Today Nakshatra: ഇന്ന് തിരുവോണം നക്ഷത്രം; പ്രത്യേകതകള്‍, പ്രധാന വിവരങ്ങൾ‍, അറിയേണ്ടതെല്ലാം

മകരം രാശിയിൽ ഉള്‍പ്പെടുന്ന നക്ഷത്രമാണ് തിരുവോണം. ഈ നക്ഷത്രം ദേവഗണമാണ്. മകരം നക്ഷത്രത്തിൽ ജനിച്ചവര്‍ക്ക് ഉയര്‍ന്ന പദവിയിൽ ഉദ്യോഗം ലഭിക്കുമെന്ന് ജ്യോതിഷം പറയുന്നു. എല്ലാകാര്യങ്ങളും വിശദമായി ചിന്തിച്ചശേഷം മാത്രമേ ഇവര്‍ പ്രാവര്‍ത്തികമാക്കുകയുള്ളൂ.
പൊതുവേ ഇവര്‍ക്ക് ധൈര്യം കുറച്ച് കുറവുണ്ട്.

മറ്റുള്ളവര്‍ ഉപദേശിക്കുന്നത് ഇവരെ ചൊടിപ്പിക്കും. സ്വന്തം രീതിയിലുള്ള പ്രവര്‍ത്തിയിലൂടെയാണ് ഇവര്‍ ലക്ഷ്യത്തിൽ എത്തിച്ചേരുന്നത്. ഇവരിൽ നേരിയ തോതിൽ അപകര്‍ഷതാബോധം ഉണ്ടാകും. ഇത് മറച്ചുവയ്ക്കാൻ ശ്രമിക്കും. നിങ്ങളുടെ കുടുംബത്തിൽ നിന്ന് മാറി താമസിക്കാൻ സാധ്യതയുണ്ട്. ഉദ്യോഗത്തിൽ കഠിനാധ്വാനം ചെയ്ത് നേട്ടങ്ങള്‍ കൊയ്യും. എല്ലാവരുടെയും രഹസ്യങ്ങള്‍ കണ്ടുപിടിക്കാൻ ഇവര്‍ മിടുക്കന്മാരാണ്.

ഇന്നത്തെ രാശിഫലം: കന്നി രാശിക്കാരുടെ സമ്പത്തിൽ വർധന!

നല്ല സംഭാഷണരീതി ഇവരുടെ മുഖമുദ്രയാണ്. അനേകം സുഹൃത്തുക്കൾ തിരുവോണം നക്ഷത്രക്കാർക്ക് ഉണ്ടാകും. ഇവരുടെ സഹായങ്ങൾ നിങ്ങൾക്ക് പലപ്പോഴും ആശ്വാസകരമാകും. ഏത് കഠിനമായ പ്രതിസന്ധികളെയും അതിജീവിക്കാൻ തിരുവോണം നക്ഷത്രക്കാർക്ക് സാധിക്കും. വിദ്യാഭ്യാസത്തിൽ മികവ് തെളിയിക്കും. ഉപരിപഠനത്തിനായി വിദേശത്ത് പോകാനുള്ള യോഗവും കാണുന്നുണ്ട്.

ഈ നക്ഷത്രത്തിൽ ജനിച്ച സ്ത്രീകള്‍ക്ക് ദാമ്പത്യജീവിതം അത്ര സുഖകരമാകില്ല. ഭര്‍ത്താവില്‍ നിന്നോ അല്ലെങ്കില്‍ ഭര്‍ത്താവിന്‍റെ വീട്ടുകാരില്‍ നിന്നോ പ്രശ്നങ്ങള്‍ നേരിട്ടേക്കാം. ഭര്‍തൃഗൃഹത്തിൽ നിന്ന് മാറിതാമസിക്കാനുള്ള സാധ്യത വരെ കാണുന്നുണ്ട്. സ്ത്രീകള്‍ നല്ല ചിന്തകള്‍ മനസിൽ സൂക്ഷിക്കുക. നിങ്ങളുടെ വിവാഹപ്പൊരുത്തം ഉത്തമമായിരിക്കണം. മുടങ്ങാതെ ഈശ്വരഭജനം നടത്തുക.


തിരുവോണം - ചില പ്രധാന വിവരങ്ങൾ

2019 സെപ്റ്റംബര്‍ 8–14: സമ്പൂര്‍ണ വാരഫലം അറിയാം

ദോഷപരിഹാരം


തിരുവോണം നക്ഷത്രത്തിൽ ജനിച്ചവര്‍ രാഹു, ശനി, കേതു ദശകളില്‍ ദോഷപരിഹാരം ചെയ്യണം. നിങ്ങള്‍ തിരുവോണവും തിങ്കളാഴ്ചയും ഒത്തുവരുന്ന ദിവസം ദുര്‍ഗ്ഗാക്ഷേത്രദര്‍ശനം നടത്തുക. കൂടാതെ, അനുജന്മനക്ഷത്രങ്ങളായ അത്തം, രോഹിണി എന്നിവയിലും ക്ഷേത്രദര്‍ശനം നടത്തുക. തിങ്കളാഴ്ചവ്രതം, സ്വയംവര പുഷ്പാഞ്ജലി എന്നിവ നടത്തുന്നത് അത്യുത്തമമാണ്. തിരുവാതിര നക്ഷത്രവുമായി വിവാഹം പാടില്ല.

വീട്ടിൽ ഇങ്ങനെ ചിത്രങ്ങള്‍ സൂക്ഷിച്ചോളൂ; ഫലം അതിവേഗത്തിൽ തേടിയെത്തും


Disclaimer: ജ്യോതിഷം പ്രമേയമായി ഈ പേജില്‍ പ്രസിദ്ധീകരിക്കുന്ന ലേഖനങ്ങള്‍ വിശ്വാസവുമായി മാത്രം ബന്ധം പുലര്‍ത്തുന്നതാണ്. ഇവയ്‍ക്ക് ശാസ്ത്രീയമായ സാധുതയുണ്ടോ എന്നത് തര്‍ക്കവിധേയമാണ്. സ്വന്തം തീരുമാനങ്ങളുടെ പുറത്ത് മാത്രം ഈ വിവരങ്ങള്‍ പിന്‍തുടരുക. പ്രാദേശികമായി പ്രചാരമുള്ള വിവരങ്ങള്‍ പ്രസിദ്ധപ്പെടുത്തുന്നു എന്നതിനപ്പുറം സമയം മലയാളം ഏതെങ്കിലും തരത്തില്‍ ഈ വിവരങ്ങള്‍ സാക്ഷ്യപ്പെടുത്തുന്നില്ല.