Ayilyam Characteristics: ഇന്ന് ആയില്യം നക്ഷത്രം; പ്രത്യേകതകള്‍, പ്രധാന വിവരങ്ങൾ‍, അറിയേണ്ടതെല്ലാം

ആയില്യം (ഗണ്ഡാന്തനക്ഷത്രം) അസുരഗണ നക്ഷത്രമാണ്. ഈ നക്ഷത്രത്തില്‍ ജനിച്ചവര്‍ ഹൃദയകാഠിന്യം ഉള്ളവരായിരിക്കുമെന്ന് ജ്യോതിഷം പറയുന്നു. ഇവരിൽ വഞ്ചനാ, ചപലത, നിര്‍ബ്ബന്ധബുദ്ധി, തൻ്റേടം തുടങ്ങിയവ ദൃശ്യമായിരിക്കും. ആയില്യക്കാർ ജ്ഞാനികളും
വാക്‌സാമര്‍ത്ഥ്യം ഉള്ളവരായും ഭവിക്കും. ഇവർ ധിക്കാരപരമായിരിക്കും സംസാരിക്കുന്നത്.

ആയില്യം നക്ഷത്രത്തിൽ ജനിച്ചവർ നേതൃത്വ ഗുണമുള്ളവരാണ്. ഇവര്‍ക്ക് ഏതെങ്കിലും സംഘങ്ങളുടെയോ സമുദായത്തിൻ്റെയോ നേതാവായി മാറാൻ സാധിക്കും. വാക്‌സാമര്‍ത്ഥ്യം കൊണ്ട്‌ ആരെയും സ്വാധീനിക്കാൻ ഈ നക്ഷത്രക്കാര്‍ക്ക് സാധിക്കും. നര്‍മ്മം കലര്‍ന്ന സംഭാഷണം പ്രത്യേക ശൈലിയാണ്. എന്നാൽ ഏത്‌ കാര്യത്തിലും പറ്റിപ്പിടിച്ച്‌ നില്‍ക്കുകയോ ഒഴിഞ്ഞുമാറിപ്പോകാനോ ഉള്ള പ്രാവണ്യം ഇവര്‍ക്കുണ്ട്.

ഇന്നത്തെ ദിവസം നിങ്ങൾക്ക് എങ്ങനെ?; നേട്ടങ്ങൾ തേടിയെത്തുമോ?, അതോ കോട്ടങ്ങൾ ഉണ്ടാകുമോ!, വിശദമായ രാശിഫലം അറിയാം
വളരെ ശക്തമായ സാമ്പത്തിക അടിത്തറ ഉള്ളവരാണ്. കൂടാതെ, ഇവര്‍ സമ്പന്നകുടുംബങ്ങളില്‍ നിന്നായിരിക്കും വിവാഹം കഴിക്കുക. ഈ നക്ഷത്രത്തില്‍ ജനിച്ച സ്‌ത്രീകള്‍ അഭിമാനഗര്‍വം പ്രകടിപ്പിച്ചേക്കും. നന്ദിയില്ലായ്മ, ധൂര്‍ത്ത്‌ എന്നിവ മൂലം പഴി കേള്‍ക്കും. പാപകര്‍മ്മങ്ങളില്‍ വീണുപോകാതെ പ്രത്യേകം ശ്രദ്ധിക്കണം. എന്തുണ്ടായാലും അതിനെ വലുതാക്കി ചിത്രീകരിക്കും.

നിങ്ങള്‍ക്ക് യൗവനാനന്തരം ഉയര്‍ച്ച അനുഭവപ്പെടും. സംഭാഷണം കൊണ്ട് ആരെയും സ്വാധീനിക്കാന്‍ കഴിയും. മറ്റുള്ളവര്‍ നിരാശരായി മടങ്ങുന്ന പരിതസ്ഥിതികളെപ്പോലും ഇവര്‍ അനുകൂലമാക്കി മാറ്റും. അന്യരെ അനുകരിക്കുന്നതിലും നര്‍മ്മഭാഷണത്തിലും മിടുക്കുകൂടും. ഇവരുടെ ജീവിതത്തിന് വൃദ്ധിക്ഷയങ്ങള്‍ ഉണ്ടായിരിക്കും. ഉപകാരസ്മരണ കുറയുമെന്നത് ഒരു ന്യൂനതയാണ്.

ദോഷപരിഹാരകര്‍മ്മങ്ങള്‍

ആയില്യക്കാര്‍ ശുക്ര, ചന്ദ്ര, രാഹു എന്നീ ദശാകാലങ്ങളില്‍ ദോഷപരിഹാരകര്‍മ്മങ്ങള്‍ ചെയ്യണം. അനുജന്മനക്ഷത്രങ്ങളായ തൃക്കേട്ട, രേവതി എന്നിവയിലും ആയില്യം ദിവസവും ശ്രീകൃഷ്ണ, നാഗരാജ ക്ഷേത്രദര്‍ശനം നടത്തണം. ബുധനാഴ്ച വ്രതം, ശ്രീകൃഷ്ണക്ഷേത്ര ദര്‍ശനവും അത്യുത്തമം ആകുന്നു. ആയില്യവും ബുധനും ചേര്‍ന്നുവരുന്ന ദിവസം പ്രത്യേകപൂജകള്‍ ചെയ്യണം. സ്ഥാനചലനമുണ്ടാക്കുന്ന 'പാദവേധദോഷം' ഉള്ളതിനാല്‍ മൂലവുമായി വിവാഹം പാടില്ല. അഥവാ ദോഷം സംഭവിച്ചിട്ടുണ്ടെങ്കില്‍ സംവാദസൂക്തപുഷ്പാഞ്ജലി നടത്തി പ്രാര്‍ത്ഥിക്കണം. ഏകനക്ഷത്രദോഷം ഉള്ളതിനാല്‍ ആയില്യവുമായും വിവാഹം വര്‍ജ്ജ്യമാകുന്നു. പെണ്‍കുട്ടികള്‍ വിവാഹത്തിനായി മനുഷ്യഗണത്തിലെ ദീര്‍ഘായുസ്സുള്ള ആണ്‍കുട്ടികളെ തെരഞ്ഞെടുക്കുന്നത് അത്യുത്തമം.

കേതു ദുര്‍ബ്ബലനാണോ?, എന്നാൽ ഈ രത്നം ധരിക്കാം


ആയില്യം നക്ഷത്രം: ചില പ്രധാന വിവരങ്ങൾ‍

അമാവാസി 28 ന്; ഇക്കാര്യങ്ങൾ മറക്കാതെ ചെയ്തോളൂ, അപ്രതീക്ഷിത നേട്ടങ്ങൾ ഉറപ്പ്!

Disclaimer: ജ്യോതിഷം പ്രമേയമായി ഈ പേജില്‍ പ്രസിദ്ധീകരിക്കുന്ന ലേഖനങ്ങള്‍ വിശ്വാസവുമായി മാത്രം ബന്ധം പുലര്‍ത്തുന്നതാണ്. ഇവയ്‍ക്ക് ശാസ്ത്രീയമായ സാധുതയുണ്ടോ എന്നത് തര്‍ക്കവിധേയമാണ്. സ്വന്തം തീരുമാനങ്ങളുടെ പുറത്ത് മാത്രം ഈ വിവരങ്ങള്‍ പിന്‍തുടരുക. പ്രാദേശികമായി പ്രചാരമുള്ള വിവരങ്ങള്‍ പ്രസിദ്ധപ്പെടുത്തുന്നു എന്നതിനപ്പുറം സമയം മലയാളം ഏതെങ്കിലും തരത്തില്‍ ഈ വിവരങ്ങള്‍ സാക്ഷ്യപ്പെടുത്തുന്നില്ല.