ജോലിഭാഗ്യത്തിനായി ഗുരുവായൂരിൽ ഈ വഴിപാട്

ഗുരുവായൂർ കണ്ണൻ, കൃഷ്ണൻ, ഗുരുവായൂരപ്പൻ നമുക്കേവർക്കും പ്രിയപ്പെട്ടതാണ്. പേരു കേട്ട ഈ ക്ഷേത്രത്തിൽ പല വഴിപാടുകളുമുണ്ട്. ഫലപ്രാപ്തിയ്ക്കായി ഈ വഴിപാടുകൾ നടത്തുന്നത് ഗുണം നൽകും. പല വഴിപാടുകൾക്കും പല ഫലപ്രാപ്തിയുമുണ്ട്. നേർച്ച രൂപത്തിലും കാര്യസാധ്യത്തിനായുമെല്ലാം പല വഴിപാടുകളും ഇവിടെ നടത്താറുണ്ട്. ഗുരുവായൂർ ക്ഷേത്രത്തിൽ നടത്തുന്ന ചില പ്രത്യേക വഴിപാടുകളും ഇവയുടെ കാര്യപ്രാപ്തിയും എന്തെന്നറിയാം.

തൊഴിൽ തടസം മാറാൻ

ഉദരസംബന്ധമായ പ്രശ്‌നങ്ങൾ മാറാൻ നിവേദ്യം കൊണ്ട് തുലാഭാരം നടത്തുന്നത് നല്ലതാണ്. ഇത് ഇത്തരം അസുഖങ്ങൾ മാറാൻ സഹായിക്കുമെന്നാണ് വിശ്വാസം. തൊഴിൽ തടസങ്ങൾ നീങ്ങാൻ ഗുരുവായൂരപ്പന് ചെയ്യുന്ന വഴിപാട് കൃഷ്ണനാട്ടമാണ്. ഇതുപോലെ അഹസ് ചെയ്യുന്നതും നല്ലതാണ്. ഇതും തൊഴിൽ തടസം മാറാൻ നല്ലതാണ്. കുട്ടികളുടെ അസുഖം, അലസതകൾ മാറാൻ ബാലരക്ഷാ ശ്ലോകം ചൊല്ലി നമസ്‌കരിയ്ക്കാം. ഇതല്ലെങ്കിൽ നാമജപബുക്കിൽ ഇതെഴുതി ശ്രീകൃഷ്ണ ക്ഷേത്രത്തിലോ ഗുരുവായൂർ ക്ഷേത്രത്തിലെ ഭണ്ഡാരത്തിലോ സമർപ്പിയ്ക്കാം.

അഹസ് വഴിപാട്

അഹസ് വഴിപാട് പ്രധാനമാണ്. ഇതിന് 3000 രൂപയോളം വരും. ഇത് മുൻപേ ബുക്ക് ചെയ്യേണ്ടി വരും. ഇത് നടത്തുന്നതിലൂടെ ഒരു ദിവസത്തെ മുഴുവൻ വഴിപാടിന് തുല്യമമെന്ന് പറയും. ഇത് തൊഴിൽ തടസം നീങ്ങാൻ നല്ലതാണ്. ഇത് നടത്തുന്നതിലൂടെ അപ്പം, പായസം, അട, കളഭം, ആടിയ എണ്ണ, തിരുമുടിമാല, ത്രിമധുരം എന്നിവ ലഭിയ്ക്കും. അപ്പം, അട എന്നിവ രാത്രിയിലേ ലഭിയ്ക്കൂ. കൃഷ്ണനാട്ടവും അഹസുമാണ് തൊഴിൽ തടസത്തിന് പ്രധാനപ്പെട്ട വഴിപാട്.
Also read: 27 നക്ഷത്രക്കാരുടേയും വിവാഹയോഗം എത്ര വയസിൽ, അറിയാം

രോഗശാന്തിക്ക്

ഹരേരാമ, ഹരേ കൃഷ്ണ നാമം മതിയാകും. വിട്ടുമാറാത്ത പനിയും മറ്റുമുള്ളവരെങ്കിൽ ആൾരൂപസമർപ്പണം നല്ലതാണ്. ഇത് കയ്യിൽ പിടിച്ച് ആഗ്രഹസാധ്യത്തിനായി, രോഗശാന്തിക്കായി സമർപ്പിയ്ക്കാം. രോഗശാന്തിയ്ക്ക് ഇതേറെ നല്ലതാണ്. വാതരോഗവുമായി ബന്ധപ്പെട്ട് ആടിയ എണ്ണ പ്രസാദ കൗണ്ടറിൽ ലഭിയ്ക്കും. ഇത് വാങ്ങി പുരട്ടാം. വേദനകൾക്കും ഇതേറെ നല്ലതാണ്. കളഭം ചാർത്തലും ഏറെ നല്ലതാണ്.