Vinayaka Idols: ഗണപതി വിഗ്രഹം വീട്ടിൽ എവിടെ വയ്ക്കും? സ്ഥാനം തെറ്റിയാൽ പ്രശ്നം

ഒരു ഗണപതി വിഗ്രഹം ഇല്ലാത്ത വീടുകള്‍ ചുരുക്കമാണ്. ഏതൊരു പ്രവര്‍ത്തി ചെയ്യുന്നതിന് മുൻപ് ഗണപതിയെ മനസിൽ വിചാരിച്ചാൽ എല്ലാ വിഘ്നങ്ങളും മാറുമെന്നാണ് വിശ്വാസം. ഈ വിശ്വാസത്തെ മുൻനിര്‍ത്തി നാം വീട്ടിൽ പല രൂപത്തിലും ഭാവത്തിലുമുള്ള ഗണപതി വിഗ്രഹങ്ങള്‍ വയ്ക്കാറുണ്ട്. എന്നാൽ ഗണപതി വിഗ്രഹത്തിൻ്റെ സ്ഥാനം ശ്രദ്ധിക്കേണ്ടതുണ്ട്. ഇത് തെറ്റിയാൽ വൻ പ്രശ്നമാണ് ഉണ്ടാകാൻ പോകുന്നത്.

ഗണപതി വിഗ്രഹങ്ങള്‍ പലതരത്തിലുണ്ട്. ഇവയ്ക്ക് പല ഫലങ്ങളാണ് ജ്യോതിശാസ്ത്രം അനുശാസിക്കുന്നത്. ചെമ്പ്, വെള്ളി, പിച്ചള, തടി, കളിമണ്ണ് തുടങ്ങിയവ ഉപയോഗിച്ച് നിര്‍മ്മിച്ച ഗണപതി വിഗ്രഹങ്ങളായിരിക്കും ഭൂരിഭാഗം വീടുകളിലും പ്രാർത്ഥനക്കായി വയ്ക്കുന്നത്.

ചെമ്പുകൊണ്ടുള്ള ഗണപതി വിഗ്രഹങ്ങള്‍ വീട്ടിൽ സൂക്ഷിക്കുന്നതിലൂടെ സന്താന ലാഭം ഉണ്ടാകും. ഇവ കിഴക്ക്, തെക്ക്, എന്നീ ദിശകളിൽ വയ്ക്കണം. വെള്ളി കൊണ്ടുള്ള വിഗ്രഹം കുടുംബത്തിൻ്റെ യശസ് ഉയര്‍ത്തും. തെക്ക് കിഴക്ക്, പടിഞ്ഞാറ്, വടക്ക് പടിഞ്ഞാറ് എന്നീ ദിശകളിൽ വയ്ക്കുന്നതാണ് ഉത്തമം. പിച്ചള കൊണ്ടുള്ള വിഗ്രഹം കുടുംബത്തിൽ ഐശ്വര്യവും സമൃദ്ധിയും നേടിത്തരുമെന്നാണ് വിശ്വാസം. കിഴക്ക്, തെക്ക്, പടിഞ്ഞാറ് ദിശകളിൽ ഇവ വയ്ക്കാം. തടികൊണ്ടുള്ള വിഗ്രഹം വച്ചാൽ ആയുരാരോഗ്യവും അഭിവൃദ്ധിയും വര്‍ധിക്കും. വടക്ക് കിഴക്ക്, വടക്ക്, കിഴക്ക് എന്നീ ദിശകളിൽ വയ്ക്കാം. കളിമണ്ണ് കൊണ്ടുള്ളവ ഐശ്വര്യം നേടിത്തരുമെന്നാണ് വിശ്വാസം. തെക്ക് പടിഞ്ഞാറ് മാത്രമേ ഇവ വയ്ക്കാവൂ.