ടി വന്നേക്കും. നേതൃസ്ഥാനം നഷ്ടപ്പെടാനിടയുണ്ട്. പുരുഷരുമാർ സ്ത്രീകളുമായോ സ്ത്രീകൾ പുരുഷന്മാരുമായോ ഇടപെഴുകുമ്പോൾ ശ്രദ്ധിക്കുക. അപകീർത്തി കേൾക്കാൻ ഇട വന്നേക്കും. കുടുംബകാര്യങ്ങളിൽ ശ്രദ്ധ കുറയരുത്. സൽക്കർമ്മങ്ങൾ ചെയ്യണം. ഈശ്വരനെ ഭജിക്കുന്നത് കാര്യങ്ങൾ ഗുണകരമാകും.
തുലാം
തുലാം (ചിത്തിര ½, ചോതി, വിശാഖം ¾) - ഈ രാശിയിൽ ജനിച്ചവർക്ക് ഇന്ന് ഗുണദോഷ സമ്മിശ്രഫലമാണ് കാണുന്നത്. പ്രധാനപ്പെട്ട യാത്രകൾക്ക് അവസരം ഉണ്ടാകും. വിദ്യാർത്ഥികൾ പഠിത്തത്തിൽ ശ്രദ്ധിക്കണം. ശത്രുദുരിതങ്ങൾ സംഭവിക്കാൻ ഇടയുണ്ട്. അകാരണമായ ഭീതിയും ആശങ്കയുമുണ്ടാകും. ജാഗ്രതയോടെ പ്രവർത്തിക്കുക.
വൃശ്ചികം
വൃശ്ചികം (വിശാഖം ¼, അനിഴം, തൃക്കേട്ട) - ഇന്ന് രാശിക്കാർക്ക് വളരെ ഭാഗ്യകടാക്ഷമുള്ള ദിനമായിരിക്കും. വഞ്ചനകളിൽ നിന്ന് രക്ഷപ്പെടാൻ സാധിക്കും. യാത്രാവേളയിൽ ശ്രദ്ധിക്കണം. അലർജി സംബന്ധമായ രോഗങ്ങൾ മാറും. ഗുരുജനപ്രീതി ഉണ്ടാകും. എല്ലാ കാര്യങ്ങളിലും അനുകൂലമായ ഒരു ഫലം പ്രതീക്ഷിക്കാം.
ധനു
ധനു (മൂലം, പൂരാടം, ഉത്രാടം ¼) - ഈ രാശിയിലുള്ളവർക്ക് ഇന്ന് ഗുണപരമായ നേട്ടങ്ങൾ അനുഭവിക്കാൻ സാധിക്കും. കലാരംഗത്തുള്ളവർക്ക് അഭിവൃദ്ധിയും കീർത്തിയുമുണ്ടാകും. വിലകൂടിയ വസ്തുക്കൾ സ്വന്തമാക്കും. മനഃസന്തോഷം സംതൃപ്തിയുമുണ്ടാകും. അതേസമയം വാഹനം കൈകാര്യം ചെയ്യുമ്പോൾ ശ്രദ്ധിക്കുക.
മകരം
മകരം (ഉത്രാടം ¾, തിരുവോണം, അവിട്ടം ½) - ഈ രാശിക്കാർക്ക് ഇന്ന് പൊതുവേ ആശ്വാസകരമായിരിക്കും. വിദേശതൊഴിൽ സംബന്ധമായ കാര്യങ്ങളിൽ അനുകൂലമായ തീരുമാനമുണ്ടാകും. രോഗ ദുരിതങ്ങളിൽ നിന്ന് ശമനം നേടും. പൊതുരംഗത്ത് പ്രവർത്തിക്കുന്നവരും രാഷ്ട്രീയക്കാരും ശോഭിക്കും. പണച്ചെലവു കുറയ്ക്കാനും നിയന്ത്രിക്കാനും സാധിക്കും.
കുംഭം
കുംഭം (അവിട്ടം ½, ചതയം, പൂരുരുട്ടാതി ¾) - ഈ രാശിക്കാർക്ക് ഇന്ന് അനുകൂലകരമാണ്. ഹർജികൾ മാനിക്കപ്പെടും. പാരമ്പര്യസ്വത്തുവകകൾ വന്നുചേരാനുള്ള യോഗമുണ്ട. കാർഷികരംഗം വിപുലീകരിക്കാൻ സാധിക്കും. ജനശ്രദ്ധ പിടിച്ചുപറ്റും. പൊതുവേ സന്തോഷകരവും സംതൃപ്തികരവുമായ കാര്യങ്ങൾക്ക് അനുഭവ യോഗമുണ്ട്.
മീനം
മീനം (പൂരുരുട്ടാതി ¼, ഉതൃട്ടാതി, രേവതി) - ഈ രാശിയിൽ ജനിച്ച് വ്യക്തികൾക്ക് ഇന്ന് നേട്ടങ്ങളുണ്ടാകും. സന്തോഷവും സമാധാനവുമുണ്ടാകും. കുടുംബജീവിതം സമാധാനപരമാകും. മറ്റുള്ളവരുടെ ആദരവിന് പാത്രീഭവിക്കും. ഉദ്ദിഷ്ടകാര്യം നേടിയെടുക്കും. തൊഴിൽരംഗത്തു മാറ്റമുണ്ടാകും. സംതൃപ്തികരമായിരിക്കും.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.