Everything You Need To Know About 19th September 2019 Karthika Nakshatra In Malayalam
Today Nakshatra: കാര്‍ത്തിക നക്ഷത്രം; പ്രത്യേകതകള്‍, പ്രധാന വിവരങ്ങൾ, അറിയേണ്ടതെല്ലാം
കാർത്തിക നക്ഷത്രത്തിൽ ജനിച്ചവർ ആഗ്രഹങ്ങൾ മനസിൽ സൂക്ഷിച്ചുവയ്ക്കുന്നവരാണ്. ഇവർ ഏറ്റെടുക്കുന്ന പ്രവർത്തികളിൽ വൻ വിജയം കൈവരിക്കും. അലസത ഇവരെ ചിലപ്പോൾ അലട്ടും.
Samayam Malayalam20 Sept 2019, 10:44 am
മേടം രാശിയിൽ ഉള്‍പ്പെടുന്ന നക്ഷത്രമാണ് കാര്‍ത്തിക. ഈ നക്ഷത്രത്തിൽ ജനിച്ചവര്‍ എല്ലാ ആളുകളുമായും വേഗത്തിൽ പരിചയപ്പെടും. ഇവര്‍ സന്തോഷ പ്രിയരും സൽക്കാരപ്രിയരുമായിരിക്കും. പൊതുവേ ഈ നക്ഷത്രക്കാര്‍ അലസത, മന്ദിപ്പ് തുടങ്ങിയവ പ്രകടിപ്പിക്കും. മറ്റുള്ളവരുടെ നിര്‍ബന്ധ പ്രകാരം മാത്രമേ ഇവര്‍ പ്രവര്‍ത്തിക്കാൻ തയ്യാറാകുകയുള്ളൂ.
കാര്‍ത്തിക നക്ഷത്രക്കാര്‍ കീര്‍ത്തി കേള്‍ക്കുമെന്നാണ് വയ്‍പ്. ഒരുപാട് ആഗ്രഹങ്ങള്‍ മനസിൽ വച്ചു സൂക്ഷിക്കുന്നവരാണ് കാര്‍ത്തിക നക്ഷത്രക്കാര്‍. എന്നാൽ ഇത് പുറത്തുകാണിക്കില്ല. ഇവര്‍ വളരെയധികം ഉത്തരവാദിത്തങ്ങള്‍ ഏറ്റെടുക്കുകയും അവയിൽ വിജയം കൈവരിക്കുകയും ചെയ്യും. ഈ നക്ഷത്രക്കാര്‍ ആഡംബര ജീവിതം നയിക്കാൻ ആഗ്രഹിക്കുന്നവരാണ്. കാര്‍ത്തികക്കാര്‍ക്ക് എടുത്തുചാട്ടം ഉണ്ടാകില്ല.
കാര്‍ത്തിക നക്ഷത്രക്കാരുടെ ആരോഗ്യം വളരെ മെച്ചപ്പെട്ടതായിരിക്കും. ഏതു പ്രവര്‍ത്തിയും ആത്മാര്‍ത്ഥതയോടുകൂടി മാത്രമാണ് ഇവര്‍ ചെയ്യുന്നത്. ഇത് കാരണം ശത്രുക്കള്‍ ഉണ്ടാകാൻ സാധ്യതയുണ്ട്. എല്ലാ സാഹചര്യങ്ങളിലും ജീവിക്കാൻ ഈ നക്ഷത്രക്കാര്‍ക്ക് സാധിക്കും. മറ്റുള്ളവര്‍ തങ്ങളുടെ കാര്യങ്ങളിൽ ഇടപെടുന്നത് ഇവര്‍ക്ക് ഇഷ്ടം ഉണ്ടാകില്ല. ദാമ്പത്യത്തിൽ പങ്കാളിയോടും കുട്ടികളോടും വളരെ സ്നേഹം ഉള്ളവരാണ്. സാമ്പത്തിക സ്ഥിതി ഉയര്‍ന്നതാണെങ്കിലും പിശുക്ക് ഇവരുടെ സന്തത സഹചാരിയാണ്. ഈ നക്ഷത്രക്കാരുടെ സ്വഭാവത്തിൽ മറ്റുള്ളവര്‍ ആകൃഷ്ടരാകും. ജീവിതത്തിൽ വലിയ ലക്ഷ്യങ്ങള്‍ ഇവര്‍ക്ക് ഉണ്ടാകില്ല. അന്നന്നത്തെ പ്രവര്‍ത്തികള്‍ ചെയ്ത് ജീവിതം നയിക്കാനാണ് ഇവര്‍ താൽപര്യപ്പെടുന്നത്. ഭാവിയെ കുറിച്ച് ചിന്തകള്‍ ഉണ്ടാകാറില്ല. ഭൂമി, ഗൃഹം എന്നിവയോട് അമിതഭ്രമം ഇവര്‍ പ്രകടിപ്പിക്കും. ആത്മീയ കാര്യങ്ങളിൽ താൽപര്യം ഉണ്ട്. എന്നാൽ അന്ധമായ വിശ്വാസങ്ങളെ എതിര്‍ക്കാനും ഇലര്‍ തയ്യാറാകും. ശത്രുക്കളോട് തക്ക സമയത്ത് പക വീട്ടും. അതിസാമര്‍ത്ഥ്യം തിരിച്ചടി ഉണ്ടാക്കിയേക്കാം. തെറ്റുകള്‍ സ്വയം തിരുത്തി മുന്നേറാൻ തയ്യാറാകും.
ഈ നക്ഷത്രക്കാര്‍ ചൊവ്വ, വ്യാഴം, ശനി എന്നീ ദശകളിൽ ദോഷപരിഹാരം ചെയ്യണം. എല്ലാ ദിവസവും സൂര്യനെയും സൂര്യൻ്റെ അധിദേവതയായ ശിവനേയും ഭജിക്കുന്നത് അനുകൂല ഫലങ്ങള്‍ നേടിത്തരും. കാര്‍ത്തിക നക്ഷത്രത്തിലും അനുജന്മനക്ഷത്രങ്ങളായ ഉത്രം, ഉത്രാടം എന്നിവയിലും ശിവക്ഷേത്രദർ‍ശനം നടത്തുക. ദോഷം സംഭവിച്ചിട്ടുണ്ടെങ്കിൽ സന്താനഗോപാലാർ‍ച്ചന, പുരുഷസൂക്തപുഷ്പാഞ്ജലി എന്നിവ വഴിപാടായി കഴിപ്പിക്കുക. വിശാഖവുമായി വിവാഹം പാടില്ല.
Disclaimer:ജ്യോതിഷം പ്രമേയമായി ഈ പേജില്‍ പ്രസിദ്ധീകരിക്കുന്ന ലേഖനങ്ങള്‍ വിശ്വാസവുമായി മാത്രം ബന്ധം പുലര്‍ത്തുന്നതാണ്. ഇവയ്‍ക്ക് ശാസ്ത്രീയമായ സാധുതയുണ്ടോ എന്നത് തര്‍ക്കവിധേയമാണ്. സ്വന്തം തീരുമാനങ്ങളുടെ പുറത്ത് മാത്രം ഈ വിവരങ്ങള്‍ പിന്‍തുടരുക. പ്രാദേശികമായി പ്രചാരമുള്ള വിവരങ്ങള്‍ പ്രസിദ്ധപ്പെടുത്തുന്നു എന്നതിനപ്പുറം സമയം മലയാളം ഏതെങ്കിലും തരത്തില്‍ ഈ വിവരങ്ങള്‍ സാക്ഷ്യപ്പെടുത്തുന്നില്ല.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
