വീട്ടിൽ പൊട്ടിയ കണ്ണാടിയുണ്ടോ? സൂക്ഷിക്കണം!

പ്രകാശത്തെ പ്രതിഫലിപ്പിക്കുന്നതാണ് കണ്ണാടി. എല്ലാവരുടെയും ജീവിതത്തിൽ കണ്ണാടിക്ക് മുഖ്യസ്ഥാനമുണ്ട്. കണ്ണാടിയിൽ മുഖം നോക്കുക എന്നത് ഒരു ദൈനംദിന പ്രക്രിയയാണ്. ഇത് ഓരോ വ്യക്തിയിലും പോസിറ്റീവ് എനര്‍ജി നിറയ്ക്കാൻ കണ്ണാടിക്ക് സാധിക്കും. ഇത് മുൻനിര്‍ത്തി തന്നെയാണ് വാസ്തുശാസ്ത്രവും വീട്ടിലെ കണ്ണാടിക്ക് ഇത്രയേറെ പ്രധാന്യം നൽകുന്നത്.

ഒരു വീട്ടിൽ നെഗറ്റീവ് ഊര്‍ജം നിറയാൻ പലകാരണങ്ങളുണ്ട്. അതിൽ ഒന്നാണ് കണ്ണാടിയുടെ സ്ഥാനം. ദാമ്പത്യ ജീവിതത്തിൽ കണ്ണാടിയുടെ സ്ഥാനം വളരെ വലുതാണ്. കിഴക്ക്, വടക്ക് എന്നീ ദിശയിലേക്ക് മുഖം നോക്കുന്ന രീതിയിലായിരിക്കണം കണ്ണാടി സ്ഥാപിക്കേണ്ടത്. അതായിത് കിഴക്ക്, വടക്ക് ദിശയിലുള്ള ഭിത്തിയിൽ കണ്ണാടി തൂക്കണം എന്നർത്ഥം. ഇത്തരത്തിലുള്ള ഗൃഹങ്ങളിൽ പുരോഗതിയും സമ്പത്തും ഉണ്ടാകുമെന്ന് വാസ്തുശാസ്ത്രം പറയുന്നു.

Read More: ഈ നാല് രാശിക്കാര്‍ വേഗത്തിൽ സ്ത്രീകളുടെ മനം കവരും

എന്നാൽ കിടപ്പുമുറിയിൽ കണ്ണാടി വയ്ക്കുന്നത് യോജ്യമല്ലെന്നാണ് വാസ്തു പറയുന്നത്. ദമ്പതികൾ തമ്മിലുള്ള യോജിപ്പ് ഇല്ലാതാക്കാൻ ഇത് കാരണമാകുമെന്നും പറയുന്നു. ഇനി കിടപ്പുമുറിയിൽ കണ്ണാടി നിര്‍ബന്ധമാണെങ്കിൽ കട്ടലിൻ്റെ സമീപത്ത് സ്ഥാപിക്കാതിരിക്കുക. നിങ്ങള്‍ ഉറങ്ങുന്നത് കണ്ണാടിയിലൂടെ കാണാൻ പാടില്ല. ഈ സമയത്ത് ഒരു തുണി ഉപയോഗിച്ച് കണ്ണാടി മറയ്ക്കുന്നതും ഉചിതമാണ്.

വീട്ടിൽ പൊട്ടിയതും മങ്ങിയതുമായ കണ്ണാടികൾ സൂക്ഷിക്കാതിരിക്കുക. ഇത്തരം കണ്ണാടികള്‍ ഗൃഹത്തിൽ ഉണ്ടെങ്കിൽ അവ ഉടൻ തന്നെ മാറ്റുക. ഇത് അനിഷ്‌ട സംഭവങ്ങള്‍ക്ക് കാരണമാകുമെന്നും വാസ്തുശാസ്ത്രം ചൂണ്ടിക്കാട്ടുന്നു.

Read More: വീട്ടിലെ കിണറിൻ്റെ സ്ഥാനം ഒരിക്കലും ഇവിടെ ആകരുത്!

വീട്ടിൽ പോസിറ്റീവ് ഊർജം നിറയ്ക്കാനുള്ള മറ്റ് മാർഗങ്ങൾ

ക്ലോക്ക്

വീട്ടിൽ പോസിറ്റീവ് ഊര്‍ജം നിറക്കാൻ അനുകൂലമായ വസ്തുവാണ് ക്ലോക്ക്. അലങ്കാരത്തിനായും സമയം നോക്കാനായും നമ്മള്‍ ക്ലോക്ക് പലസ്ഥാനങ്ങളും തൂക്കും. എന്നാൽ ഇവ കൃത്യമായ സ്ഥാനത്ത് സ്ഥാപിച്ചാൽ കുടുംബത്തിൽ ഐശ്വര്യം നിറയുമെന്നാണ് വാസ്തുശാസ്ത്രം പറയുന്നത്. ക്ലോക്കുകള്‍ വാതിലിൽ തൂക്കിയിടരുത്. കിഴക്ക്, പടിഞ്ഞാറ്, വടക്ക് എന്നീ മൂന്ന് ദിശകളിൽ ക്ലോക്ക് വയ്ക്കുന്നതാണ് ഉചിതം. തുടര്‍ച്ചയായി ഈ ദിക്കുകളിലേക്ക് നോക്കുന്നത് നിങ്ങളിൽ പോസ്റ്റീവ് ഊര്‍ജം നിറയ്ക്കും.

കണ്ണാടി

എന്തിനെയും പ്രതിഫലിപ്പിക്കുന്നതാണ് കണ്ണാടി. വീട്ടിലെ നെഗറ്റീവ് എനര്‍ജിയെ നശിപ്പിക്കാൻ കണ്ണാടിക്കാകുമെന്നാണ് വാസ്തുശാസ്ത്രം പറയുന്നത്. സമചതുരം, ദീര്‍ഘചതുരം എന്നീ ആകൃതികളിലുള്ള കണ്ണാടികളാണ് വീട്ടിൽ ഉപയോഗിക്കേണ്ടത്. കണ്ണാടിയുടെ സ്ഥാനം വടക്ക് കിഴക്ക് ദിശയിലായിരിക്കണം. ഇതൊടൊപ്പം തറയിൽ നിന്ന് അഞ്ച് അടി ഉയരത്തിൽ ഇവ സ്ഥാപിക്കാനും ശ്രദ്ധിക്കണം.

വെള്ളം ഒഴുകുന്ന ചിത്രങ്ങള്‍

വെള്ളത്തിന് വാസ്തുശാസ്ത്രത്തിൽ വളരെയധികം പ്രധാന്യമുണ്ട്. ഗൃഹത്തിൽ വെള്ളം ഒഴുകുന്ന തരത്തിലുള്ള ചിത്രങ്ങള്‍ സ്ഥാപിച്ചാൽ ഐശ്വര്യം ഉണ്ടാകുമെന്നാണ് വിശ്വാസം. ഗൃഹത്തിൽ അക്വേറിയം വയ്ക്കുന്നതും ഉത്തമമാണ്. എന്നാൽ ഇത്തരം വസ്തുക്കൾ വടക്കുകിഴക്ക് ദിശയിൽ സ്ഥാപിക്കാൻ പാടില്ല.

Read More: ഇവ പ്രഭാതത്തിൽ കണ്ടാൽ നിങ്ങള്‍ സമ്പന്നരാകും

മണിപ്ലാൻ്റ്

ഗൃഹത്തിൽ മണിപ്ലാൻ്റ് വയ്ക്കുന്നത് സമ്പത്തിൻ്റെ വരവ് കൂട്ടുമെന്നാണ് വിശ്വാസം. ഇവ ആര്‍ത്ത് വളരുന്നത് ഐശ്വര്യം നേടിത്തരും. ഇവ വടക്ക് കിഴക്ക് ദിശയിൽ വയ്ക്കുന്നത് ഉചിതമല്ല.

Disclaimer: ജ്യോതിഷം പ്രമേയമായി ഈ പേജില്‍ പ്രസിദ്ധീകരിക്കുന്ന ലേഖനങ്ങള്‍ വിശ്വാസവുമായി മാത്രം ബന്ധം പുലര്‍ത്തുന്നതാണ്. ഇവയ്‍ക്ക് ശാസ്ത്രീയമായ സാധുതയുണ്ടോ എന്നത് തര്‍ക്കവിധേയമാണ്. സ്വന്തം തീരുമാനങ്ങളുടെ പുറത്ത് മാത്രം ഈ വിവരങ്ങള്‍ പിന്‍തുടരുക. പ്രാദേശികമായി പ്രചാരമുള്ള വിവരങ്ങള്‍ പ്രസിദ്ധപ്പെടുത്തുന്നു എന്നതിനപ്പുറം സമയം മലയാളം ഏതെങ്കിലും തരത്തില്‍ ഈ വിവരങ്ങള്‍ സാക്ഷ്യപ്പെടുത്തുന്നില്ല.