ഇക്കാര്യങ്ങള്‍ ചൊവ്വാഴ്ച ചെയ്യരുത്, ശ്രദ്ധിക്കുക!

ചൊവ്വാഴ്ച ചെയ്യുന്ന ചില പ്രവര്‍ത്തികള്‍ നിങ്ങളുടെ ജീവിതത്തിൽ മോശം സംഭവങ്ങൾക്ക് കാരണമാകുമെന്ന് ജ്യോതിഷം പറയുന്നു. ഇവ നിങ്ങളുടെ സമാധാനം തകര്‍ക്കുമെന്നും ആരോഗ്യ പ്രശ്നങ്ങള്‍ ഉണ്ടാക്കുമെന്നും പറയപ്പെടുന്നു. ഇത്തരം കാര്യങ്ങൾ ചുവടെചേര്‍ക്കുന്നു.

Read More: ഈ എട്ട് വസ്തുക്കള്‍ ശനിയാഴ്ച വാങ്ങരുത്!

ചൊവ്വാഴ്ച ഉഴുന്ന് ഉപയോഗിച്ചുള്ള ഭക്ഷണപദാര്‍ത്ഥങ്ങള്‍ കഴിക്കാതിരിക്കുന്നതാണ് ഉത്തമം. ഇത് ശനിദോഷത്തിന് കാരണമാകുമെന്നാണ് വിശ്വാസം. നിങ്ങൾക്ക് ദോഷമായി ഭവിക്കുമെന്നും ജ്യോതിഷം പറയുന്നു.

ഈ ദിവസം നഖം, മുടി എന്നിവ വെട്ടുന്നത് ഒഴിവാക്കണമെന്നും പറയപ്പെടുന്നു. നിങ്ങളുടെ ഭാഗ്യത്തെ ഇത് നശിപ്പിക്കും. ഇതോടൊപ്പം വൻ വെല്ലുവിളികള്‍ നിങ്ങളെ തേടിയെത്തുമെന്നും ജ്യോതിഷം പറയുന്നു. കൂടാതെ, പ്രായത്തിൽ മൂത്ത സഹോദരനുമായി തര്‍ക്കം ഉണ്ടായേക്കാം. ചൊവ്വാഴ്ച മുടി വെട്ടിയാൽ നിങ്ങളുടെ ആയുസിൻ്റെ എട്ട് മാസം കുറയുമെന്നുമുള്ള വിശ്വാസവും നിലനിൽക്കുന്നുണ്ട്.

Read More: നിങ്ങളുടെ കൈയ്യിൽ ഈ രേഖയുണ്ടോ? എന്നാൽ പ്രണയവിവാഹം ഉറപ്പ്

നിങ്ങള്‍ ഈ ദിവസം ഏതെങ്കിലും ആവശ്യങ്ങള്‍ക്ക് ഭൂമി കുഴിക്കുന്നത് ഉത്തമമല്ല. ഇത് ചൊവ്വാ ദോഷത്തിന് കാരണമാകുമെന്നും പറയപ്പെടുന്നു. ഈ ദിവസം ദുര്‍ഗ, ലക്ഷ്മി എന്നി ദേവതകളെ സ്തുതിച്ചാൽ വേഗത്തിൽ ഫലം സിദ്ധി ഉണ്ടാകുമെന്നാണ് വിശ്വാസം. ചൊവ്വാഴ്ച പണമിടപാടുകള്‍ നടത്താതിരിക്കാനും ശ്രദ്ധിക്കുക. ഇത് ലക്ഷ്മി ദേവിയുടെ കടാക്ഷം ഇല്ലാതാക്കും. വീട് വൃത്തിയാക്കുന്നതിന് ഈ ദിനം അനുയോജ്യമല്ലെന്നും പറയപ്പെടുന്നു. വീട്ടിലെ വസ്തുക്കള്‍ കൈമാറുന്നത് ഒഴിവാക്കുക. ഇത് നിങ്ങളുടെ ഐശ്വര്യത്തെ കൈമാറുന്നതിന് തുല്യമാണെന്നാണ് സങ്കൽപ്പം. ചൊവ്വാഴ്ച ദിവസം കുടുംബത്തിൽ നിന്ന് മാറിതാമസിക്കരുതെന്നും പറയപ്പെടുന്നുണ്ട്.

Read More: 2019 ഓഗസ്റ്റ് 4–10: സമ്പൂ‍ര്‍ണ വാരഫലം അറിയാം

Disclaimer: ജ്യോതിഷം പ്രമേയമായി ഈ പേജില്‍ പ്രസിദ്ധീകരിക്കുന്ന ലേഖനങ്ങള്‍ വിശ്വാസവുമായി മാത്രം ബന്ധം പുലര്‍ത്തുന്നതാണ്. ഇവയ്‍ക്ക് ശാസ്ത്രീയമായ സാധുതയുണ്ടോ എന്നത് തര്‍ക്കവിധേയമാണ്. സ്വന്തം തീരുമാനങ്ങളുടെ പുറത്ത് മാത്രം ഈ വിവരങ്ങള്‍ പിന്‍തുടരുക. പ്രാദേശികമായി പ്രചാരമുള്ള വിവരങ്ങള്‍ പ്രസിദ്ധപ്പെടുത്തുന്നു എന്നതിനപ്പുറം സമയം മലയാളം ഏതെങ്കിലും തരത്തില്‍ ഈ വിവരങ്ങള്‍ സാക്ഷ്യപ്പെടുത്തുന്നില്ല.