Everything You Need To Know About 3rd September 2019 Chothi Nakshatra In Malayalam
Today Nakshatra: ഇന്ന് ചോതി നക്ഷത്രം; പ്രത്യേകതകള്‍, പ്രധാന വിവരങ്ങൾ, അറിയേണ്ടതെല്ലാം
തുലാം രാശിയിൽ ജനിക്കുന്നവർ ധര്‍മ്മനിഷ്ഠ ഉള്ളവരായിരിക്കും. ഇവരുടെ രാശ്യാധിപൻ ശുക്രനാണ്. ഇവർക്ക് ഏതു കാര്യത്തിലും വീണ്ടുവിചാരവും ഭയവും ഉണ്ടാകും. ഭക്ഷണപ്രിയരാണ്
Samayam Malayalam3 Sept 2019, 9:21 am
തുലാം രാശിയിൽ ഉള്‍പ്പെടുന്ന നക്ഷത്രമാണ് ചോതി. ഈ നക്ഷത്രത്തിൽ ജനിച്ചവര്‍ ധര്‍മ്മനിഷ്ഠ ഉള്ളവരായിരിക്കുമെന്ന് ജ്യോതിഷം പറയുന്നു. ഇവര്‍ പിണക്കം ഭാവിക്കുന്ന സ്വഭാവത്തിന് ഉടമകളാണ്. പലപ്രവര്‍ത്തികളിലും ഇവര്‍ അസാമാന്യ സാമര്‍ത്ഥ്യം പ്രകടിപ്പിക്കും. സ്വന്തം കഠിനാധ്വാനം ഇവരെ ഉയര്‍ച്ചയിൽ എത്തിക്കും.
Samayam Malayalam
ആത്മനിയന്ത്രണം, മധുരമായ സംസാരം, സത്യസന്ധത, വിനയം എന്നിവ ഈ രാശിക്കാരുടെ പ്രത്യേകതകളാണ്. എല്ലാ കാര്യങ്ങളെയും നിരീക്ഷിക്കാനുള്ള കഴിവും ബുദ്ധിശക്തിയും ഇവരുടെ മുഖമുദ്രയാണ്. ആരെയും ആശ്രയിക്കാൻ ഇവര്‍ പൊതുവേ തയ്യാറാകുകയില്ല. നല്ല സുഹൃത്തുക്കളേയും കപടനാട്യക്കാരേയും തിരിച്ചറിയാൻ ഇവര്‍ക്ക് സാധിച്ചെന്ന് വരില്ല.
സമൂഹത്തിന് വേണ്ടി എന്തും ചെയ്യാൻ ഇവര്‍ തയ്യാറാകുന്നു. കൊടുക്കല്‍, വാങ്ങല്‍, കച്ചവടം എന്നിവയില്‍ തിളങ്ങും. ബിസിനസിൽ ഇവര്‍ക്ക് അപ്രതീക്ഷിത പുരോഗതി ഉണ്ടാകും. സ്വന്തമായി അദ്ധ്വാനിച്ച്‌ സമ്പാദിക്കാൻ സാധിക്കും. ആരുടെയും മനസിൽ തന്നോട് അനിഷ്ഠം തോന്നാൻ ഇവര്‍ നിൽക്കുകയില്ല. പൊതുവേ ഇവര്‍ ഭക്ഷണപ്രിയരാണ്. ലളിതകല, ശില്‍പവിദ്യ എന്നിവയില്‍ കഴിവ് തെളിയിക്കും. നേതൃത്വപാഠവം ഇവര്‍ക്ക് ഉണ്ടായിരിക്കും. അനാഡംബരമായ ജീവിതമാണ്‌ ഇഷ്ടപ്പെടുന്നത്‌. എപ്പോഴും ബഹുജനങ്ങളുമായി പെരുമാറാനിഷ്ടപ്പെടുന്നു.ചോതിക്കാര്‍ക്ക് ഏതു കാര്യത്തിലും വീണ്ടുവിചാരവും ഭയവും ഉണ്ടാകും.
ഈ നക്ഷത്രക്കാര്‍ സുര്യ, ശനി, കേതു ദശകളിൽ ദോഷപരിഹാരം ചെയ്യണം. നിങ്ങളുടെ അനുജന്മനക്ഷത്രങ്ങളായ ചോതി, ചതയം, തിരുവാതിര എന്നിവയിൽ ക്ഷേത്രദര്‍ശനം നടത്തണം. ഇവര്‍ രാഹുവിനെ പ്രീതിപ്പെടുത്തുന്നത് ഉത്തമമാണ്. കൂടാതെ, ശുക്രൻ്റെ അധിദേവതകളായ മഹാലക്ഷ്മി, അന്നപൂർ‍ണ്ണേശ്വരി എന്നിവരെ ആരാധിക്കുന്ന കർ‍മ്മങ്ങളും ചെയ്യണം. രോഹിണിയുമായി വിവാഹം പാടില്ല. തിങ്കളാഴ്ചവ്രതം, സ്വയംവരപുഷ്പാഞ്ജലി എന്നിവ നടത്തുന്നത്‌ അത്യുത്തമം.
Disclaimer: ജ്യോതിഷം പ്രമേയമായി ഈ പേജില്‍ പ്രസിദ്ധീകരിക്കുന്ന ലേഖനങ്ങള്‍ വിശ്വാസവുമായി മാത്രം ബന്ധം പുലര്‍ത്തുന്നതാണ്. ഇവയ്‍ക്ക് ശാസ്ത്രീയമായ സാധുതയുണ്ടോ എന്നത് തര്‍ക്കവിധേയമാണ്. സ്വന്തം തീരുമാനങ്ങളുടെ പുറത്ത് മാത്രം ഈ വിവരങ്ങള്‍ പിന്‍തുടരുക. പ്രാദേശികമായി പ്രചാരമുള്ള വിവരങ്ങള്‍ പ്രസിദ്ധപ്പെടുത്തുന്നു എന്നതിനപ്പുറം സമയം മലയാളം ഏതെങ്കിലും തരത്തില്‍ ഈ വിവരങ്ങള്‍ സാക്ഷ്യപ്പെടുത്തുന്നില്ല.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
