Today Nakshatra: ഇന്ന് രോഹിണി നക്ഷത്രം; പ്രത്യേകതകള്‍, പ്രധാന വിവരങ്ങൾ‍, അറിയേണ്ടതെല്ലാം

മേടം രാശിയിൽ ഉള്‍പ്പെടുന്ന നക്ഷത്രമാണ് രോഹിണി. ഈ നക്ഷത്രം മനുഷ്യഗണമാണ്. രോഹിണി നക്ഷത്രക്കാര്‍ സത്യസന്ധരും സമര്‍ത്ഥരുമായിരിക്കുമെന്ന് ജ്യോതിഷം പറയുന്നു. മറ്റുള്ളവര്‍ക്ക് ഇഷ്ടപ്പെടാത്ത പ്രവര്‍ത്തികള്‍, വാക്കുകൾ തുടങ്ങിയ ചെയ്യാൻ ഇവര്‍ തയ്യാറാകില്ല. എല്ലാവരോടും നല്ല പെരുമാറ്റം കാഴ്ചവയ്ക്കും. ഇതുകാരണം അനേകം ആരാധകർ ഇവർക്ക് ഉണ്ടാകും.

രോഹിണി നക്ഷത്രക്കാര്‍ തീരുമാനങ്ങളിൽ നിന്ന് വ്യതിചലിക്കാത്തവരാണ്. തെറ്റുകളെ ചൂണ്ടിക്കാട്ടാൻ ഇവര്‍ തയ്യാറാകും. മറ്റുള്ളവരുടെ ന്യൂനതകളെ ഒറ്റനോട്ടത്തിൽ മനസിലാക്കുന്നത് ഇവരുടെ ജന്മസിദ്ധമായ കഴിവാണ്. ഒരിക്കലും നീതിക്കു നിരക്കാത്ത കാര്യങ്ങള്‍ ചെയ്യാൻ തയ്യാറാകില്ല.

ഇന്നത്തെ രാശിഫലം: മിഥുനം രാശിക്കാർ തർക്കങ്ങൾ ഒഴിവാക്കുക

വളരെ മെച്ചപ്പെട്ട സാമ്പത്തിക അടിത്തറയുണ്ട്. സമൂഹത്തിൽ നിന്ന് പലവിധ അംഗീകാരങ്ങള്‍ ഇവരെ തേടിയെത്തും. സര്‍ക്കാര്‍ ഉദ്യോഗത്തിലായിരിക്കും ഈ നക്ഷത്രക്കാര്‍ പ്രവേശിക്കുന്നത്. കൂടാതെ, സൈനിക മേഖലയിലും ഉദ്യോഗം ലഭിച്ചേക്കാം.

വളരെ മെലിഞ്ഞ്, ഉയരം കുറഞ്ഞ ശരീരത്തിന് ഉടമകളായിരിക്കും രോഹിണി നക്ഷത്രക്കാർ. പെട്ടെന്ന് കോപിക്കുന്നത് ഇവരുടെ പ്രത്യേകതയാണ്. മനസിൽ ഒളിപ്പിക്കുന്ന കാര്യങ്ങൾ ജീവിത കാലം വരെ മറക്കാതെ സൂക്ഷിക്കും. ബിസിനസിലും ഉദ്യോഗത്തിലും ശോഭിക്കാൻ സാധിക്കും. ആഡംബര ജീവിതത്തിനോടാണ് താൽപര്യം.

ഈ നക്ഷത്രത്തിൽ ജനിച്ച സ്ത്രീകൾ സൗന്ദര്യവതികളായിരിക്കുമെന്ന് ജ്യോതിഷം . ഇവർ നല്ല സ്വഭാവത്തിന് ഉടമകളാണ്. പങ്കാളിയോടും മക്കളോടും അമിതമായ സ്നേഹം പ്രകടിപ്പിക്കും. ദാമ്പത്യത്തിൽ ചെറിയ പിടിവാശി പ്രകടിപ്പിക്കും. എന്നാലും കുടുംബ ജീവിതം തകർക്കാൻ ഇവർ അനുവദിക്കില്ല. സ്വന്തം തീരുമാനങ്ങളിൽ നിന്ന് തിരിച്ചടി നേരിടാനുള്ള സാധ്യതയും കൂടുതലാണ്.

രോഹിണി - ചില പ്രധാന വിവരങ്ങൾ‍:

വിഷാദം മനസിനെ അലട്ടുന്നുവോ, ജപിക്കാം ഈ മന്ത്രങ്ങൾ

ദോഷപരിഹാരം

രോഹിണി നക്ഷത്രക്കാര്‍ രാഹു, കേതു ദാശാപഹാരകാലങ്ങളില്‍ ദോശപരിഹാരം ചെയ്യണം. നിത്യവും ചന്ദ്രൻ, ദുര്‍ഗാദേവി, പാര്‍വ്വതി ദേവി എന്നാ ദേവതകളെ ആരാധിച്ചാൽ വേഗത്തിൽ ഫലം സിദ്ധിക്കും. ഇത് കൂടാതെ, തിങ്കളാഴ്ച വ്രതം അനുഷ്ഠിക്കുന്നതും ഉത്തമമാകുന്നു. രോഹിണിയും തിങ്കളും ഒത്തുവരുന്ന ദിവസവും പൗര്‍ണ്ണമി ദിവസം ദുര്‍ഗ്ഗാക്ഷേത്രദര്‍ശനവും അമാവാസി ദിനം ഭദ്രകാളീക്ഷേത്രദര്‍ശനവും നടത്തുക. നിങ്ങളുടെ അനുജന്മനക്ഷത്രങ്ങളായ അത്തം, തിരുവോണം എന്നിവയിലും ക്ഷേത്രദര്‍ശനം പതിവാക്കുക. ചോതിയുമായി വിവാഹം പാടില്ല.

വീടിനുള്ളിൽ പൂജാമുറികൾ നിർമ്മിക്കുമ്പോഴും അലങ്കരിക്കുമ്പോഴും ഈ കാര്യങ്ങൾ നിങ്ങൾ ശ്രദ്ധിക്കാറുണ്ടോ...???

Disclaimer: ജ്യോതിഷം പ്രമേയമായി ഈ പേജില്‍ പ്രസിദ്ധീകരിക്കുന്ന ലേഖനങ്ങള്‍ വിശ്വാസവുമായി മാത്രം ബന്ധം പുലര്‍ത്തുന്നതാണ്. ഇവയ്‍ക്ക് ശാസ്ത്രീയമായ സാധുതയുണ്ടോ എന്നത് തര്‍ക്കവിധേയമാണ്. സ്വന്തം തീരുമാനങ്ങളുടെ പുറത്ത് മാത്രം ഈ വിവരങ്ങള്‍ പിന്‍തുടരുക. പ്രാദേശികമായി പ്രചാരമുള്ള വിവരങ്ങള്‍ പ്രസിദ്ധപ്പെടുത്തുന്നു എന്നതിനപ്പുറം സമയം മലയാളം ഏതെങ്കിലും തരത്തില്‍ ഈ വിവരങ്ങള്‍ സാക്ഷ്യപ്പെടുത്തുന്നില്ല.