നല്ല ഭര്‍ത്താക്കന്മാരെ ലഭിക്കുന്നതിനായി തിങ്കളാഴ്ച വ്രതം എടുക്കാം

ആഴ്ച വ്രതമെടുക്കുന്ന ധാരാളം പേര്‍ നമുക്കിടയിലുണ്ട്. ഐശ്വര്യം, മാംഗല്യ സിദ്ധി, ചൊവ്വാ-ശനി ദോഷങ്ങല്‍ മാറാന്‍ തുടങ്ങിയവയ്ക്കായാണ് നാം വ്രതം എടുക്കുന്നത്. നമ്മുടെ ദിനചര്യയില്‍ ചില മാറ്റങ്ങള്‍ വരുത്തി ആധ്യാത്മികതയ്ക്ക് ഇടം നല്‍കുന്നതിനെയാണ് വ്രതം എന്ന പദം സൂചിപ്പിക്കുന്നത്. എന്നാല്‍ പലപ്പോഴും വ്രതമെടുക്കുമ്പോള്‍ പാലിക്കേണ്ട വ്രതശുദ്ധിയും മറ്റും എന്തൊക്കെയെന്ന് പലര്‍ക്കും അറിയില്ല.

സ്ത്രീകള്‍ മാത്രം തിങ്കളാഴ്ച ദിവസങ്ങളില്‍ എടുക്കുന്ന വ്രതമാണ് തിങ്കളാഴ്ച വ്രതം. ഹിന്ദുമത വിശ്വാസപ്രകാരം അവിവാഹിതകളായ യുവതികള്‍ തിങ്കളാഴ്ച വ്രതം അനുഷ്ടിച്ചാല്‍ അവരുടെ ആഗ്രഹം പോലുള്ള ആളുമായി വിവാഹം നടക്കും എന്നാണ് വിശ്വാസം. അതുപോലെ തന്നെ ദാമ്പത്യബന്ധം സുഖകരമായി മുന്നോട്ടു പോകാന്‍ വിവാഹിതകളായ സ്‍ത്രീകളും തിങ്കളാഴ്ച വ്രതം അനുഷ്ഠിക്കാറുണ്ട്.

അതിരാവിലെ തന്നെ കുളികഴിഞ്ഞ് ശിവക്ഷേത്ര ദര്‍ശനം നടത്തുക. അവിടെ ശിവപഞ്ചാക്ഷരി മന്ത്രം നാമജപം നടത്തുക. അതോടൊപ്പം ഞായറാഴ്ചയും തിങ്കളാഴ്ചയും ഒരിക്കലൂണ് മാത്രം നടത്തുക.