ഭാഗ്യം നേടാനൊരു രഹസ്യ മന്ത്രമുണ്ട്; അതറിയാമോ?

ഭാഗ്യം... എല്ലാവര്‍ക്കും വേണ്ടത് ഇതാണ്. ഇത് കിട്ടാനായി ഏതറ്റം വരെ പോകാനും ഇന്ന് ആര്‍ക്കും മടിയില്ല. ഭാഗ്യം എന്നത് സമ്പത്ത് എളുപ്പമാര്‍ഗ്ഗത്തിൽ കണ്ടെത്താനുള്ള പോംവഴിയായാണ് ഇന്ന് എല്ലാവരും കാണുന്നത്. അതിനാലാണ് മിക്കവരും ഭാഗ്യക്കുറിയുലൂടെ തങ്ങളുടെ ഭാഗ്യം പരീക്ഷിക്കുന്നത്. എന്നാൽ അതല്ല ഭാഗ്യത്തിന്‍റെ പൊരുൾ എന്നറിയുക.

വേദങ്ങളിലും ഭാഗ്യത്തെക്കുറിച്ചും ഭാഗ്യം നേടാനുള്ള വഴികളെക്കുറിച്ചും വ്യക്തമായി പരാമര്‍ശിക്കുന്നുണ്ട്. യജുര്‍വേദത്തില്‍ നിന്നെടുത്ത ഭാഗ്യസൂക്തത്തിലാണ് ഇതിനെക്കുറിച്ച് വിശദമായി പ്രതിപാദിക്കുന്നത്. അഞ്ച് മന്ത്രങ്ങൾ അടങ്ങിയ ഭാഗ്യസൂക്തത്തിലെ ആദ്യമന്ത്രം പ്രഭാതത്തില്‍ കരദര്‍ശനത്തിനും ഭൂമി വന്ദനത്തിനും ശേഷം കുളിച്ച് വൃത്തിയായി സംഘടനാസൂക്തം കൂടി കഴിഞ്ഞ് ചൊല്ലുന്നത് ഭാഗ്യസിദ്ധിക്ക് ഉത്തമമാണെന്ന് കാണുന്നു.

// ഓം പ്രാതരഗ്നിം പ്രാതരിന്ദ്രം // ഹവാമഹേ പ്രാതര്‍മ്മിത്രാ വരുണാ // പ്രാതരശ്വിനാ പ്രാതര്‍ഭഗം പൂഷണം // ബ്രാഹ്മണസ്പതിം പ്രാതസ്സോമമുത രുദ്രം ഹുവേമ // എന്ന മന്ത്രം "ഈ പ്രഭാതത്തില്‍ സ്വപ്രകാശം ചൊരുത്തുന്ന അഗ്‌നിയെയും പരമൈശ്വര്യദാതാവിനെയും പ്രാണനെയും ഉദാനനെയും പോലെ സര്‍വവ്യാപിയായ ഈശ്വരനെ സ്തുതിക്കുന്നു" എന്നാണ് അര്‍ഥമാക്കുന്നത്.