മേടം (അശ്വതി, ഭരണി, കാർത്തിക ¼) -
അവിചാരിതമായി ധനലാഭം ഉണ്ടാകും. ശത്രുക്കളിൽ നിന്നും മോചനം ലഭിക്കും. നിശ്ചയിച്ചുറപ്പിച്ചിരുന്ന വിവാഹം ഭഗിയായി നടക്കും. വിദ്യാർത്ഥികൾക്ക് ഉപരിപഠനത്തിന് ഇഷ്ടപ്പെട്ട വിഷയം ലഭിക്കും. പുതിയ ഗൃഹത്തിലേക്ക് മാറിത്താമസിക്കും.
ഇടവം (കാർത്തിക ¾, രോഹിണി, മകയിരം ½) -
ആഘോഷവേളകളിൽ പങ്കെടുക്കും. ചെയ്യുന്ന തൊഴിലിൽ പൂർണമായ തൃപ്തി ഉണ്ടാകില്ല. വിദ്യാർത്ഥികൾ പഠനകാര്യത്തിൽ അലസത പ്രകടമാക്കും. നന്നായി ആലോചിച്ചശേഷം മാത്രം ബിസിനസ്സിൽ തീരുമാനങ്ങൾ കൈക്കൊള്ളണം.
മിഥുനം (മകയിരം ½, തിരുവാതിര, പുണർതം ¾) -
ആരോഗ്യപരമായി ചെറിയ ബുദ്ധിമുട്ടുകൾ അനുഭവപ്പെടും. മാതാവിന് അസുഖങ്ങളുണ്ടാകും. വാഹനം വാങ്ങാൻ ശ്രമിക്കുന്നവർക്ക് അനുകൂല സമയം. വീട്ടമ്മമാർക്ക് ശാരീരിക ക്ലേശം മുഖേന കാര്യങ്ങൾ കൃത്യമായി നിർവഹിക്കാൻ പ്രയാസം അനുഭവപ്പെടും.
കർക്കടകം (പുണർതം ¼, പൂയം, ആയില്യം) -
വളരെ ആലോചിച്ചശേഷം മാത്രം തീരുമാനങ്ങൾ കൈക്കൊള്ളണം. ആദ്ധ്യാത്മിക വിഷയങ്ങളിൽ താത്പര്യം ജനിക്കും. കർമ്മസംബന്ധമായി ദൂരയാത്രകൾ ആവശ്യമായി വരും. ഗൃഹനിർമ്മാണത്തിന് ഏർപ്പെട്ടിരിക്കുന്നവർക്ക് ധാരാളം പാഴ്‌ചെലവുകൾ ഉണ്ടാകും.
ചിങ്ങം (മകം, പൂരം, ഉത്രം ¼) -
സംസാരത്തിൽ നിയന്ത്രണം പാലിക്കണം. കലാ രംഗത്ത് പ്രവർത്തിക്കുന്നവർ അപവാദാരോപണങ്ങൾക്ക് വിധേയരാകും. ഗൃഹനിർമ്മാണ പ്രവർത്തനങ്ങൾക്ക് ഉദ്ദേശിക്കുന്നവർക്ക് തടസ്സങ്ങൾ നേരിടും. വിദേശത്ത് നിന്നും ധനലാഭം പ്രതീക്ഷിക്കാം.
കന്നി (ഉത്രം ¾, അത്തം, ചിത്തിര ½) -
അവിവാഹിതരുടെ വിവാഹകാര്യത്തിൽ തീരുമാനം എടുക്കാൻ തടസ്സം നേരിടും. പെട്ടെന്നു ക്ഷുഭിതരാകുകയും കർക്കശമായി പെരമാറുകയും ചെയ്യും. ഉപരിപഠനത്തിന് ശ്രമിക്കുന്നവർക്ക് ആഗ്രഹിക്കുന്ന വിഷയം ലഭിക്കും. പ്രവർത്തനരംഗം വിപുലമാക്കുന്നതിലൂടെ മനസിന് സന്തോഷം ലഭിക്കും.
തുലാം (ചിത്തിര ½, ചോതി, വിശാഖം ¾) -
മാനസിക പ്രയാസങ്ങൾക്ക് ആശ്വാസം കണ്ടെത്തും. ബന്ധുക്കളുടെ സഹകരണം മുഖേന ഏർപ്പെടുന്ന കാര്യങ്ങളിൽ വിജയം കൈവരിക്കും. ആഘോഷവേളകളിൽ പങ്കെടുക്കും. വിലപിടിപ്പുള്ള ഗൃഹോപകരണങ്ങൾക്കായി പണം ചെലവഴിക്കും.
വൃശ്ചികം (വിശാഖം ¼, അനിഴം, തൃക്കേട്ട) -
സുഹൃത്തുക്കളിൽ നിന്നും തക്ക സമയത്ത് സഹായസഹകരണങ്ങൾ ലഭിക്കും. തൊഴിൽ രഹിതർക്ക് ആശ്വാസകരമായ സന്ദേശം ലഭിക്കും. മാനസിക സംഘർഷങ്ങൾക്കുള്ള സാഹചര്യങ്ങൾ കൂടും. പല കാര്യങ്ങളിലും മദ്ധ്യസ്ഥത വഹിക്കാനിട വരും. സഹോദരങ്ങളിൽ നിന്നും മനഃക്ലേശത്തിന് സാദ്ധ്യത.
ധനു (മൂലം, പൂരാടം, ഉത്രാടം ¼) -
ഏർപ്പെടുന്ന കാര്യങ്ങളിൽ പ്രതീക്ഷിക്കുന്നതിലുമധികം ധനച്ചെലവുണ്ടാകും. മേലധികാരികളിൽ നിന്നും മനസിനെ വിഷമപ്പെടുത്തുന്ന വാക്കുകൾ കേൾക്കും. ഓഹരി വിപണിയിലും ഊഹക്കച്ചവടത്തിലും ഇടപെടാതിരിക്കുവാൻ ശ്രദ്ധിക്കണം.
മകരം (ഉത്രാടം ¾, തിരുവോണം, അവിട്ടം ½) -
സംസാരം മുഖേന ശത്രുക്കൾ സാദ്ധ്യതയുള്ളതിനാൽ നിയന്ത്രണം പാലിക്കണം. സഹോദരസ്ഥാനീയർക്ക് അനാരോഗ്യം. ആരോഗ്യപരമായി നല്ല കാലം. ഗൃഹസംബന്ധമായി അസ്വസ്ഥതകൾ മാറിക്കിട്ടും. ബന്ധുജനങ്ങളുമായി അഭിപ്രായവ്യത്യാസമുണ്ടാകും. സന്താനങ്ങളാൽ മനഃസന്തോഷം ലഭിക്കും. പലവിധത്തിൽ സാമ്പത്തികനേട്ടം ഉണ്ടാകും.
കുംഭം (അവിട്ടം ½, ചതയം, പൂരുരുട്ടാതി ¾) -
തൊഴിൽ പരമായി വളരെയധികം ശ്രദ്ധിക്കണം. സ്വന്തം കാര്യങ്ങൾ ബുദ്ധിപൂർവ്വം കൈകാര്യം ചെയ്യും. പുണ്യസ്ഥലങ്ങൾ സന്ദർശിക്കാനിടവരും. അന്യരുടെ കാര്യത്തെക്കുറിച്ച് അറിയാൻ ജിജ്ഞാസ വർദ്ധിക്കും. പൊതുപ്രവർത്തകർക്ക് സമൂഹത്തിൽ മാന്യത നേടാനുള്ള അവസരം ലഭിക്കും.
മീനം (പൂരുരുട്ടാതി ¼, ഉതൃട്ടാതി, രേവതി) -
ഡോക്ടർമാർക്ക് സാമ്പത്തികനേട്ടം പ്രതീക്ഷിക്കാം. പൂർവികസ്വത്തിൽ നിന്നും സാമ്പത്തിക നേട്ടം പ്രതീക്ഷിക്കാം. ബിസിനസ് മുഖേന ഉണ്ടായ സാമ്പത്തിക ബുദ്ധിമുട്ടുകളെ തരണം ചെയ്യാൻ സാധിക്കും. പൊതുരംഗത്ത് വൈദദ്ധ്യം പ്രദർശിപ്പിക്കും.