സദാസമയവും ശിവലിംഗത്തില്‍ നന്ദികേശൻ ജലധാര നടത്തുന്ന മണ്ണിനടിയിലെ ക്ഷേത്രം

സദാസമയവും ശിവലിംഗത്തില്‍ ജലധാര നടത്തുന്ന നന്ദി ഒരുപക്ഷേ ചില‍ക്കെങ്കിലും കൗതുകമാകാറുണ്ട്. എന്നാൽ ജലത്തിൻ്റെ ഉറവിടം എവിടെയെന്ന് ആര്‍ക്കുമറിയില്ലെന്നതാണ് വസ്തുത. ഏഴായിരത്തിലധികം വർഷം പഴക്കമുണ്ടെന്നു വിശ്വസിക്കപ്പെടുന്ന മല്ലീശ്വരം ക്ഷേത്രത്തിലാണ് ഈ വിസ്മയക്കാഴ്ച്ച. ശ്രീ ദക്ഷിണമുഖ നന്ദി തീര്‍ത്ഥ കല്യാണി ക്ഷേത്രം എന്നാണ് ഇത് അറിയപ്പെടുന്നത്.

ഇവിടെ 19997 ൽ നിർമ്മാണ പ്രവർത്തനങ്ങൾ നടത്തിക്കൊണ്ടിരിക്കുമ്പോഴാണ് മണ്ണിനടിയിൽ നന്ദിയുടെ ക്ഷേത്രം കണ്ടെത്തുന്നന്നത്. വീണ്ടും കുഴിച്ചപ്പോൾ നന്ദിയുടെ ക്ഷേത്രത്തിൻ്റെ താഴത്തെ നിലയിൽ ഒരു ശിവലിംഗം കണ്ടെത്തി.



മുകളിലെ നന്ദിയുടെ വായിൽ നിന്നും ശിവലിംഗത്തിലേക്ക് ധാരധാരയായി വെള്ളം വീഴുന്ന രീതിയിലാണ് ഈ ക്ഷേത്രം നിർമ്മിച്ചിരിക്കുന്നത്. എന്നാൽ പക്ഷേ, നന്ദിയുടെ വായിൽ എങ്ങനെയാണ് വെള്ളം എത്തുന്നതെന്ന് ഇനിയും കണ്ടുപിടിക്കുവാൻ സാധിച്ചിട്ടില്ല.

ഗംഗമ്മ ക്ഷേത്രത്തിന് മുൻവശത്തായാണ് ക്ഷേത്രം സ്ഥിതി ചെയ്യുന്നത്. കടു മല്ലേശ്വര ക്ഷേത്രവും ഇതിനടുത്താണ്. ബെംഗലൂരു മല്ലേശ്വരം ലേഔട്ടിലാണ് ഈ ക്ഷേത്രമുള്ളത്.